ഇല്യാനയുടെ നാഭിയ്ക്ക് നേരെ സംവിധായകന്‍ എറിഞ്ഞത് കല്ല്! എന്തിനെന്നോ???

ദേവദാസു എന്ന തെലുങ്ക് ചിത്രത്തിലൂടെയാണ് ഇല്യാന സിനിമയിലേക്ക് എത്തിയത്. തെലുങ്കില്‍ വന്‍ ഹിറ്റായി മാറിയ ചിത്രം സംവിധാനം ചെയ്തത് നിര്‍മാതാവുകൂടെയായ വൈവിഎസ് ചൗധരിയായിരുന്നു. ചിത്രത്തില്‍ തനിക്ക് നേരിട്ട അനുഭവത്തേക്കുറിച്ചാണ് ഇല്യാന പറയുന്നത്.

ചിത്രത്തില്‍ ഇല്യാനയുടെ വയറിന് നേരെ കല്ല് എറിയുന്ന ഒരു ഷോട്ട് ഉണ്ടായിരുന്നു. എന്തിനാണ് ഇത്തരത്തിലൊരു രംഗമെന്ന് തനിക്ക് മനസിലായില്ല. താന്‍ ഇക്കാര്യം സംവിധായകനോട് ചോദിക്കുകയും ചെയ്തതെന്ന് ഇല്യാന പറഞ്ഞു.

വയറിന് നേരെ കല്ലെറിയുന്നത് മനോഹരമാണെന്നായിരുന്നു സംവിധായകന്റെ മറുപടി. അതുപോലെ നാഭിക്കു ചുറ്റും പൂക്കള്‍ വച്ചുള്ള രംഗവും ചിത്രീകരിച്ചു, ഇതിനേക്കുറിച്ച് ചോദിച്ചപ്പോഴും മനോഹരമാണെന്നായിരുന്നു മറുപടിയെന്ന് താരം പറയുന്നു.

തെന്നിന്ത്യന്‍ താരം തപ്‌സി പന്നുവിന്റെ ആദ്യ ചിത്രത്തില്‍ സംവിധായകന്‍ രാഘവേന്ദ്ര റാവു താരത്തിന്റെ നാഭിക്ക് നേരെ തേങ്ങ എറിഞ്ഞിരുന്നു. ഇതിനേക്കുറിച്ച് അടുത്തിടെ തപ്‌സി തുറന്ന് പറഞ്ഞിരുന്നു. ഇത് ഏറെ വിവാദമായിരുന്നു. ഇതിന് സമാനമായി അനുഭവമാണ് ഇല്യാനയും പങ്കുവച്ചിരിക്കുന്നത്.

സ്ത്രീകളെ മോശക്കാരായി ചിത്രീകരിക്കുന്നത് തെന്നിന്ത്യന്‍ സിനിമയില്‍ മാത്രമല്ല. ബോളിവുഡ് അടക്കമുള്ള എല്ലാ സിനിമകളിലും അങ്ങനെയാണെന്ന് ഇല്യാന വ്യക്തമാക്കുന്നു. തെലുങ്കിന് പുറമെ ബോളിവുഡിലും തിരക്കുള്ള താരമാണ് ഇല്യാന.

എന്നാല്‍ ഗ്ലാമര്‍ വേഷങ്ങള്‍ ചെയ്യുന്നതിന് താന്‍ എതിരല്ലെന്ന് ഇല്യാന പറയുന്നു. ഗ്ലാമര്‍ വേഷങ്ങളില്‍ അഭിനയിക്കില്ലെന്ന് പറഞ്ഞിട്ടില്ല. അത്തരം വേഷങ്ങളില്‍ അഭിനയിക്കണമോ വേണ്ടയോ എന്നുള്ളത് ഓരോരുത്തരുടേയും തിരഞ്ഞെടുപ്പാണ്. പക്ഷെ ഇത്തരം രംഗങ്ങള്‍ വേണോ എന്ന് ചിന്തിക്കണം.

അജയ് ദേവ്ഗണ്‍, ഇമ്രാന്‍ ഹഷ്മി എ ന്നിവര്‍ കേന്ദ്രകഥാപാത്രങ്ങളാകുന്ന ബാദുഷാഹോ എന്ന ചിത്രത്തില്‍ ഇല്യാന നഗ്നയായി പ്രത്യക്ഷപ്പെടുന്നു. അജയ് ദേവ്ഗണിനൊപ്പമുള്ള ഒരു ഗാനരംഗത്തിലാണ് താരം നഗ്നയായി പ്രത്യക്ഷപ്പെടുന്നത്.