മണിക്കുട്ടന് വിജയിയാകാൻ യോഗ്യതയില്ല, ഉഗ്രൻ മറുപടിയുമായി സാബു, ബഹുമാനം തോന്നിയത് ഇപ്പോഴാണ്

ക്ലബ്ഹൗസിൽ നടന്ന ചർച്ചയിലാണ് ആരാധകന് മറുപടിയായി സാബു എത്തിയത്. ദിയ സന, ഫുക്രു, ബഷീർ, എലീന തുടങ്ങിയവരും ഈ ചർച്ചയിൽ ഉണ്ടായിരുന്നു. ബിഗ് ബോസ് എന്നു പറയുന്നത് ഫിസിക്കലിയും മെന്റലിയുമായി കളിക്കേണ്ട ഗെയിം ആണ്. അതിൽ നിന്നാണ് മണിക്കുട്ടൻ സ്വമേധയാൽ പുറത്ത് പോകുന്നത്. മോഹൻലാൽ എത്തിയ എപ്പിസോഡിലുണ്ടായ ഒരു സംഭവത്തെ തുടർന്നാണ് മണിക്കുട്ടൻ പോകുന്നത്. അതിനാൽ തന്നെ മണിക്കുട്ടൻ വിജയിക്കാൻ യോഗ്യനല്ലെന്ന് ആരാധകൻ പറഞ്ഞു.

ഇതിന് സാബു നൽകിയ മറുപടിയാണ് ഇപ്പോൾ സമൂഹമാധ്യമങ്ങളിൽ ചർച്ചയാകുന്നത്. സാബുവിന്റെ വാക്കുകൾ ഇങ്ങനെ... ഈ പരിപാടിയുമായി ബന്ധപ്പെട്ട് വരുന്ന എല്ലാവരും മനുഷ്യരാണ്. അവേരാട് കുറച്ച് സിംപതി കാണിക്കണമെന്നാണ് സാബു പറയുന്നത്. ഈ പ്രാവശ്യം ഷോയിൽ വന്നവരെല്ലാം ചെറുപ്പക്കാരാണ്. അവർക്കെല്ലാം ഒരു ജീവിതം ഉണ്ടെന്ന് മനസ്സിലാക്കണം. നിങ്ങളൊക്കെ കഴുകൻ ശവം കൊത്തി വലിക്കുന്നത് പോലെ കൊത്തി വലിക്കുന്നത് ഓരോരുത്തരുടേയും ജീവിതങ്ങളാണ്.

ഫാൻസിനെ സംബന്ധിച്ച്, അവരുടെ പ്രിയപ്പെട്ട മത്സരാർഥി ജയിക്കുമ്പോൾ ലഭിക്കുന്ന സന്തോഷത്തിന് വേണ്ടി മാത്രം മറ്റ് മനുഷ്യരുടെ ജീവിതത്തിനെ കഴുകന്മാർ തിന്നുന്നത് പോലെ തിന്നു കളയരുത്. മനുഷ്യനെന്നുള്ള പരിഗണന കൊടുക്കണം. എല്ലാ മനുഷ്യർക്കും ഒരു തൊഴിലുണ്ട്. അവരുടെ തൊഴിലിനെ ബാധിക്കുമോ എന്നൊരു ഭയം വരും. അത് വന്ന കഴിഞ്ഞാൽ ഏത് മനുഷ്യനും കിടുങ്ങി പോകും. തളർന്നു പോകും. ഈ രീതിയിൽ ഒന്ന് ചിന്തിച്ചാൽ തീരാവുന്ന പ്രശ്നം മാത്രമേയുള്ളൂ; സാബു പറയുന്നു. മികച്ച പ്രതികരമാണ് സാബുവിന്റെ വാക്കുകൾക്ക് ലഭിക്കുന്നത്. സാബുവിനോട് ബഹുമാനം തോന്നിയത് ഇപ്പോഴാണ്, 100 ശതമാനം ശരിയാണ് അദ്ദേഹത്തിന്റെ മറുപടി സൂപ്പർ തുടങ്ങിയ കമന്റുകളാണ് ലഭിക്കുന്നത്.

മത്സരാർഥികളും മനുഷ്യരാണ് അവർ കടന്നു പോകുന്ന മാനസികാവസ്ഥ എന്താണെന്ന് അറിയാമോ. അത് ആരും മനസ്സിലാക്കുന്നില്ല. തനിക്ക് ഇതൊന്നും കേട്ടാൽ ഒന്നും തോന്നില്ല. കാരണം ഇതിലും വലുതൊക്കെ കടന്നു പോയ മനുഷ്യനാണ് ഞാൻ. ഇതിലും വലിയ ആരോപണങ്ങൾ കേട്ടിട്ടുണ്ട്. കല്ലുപോലെ നിന്നിട്ടുണ്ട്. എന്റെ കുടുംബാംഗങ്ങൾ അനുഭവിച്ച വേദന ഞാൻ കണ്ടിരുന്നു. അപ്പോഴാണ് ചിന്തിക്കുന്നത് എന്തിനാണ് ആളുകൾ ഒരു മനുഷ്യനെ ഇങ്ങനെ ആക്രമിക്കുന്നത്. അവരുടെ മാനസികാവസ്ഥ എങ്ങനെ ചെന്ന് നിൽക്കും സാബു ചോദിക്കുന്നു. എല്ലാവരും വളരെ നിശബ്ദരായി സാബു പറയുന്നത് കേൾക്കുകയായിരുന്നു.