തൃഷയുമായി വിവാഹ നിശ്ചയം നടന്ന വരുണ്‍ എന്തിന് ബിന്ധു മാധവിയ്‌ക്കൊപ്പം വിദേശ യാത്രനടത്തി, ഉത്തരമിതാ!

ബിന്ദു മാധവിയ്‌ക്കൊപ്പം

നടി ബിന്ദു മാധവിയും വരുണും പ്രണയത്തിലാണെന്നും ഇരുവരും ഉടന്‍ വിവാഹിതരാകുന്നു എന്നും പറഞ്ഞുകൊണ്ടാണ് വാര്‍ത്തകള്‍ പ്രചരിച്ചത്. ഇരുവരും ഒന്നിച്ച് നടത്തിയ ചില വിദേശ ഫോട്ടോകള്‍ക്കൊപ്പമാണ് വാര്‍ത്ത പ്രചരിച്ചത്.

ഫോട്ടോ ഇട്ടത് ബിന്ദു

ബിന്ദു മാധവി തന്നെയാണ് വരുണിനൊപ്പമുള്ള വിദേശ യാത്രയുടെ ഫോട്ടോകള്‍ തന്റെ ഫേസ്ബുക്ക് - ട്വിറ്റര്‍ പേജില്‍ പോസ്റ്റ് ചെയ്തത്. എന്നാല്‍ സംഭവം ഗോസിപ്പായി എന്ന് മനസ്സിലാക്കിയതോടെ നടി തന്നെ ഫോട്ടോ ഡിലീറ്റ് ചെയ്തു.

സത്യ കഥ ഇതാണ്

ഇപ്പോഴിതാ സംഭവത്തിന്റെ സത്യാവസ്ഥയുമായി വരുണ്‍ രംഗത്തെത്തിയിരിയ്ക്കുന്നു. അത് തങ്ങള്‍ മാത്രം ഒരുമിച്ച് നടത്തിയ വിദേശ യാത്രയല്ല എന്ന് വരുണ്‍ വ്യക്തമാക്കി. ഒരു മാസം മുന്‍പ് ഞാന്‍ മാലിദ്വീപിലേക്ക് ഒരു യാത്ര നടത്തിയിരുന്നു. കൂടെ എന്റെ ഒരുകൂട്ടം കൂട്ടുകാരുമുണ്ടായിരുന്നു. ആ ഗ്രൂപ്പില്‍ ബിന്ദുവും ഉണ്ടായിരുന്നു- വരുണ്‍ വ്യക്തമാക്കി.

വിവാഹ വാര്‍ത്ത

ബിന്ദു മാധവിയുമായുള്ള വിവാഹ വാര്‍ത്തകള്‍ തീര്‍ത്തും വാസ്തവവിരുദ്ധമാണെന്നും വരുണ്‍ പറഞ്ഞു. ബിന്ദു എന്റെ നല്ല സുഹൃത്ത് മാത്രമാണെന്നും വരുണ്‍ വ്യക്തമാക്കി.