ബഡായി ബംഗ്ലാവിലെ ഗുണ്ടുമണി അമ്മായി വെറും ചളുവടിക്കാരിയല്ല, ഈ വീഡിയോ കണ്ടാല്‍ മനസ്സിലാവും!!

അമ്മായി എന്ന കഥാപാത്രം

ഷോയില്‍ എല്ലാവരും അവരവരുടെ പേരില്‍ തന്നെയാണ് കഥാപാത്രങ്ങളായി എത്തുന്നത്. എന്നാല്‍ അമ്മായി ആയി അഭിനയിക്കുന്ന നടിയ്ക്ക് മാത്രം പേരില്ല.. അമ്മായി, അങ്ങനെയാണ് അവരെ വിശേഷിപ്പിക്കുന്നത്.

പ്രസീത മേനോന്‍

പ്രസീത മേനോന്‍ എന്ന നടിയാണ് ബഡായി ബംഗ്ലാവിലെ അമ്മായി എന്ന കഥാപാത്രത്തെ, അതിന്റെ തന്മയത്വത്തോടെ അവതരിപ്പിയ്ക്കുന്നത്. മുപ്പതിലധികം സിനിമകളില്‍ അഭിനയിച്ച നടിയാണ് പ്രസീത.

ബാല്യം നൈജീരിയയില്‍

പ്രസീതയുടെ അച്ഛന്‍ നൈജീരിയയിലായിരുന്നു. അതുകൊണ്ട് തന്നെ പ്രസീതയുടെ ബാല്യവും നൈജീരിയയിലായി. ആറാം ക്ലാസ് വരെ പഠിച്ചത് നൈജീരിയയിലാണ്. തുടര്‍ന്ന് നാട്ടിലെത്തിയ പ്രസീത എറണാകുളം സെന്റ് തെരേസ കോളേജില്‍ നിന്ന് ബിരുദം നേടി. തുടര്‍ന്ന് ബാംഗ്ലൂരില്‍ പോയി എല്‍എല്‍ബി എടുത്തു.

ബാലതാരമായി തുടക്കം

ബാലതാരമായിട്ടാണ് പ്രസീത സിനിമയിലെത്തിയത്. മൂന്നാം മുറ എന്ന ചിത്രത്തിലൂടെ ബാലതാരമായി എത്തിയ നടി പിന്നീട് മാലയോഗം, പുതുക്കോട്ടയിലെ പുതുമണവാളന്‍, ഈ പറക്കും തളിക, ഡാര്‍ലിങ് ഡാര്‍ലിങ്, ഇടുക്കി ഗോള്‍ഡ് തുടങ്ങിയ ചിത്രങ്ങളിലും അഭിനയിച്ചു.

സീരിയലില്‍

ദൂരദര്‍ശനില്‍ സംപ്രേക്ഷണം ചെയ്ത മോഹപക്ഷികള്‍ എന്ന സീരിയലിലിലൂടെയാണ് മിനിസ്‌ക്രീനിലെത്തിയത്. ഏറ്റവുമൊടുവില്‍ സ്ത്രീ എന്ന സീരിയലില്‍ ഗ്ലാഡിസ് ഫെര്‍ണാണ്ടസ് എന്ന ശക്തമായ സ്ത്രീ കഥാപാത്രത്തെയും അവതരിപ്പിച്ചു.

മിമിക്രി ആര്‍ട്ടിസ്റ്റ്

അഭിനേത്രി എന്നതിനപ്പുറം മിമിക്രി ആര്‍ട്ടിസ്റ്റും കൂടെയാണ് പ്രസീത. സുരേഷ് ഗോപി, മുകേഷ്, മമ്മൂട്ടി തുടങ്ങിയവരുടെ ശബ്ദം അനുകരിച്ച് കൈയ്യടി നേടിയിട്ടുണ്ട്. പ്രേം നസീര്‍ പ്രസീതയുടെ മിമിക്രി കണ്ട് പ്രശംസിച്ചിരുന്നുവത്രെ

വക്കീലാണ്

അഭിനയവും മിമിക്രിയും കോമഡിയും മാത്രമല്ല. അടിസ്ഥാനപരമായി പ്രസീത അഭിഭാഷകയാണ്. ചെന്നൈയില്‍ തിരക്കുള്ള കോ-ഓപ്പറേറ്റീവ് ലോയര്‍ ആയ പ്രസീത, അതില്‍ നിന്നൊക്കെയുള്ള ഒരു റിലാക്‌സേഷന്‍ എന്ന നിലയിലാണ് ബഡായി ബംഗ്ലാവില്‍ എത്തുന്നത്.

ഈ വീഡിയോ കാണൂ...

പ്രസീത മേനോന്‍ തന്റെ ജോലിയെ കുറിച്ചും ബഡായി ബംഗ്ലാവിനെ കുറിച്ചും പറയുന്ന ഈ വീഡിയോ കാണൂ.. ആ സംസാരത്തില്‍ നിന്നും വ്യക്തമാക്കാം അമ്മായി എന്ന കഥാപാത്രവുമായി പ്രസീത എന്ന നടിയ്ക്ക് യാതൊരു ബന്ധവുമില്ല എന്ന്.