ആ ഭയം കാരണം അമ്മ മൊട്ടയടിക്കാന്‍ സമ്മതിച്ചില്ല,മുടിയെല്ലാം പോയി, പുതിയ ലുക്കില്‍ അമ്പിളി ദേവി

അമ്പിളി ദേവിയുടെ മുടി പ്രേക്ഷകരുടെ ഇടയില്‍ വലിയ ചര്‍ച്ചയാവാറുണ്ട്. ഇടതൂര്‍ന്ന നീണ്ട മുടികളാണ് നടിയ്ക്ക്. എന്നാല്‍ ഇപ്പോള്‍ മുടിയുടെ ആ പഴയ ഭംഗിയും ഉള്ളും നഷ്ടപ്പെട്ടിരിക്കുകയാണ്. ഇപ്പോഴിത തന്റെ മുടിയ്ക്ക് സംഭവിച്ചതിനെ കുറിച്ച് വെളിപ്പെടുത്തുകയാണ് താരം. ഹെയര്‍കട്ട് വീഡിയോയിലാണ് മുടിയെ കുറിച്ച് താരം വാചാലയായത്.

മുടി മുറിക്കാന്‍ എത്തിയ പ്പോഴാണ് മുടി കൊഴിഞ്ഞു പോയതിനെ കുറിച്ച് താരം വെളിപ്പെടുത്തിയത്. ''നീളമുള്ള മുടി ഒരുപാട് ഇഷ്ടപ്പെടുന്ന ആളാണ് ഞാന്‍. അതുകൊണ്ട് തന്നെ മുടിയുടെ കാര്യത്തില്‍ എന്നും പ്രത്യേക ശ്രദ്ധ കൊടുത്തിരുന്നു. എന്നാല്‍ ജീവിതത്തിലെ ചില പ്രശ്നങ്ങള്‍ കാരണം ഉള്ള മാനസിക പ്രയാസങ്ങള്‍ കൂടിയപ്പോള്‍ മുടി കൊഴിച്ചില്‍ അധികമായി. ഇപ്പോള്‍ തീരെ ഉള്ളില്ല. അതു കൊണ്ട് ഒരു മാറ്റം ആവാം എന്ന് വച്ചു എന്ന് അമ്പിളി പറയുന്നു.

2019 ഫെബ്രുവരി മാസത്തിലാണ് ഞാന്‍ ഏറ്റവും അവസാനം മുടി മുറിച്ചത്. ഏപ്രില്‍ ആയപ്പോഴേക്കും അജു മോനെ ഗര്‍ഭിണിയായി. ഗര്‍ഭകാലത്ത് മുടിയൊന്നും വെട്ടാന്‍ പാടില്ല എന്നാണല്ലോ. അങ്ങനെ ഒന്ന് - ഒന്നര വര്‍ഷം മുടി തൊട്ടില്ല. അതിന് ശേഷം ലോക്ക് ഡൗണ്‍ ആയി. ചുരുക്കി പറഞ്ഞാല്‍ മൂന്ന് - മൂന്നര വര്‍ഷമായി മുടി മുറിച്ചിട്ട്. ഇന്ന് ഹെയര്‍ കട്ട് ചെയ്യാന്‍ പോവുകയാണ്. തന്റെ തലമുടിയെ കുറിച്ചുള്ള മറ്റൊരു രഹസ്യവും താരം വെളിപ്പെടുത്തിട്ടുണ്ട്. കുഞ്ഞായിരിക്കുമ്പോള്‍ തന്റെ തലമുടി മൊട്ടയടിച്ചിട്ടില്ലെന്നാണ് താരം പറയുന്നു.

ജനിക്കുമ്പോള്‍ ഉള്ള മുടിയാണ് അമ്പിളിയുടേത്. ഇതുവരെ മൊട്ടയടിച്ചിട്ടില്ല. സാധാരണ കുഞ്ഞുങ്ങള്‍ ജനിക്കുമ്പോഴുള്ള മുടി മൊട്ടയടിച്ച് നീക്കും. എന്നാല്‍ മാത്രമേ നല്ല മുടി വരൂ എന്നാണ് വിശ്വാസം. എന്നാല്‍ ജനിക്കുമ്പോള്‍ തന്നെ നല്ല ചുരുള മുടി ആയതിനാല്‍ മൊട്ടയടിച്ചാല്‍ അത് പോയിപ്പോവുമോ എന്ന് ഭയന്ന് അമ്മ തല മൊട്ടയിടിച്ചില്ല എന്നാണ് താരം പറയുന്നത്. എന്തായാലും താരത്തിന്റെ പുതിയ ഹെയര്‍ സ്‌റ്റൈല്‍ ആരാധകര്‍ ഏറ്റെടുത്തിട്ടുണ്ട്. നല്ല കമന്റുകളാണ് ലഭിച്ചിരിക്കുന്നത്. നന്നായിട്ടുണ്ട് എന്നാണ് ആരാധകര്‍ പറയുന്നത്.ാേ

Recommended Video

Ambili Devi Biography | അമ്പിളി ദേവി ജീവചരിത്രം | FilmiBeat Malayalam

രണ്ടാമത്തെ കുഞ്ഞ് ജനിച്ചതിന് ശേഷം അമ്പിളി വീണ്ടും സീരിയലില്‍ സജീവമായിട്ടുണ്ട്. മഴവില്‍ മനോരമ സംപ്രേക്ഷണം ചെയ്യുന്ന തുമ്പപ്പൂ എന്ന സീരിയലിലൂടെയാണ് താരം മടങ്ങി എത്തിയിരിക്കുന്നത്. ആദ്യം തുമ്പപ്പൂവില്‍ നിന്ന് ഓഫര്‍ വന്നപ്പോള്‍ നിരസിക്കുകയായിരുന്നെന്ന് വനിതയ്ക്ക് നല്‍കിയ അഭിമുഖത്തില്‍ പറഞ്ഞിരുന്നു. പിന്നീട് കഥാപാത്രത്തെ കുറിച്ച് കേട്ടപ്പോഴാണ് ചെയ്യാമെന്ന് തീരുമാനിക്കുകയായിരുന്നെന്നും താരം പറഞ്ഞു. രണ്ടാമതും ഗര്‍ഭിണിയായ സമയത്താണ് അഭിനയത്തില്‍ നിന്ന് ഇടവേള എടുക്കുന്നത്.