റോഷന്‍ എഴുന്നേറ്റ് നിന്നപ്പോള്‍ ഞെട്ടിയത് ഇളയദളപതി വിജയ്, കെട്ടിപ്പിടിച്ച് വിജയ് റോഷനോട് പറഞ്ഞത്...

ഭൈരവയിലേക്ക് ക്ഷണിച്ചത്

ദൃശ്യത്തിന് ശേഷം തമിഴില്‍ മൂട്ര് രസികര്‍കള്‍ എന്നൊരു ചിത്രം റോഷന്‍ ചെയ്തിരുന്നു. കടുത്ത വിജയ് ആരാധകനായ നായക വേഷമായിരുന്നു ചിത്രത്തില്‍ റോഷന്. അങ്ങനെ ഒരു ദിവസം വിജയ് യുടെ ടീം തന്നെ വിളിച്ച് ഭൈരവയില്‍ അഭിനയിക്കാന്‍ താത്പര്യമുണ്ടോ എന്ന് ചോദിയ്ക്കുകയായിരുന്നു എന്ന് റോഷന്‍ പറയുന്നു.

ചിത്രത്തിലെ വേഷം

വളരെ ചെറിയൊരു വേഷമാണ് ഭൈരവയില്‍ ചെയ്തത്. നായിക കീര്‍ത്തി സുരേഷിന്റെ കൂട്ടുകാരന്റെ റോളാണ്... പോസിറ്റീവ് വേഷമായതിനാലാണ് തിരഞ്ഞെടുത്തത് എന്ന് റോഷന്‍ പറഞ്ഞു. എന്നാല്‍ തന്നെ ത്രില്ലടിപ്പിച്ചത് അതൊന്നുമല്ല, വിജയ് യെ നേരിട്ട് കണ്ട അനുഭവമാണെന്ന് റോഷന്‍ പറയുന്നു.

ആദ്യമായി കാണുന്നത്

ഭൈരവയുടെ സെറ്റില്‍ എന്റെ ആദ്യത്തെ ദിവസമായിരുന്നു. ഒരു ഗാനരംഗമാണ് ചിത്രീകരിച്ചുകൊണ്ടിരിയ്ക്കുന്നത്. അപ്പോഴാണ് ഞാന്‍ കണ്ടത് വിജയ് നടന്നുവരുന്നത്. എന്നോട് അറിയാതെ എഴുന്നേറ്റ് നിന്നുപോയി. അദ്ദേഹം എന്റെ അരികില്‍ വന്ന് എന്റെ കെട്ടിപ്പിടിച്ചിട്ട് ഇരിക്കാന്‍ ആവശ്യപ്പെട്ടു.

അത്ഭുതപ്പെടുത്തിയത്..

'ഒരു മലയാളി നടന്‍ എന്റെ ആരാധകനായി അഭിനയിക്കുന്നത് എന്നെ പോലൊരു നടന്റെ നേട്ടമാണ്' എന്ന വിജയ് പറഞ്ഞപ്പോള്‍ ശരിയ്ക്കും എന്റെ കിളിപോയി എന്നാണ് റോഷന്‍ ബഷീര്‍ പറയുന്നത്. ഞാന്‍ അഭിനയിച്ച സിനിമ വിജയ് കാണുമെന്നും എന്നെ തിരിച്ചറിയും എന്നും ഒരിക്കലും പ്രതീക്ഷിച്ചില്ല എന്ന് റോഷന്‍ പറഞ്ഞു.