തമിഴിലും തെലുങ്കിലും സജീവമാണെന്ന് അനന്യ! മലയാളം ഈ താരത്തെയും കൈയ്യൊഴിഞ്ഞോ? കാണൂ!

ടെലിവിഷനിലേക്ക്

ബിഗ് സ്‌ക്രീനില്‍ തുടങ്ങിയ പലരും ഇന്ന് മിനിസ്‌ക്രീനിന്റെ കൂടി സ്വന്തമാണ്. നല്ലൊരു അവതാരക കൂടിയാണ് താനെന്ന് തെളിയിച്ചുരൊണ്ടിരിക്കുകയാണ് അനന്യ. നായികയായും സഹതാരമായും നിറഞ്ഞുനിന്ന താരത്തിന്റെ പുതിയ റോളില്‍ ആരാധകരും സന്തോഷത്തിലാണ്. സോഷ്യല്‍ മീഡിയയിലൂടെ നിമിഷനേരം കൊണ്ടാണ് താരത്തിന്റെ പോസ്റ്റ് വൈറലായത്.

മലയാളത്തില്‍ കാണുന്നില്ലല്ലോ?

മലയാളത്തില്‍ തുടക്കം കുറിച്ച് പിന്നീട് തമിഴിലേക്കും തെലുങ്കിലേക്കുമൊക്കെ പോയവര്‍ക്ക് എന്നും മികച്ച സ്വീകാര്യതയാണ് ലഭിച്ചത്. അനന്യയുടെ കാര്യത്തിലും അത് തന്നെയാണ് സംഭവിച്ചത്. മികച്ച സ്വീകാര്യതയാണ് ഈ താരത്തിന് ലഭിച്ചത്. പുതിയ തമിഴ് ചിത്രത്തിന്റെയും തെലുങ്ക് സിനിമയുടെയും ചിത്രീകരണത്തിനിടയിലെ ചിത്രങ്ങള്‍ താരം പങ്കുവെച്ചിരുന്നു. ഇതോടെയാണ് താരത്തെ മലയാളത്തില്‍ കാണാനില്ലല്ലോ എന്ന് ആരാധകര്‍ പറഞ്ഞത്.

മികച്ച സ്വീകാര്യത

മലയാളത്തില്‍ മാത്രമല്ല തമിഴിലേക്കെത്തിയപ്പോഴും പ്രേക്ഷകര്‍ താരത്തെ ഇരുകൈയ്യും നീട്ടി സ്വീകരിച്ചിരുന്നു. ശശികുമാറിനെ നായകനാക്കി സമുദ്രക്കനി സംവിധാനം ചെയ്ത നാടോടികളിലൂടെയായിരുന്നു താരം തമിഴില്‍ ശ്രദ്ധിക്കപ്പെട്ടത്. പിന്നീട് കന്നഡയിലേക്കും തെലുങ്കിലേക്കും പോയപ്പോഴും സ്വീകാര്യതയുടെ കാര്യത്തില്‍ മുന്നിലായിരുന്നു ഈ താരം.

വിവാഹത്തിന് ശേഷവും സജീവം

വിവാഹ ശേഷം സിനിമയോട് ബൈ പറയുന്ന സ്വഭാവക്കാരാണ് നായികമാര്‍. ആഞ്ജനേയുമായുള്ള വിവാഹത്തിന് ശേഷവും ്അനന്യ സിനിമയില്‍ സജീവമാണ്. ശക്തമായ പിന്തുണയാണ് അദ്ദേഹം നല്‍കുന്നതെന്ന് താരം പറഞ്ഞിരുന്നു. സോഷ്യല്‍ മീഡിയയില്‍ സജീവമായ താരം ചിത്രങ്ങളും വിശേഷങ്ങളുമൊക്കെ പങ്കുവെക്കാറുണ്ട്.

പോസിറ്റീവിലൂടെയായിരുന്നു തുടക്കം

വികെ പ്രകാശ് സംവിധാനം ചെയ്ത പോസിറ്റീവ് എന്ന ചിത്രത്തിലൂടെയാണ് അനന്യ അഭിനയരംഗത്തേക്ക് എത്തിയത്. ജയസൂര്യ, സക്ന്ദ തുടങ്ങിയവര്‍ അഭിനയിച്ച ചിത്രത്തിലെ ഗാനങ്ങള്‍ ഇന്നും ഓര്‍ത്തിരിക്കുന്നുണ്ട്. നേരത്തെ പൈ ബ്രദേഴ്‌സ് എന്ന ചിത്രത്തില്‍ ബാലതാരമായും താരം അഭിനയിച്ചിരുന്നു. മലയാളത്തില്‍ നായികയായി തുടക്കം കുറിച്ചതിന് പിന്നാലെ തമിഴകത്തും താരം വരവറിയിച്ചിരിച്ചിരുന്നു. മലയാളികള്‍ക്ക് മാത്രമല്ല തമിഴകത്തിനും ഏറെ പ്രിയപ്പെട്ട താരമാണ് അനന്യ.

നൃത്തത്തിലും മികവ്

നല്ലൊരു നര്‍ത്തകി കൂടിയാണ് താനെന്ന് അനന്യ ഇതിനോടകം തന്നെ തെളിയിച്ചിട്ടുണ്ട്. സ്റ്റേജ് പരിപാടികളിലും മറ്റുമായി തകര്‍പ്പന്‍ നൃത്തച്ചുവടുകളുമായി എത്താറുണ്ട് ഈ താരം. നേരത്തെ താരസംഘടനയായ എഎംഎംഎയുടെ നേതൃത്വത്തില്‍ നടത്തിയ അമ്മമഴവില്ലില്‍ സ്കിറ്റുമായി താരമെത്തിയിരുന്നു.