ഹൗസ് അംഗങ്ങള്‍ ഒറ്റപ്പെടുത്തുന്നു, റിയാസിനോട് വേദന പങ്കുവെച്ച് വിനയ്, ഒരു വഴിയേയുള്ളൂവെന്ന് താരം...

വാരാന്ത്യം എപ്പിസോഡുകളില്‍ എത്തിയ ഇവര്‍ ഒരു ദിവസം രഹസ്യ റൂമില്‍ കഴിഞ്ഞതിന് ശേഷമാണ് വീട്ടിലെത്തിയത്. തുടക്കത്തില്‍ നല്ല സുഹൃത്തുക്കളായിരുന്നു ഇവര്‍. എന്നാല്‍ പിന്നീട് ഇവര്‍ക്കിടയില്‍ അഭിപ്രായവ്യത്യാസങ്ങള്‍ ഉടലെടുത്തു. ഒരാഴ്ചയ്ക്ക് ശേഷം ഇവര്‍ വീണ്ടും അടുക്കുന്ന കാഴ്ചയാണ് ഇപ്പോള്‍ എവിക്ഷന് ശേഷമാണ് താരങ്ങള്‍ പ്രശ്‌നങ്ങള്‍ മറന്ന് ഒന്നായത്. വിനയ് ഇക്കുറി നോമിനേഷനില്‍ ഇടംപിടിച്ചിട്ടുണ്ട്. ഇനിയുളള ദിവസങ്ങളില്‍ വിനയ്-റിയാസ് കോമ്പോ ഉണ്ടാകുമോ എന്ന് കാത്തിരുന്ന് തന്നെ കാണണം.

ഹൗസില്‍ വേര്‍തിരിവ് ഉണ്ടെന്നാണ് വിനയിയുടെ കണ്ടെത്തല്‍. പഴയ മത്സരാര്‍ത്ഥികള്‍ എല്ലാവരും ഒറ്റക്കെട്ടാണെന്നും തങ്ങളെ കൂട്ടത്തില്‍ കൂട്ടില്ലെന്നും വിനയ് റിയാസിനോട് പറഞ്ഞു. നോമിനേഷന് ശേഷമാണ് വിനയ്ക്ക് ഇത്തരം ചിന്ത വന്നത്. എന്നാല്‍ വളരെ പോസിറ്റീവായിട്ടാണ് റിയാസ് പ്രതികരിച്ചത്. ഇവര്‍ എല്ലാവരും നമ്മള്‍ എത്തുന്നതിന് മുന്‍പ് ടീം ആയവര്‍ ആണ്. അതിനാല്‍ തന്നെ നമ്മളെ കൂട്ടത്തില്‍ കൂട്ടാന്‍ മടിയുണ്ടാവും. എല്ലാവരും പറയുന്നത് നമ്മളോട് വേര്‍തിരിവ് ഇല്ലയെന്നാണ്. പക്ഷെ എനിക്ക് അങ്ങനെ തോന്നുന്നില്ലെന്നും കഴിയുന്നതും ആക്ടീവായി ഹൗസില്‍ നില്‍ക്കാമെന്നും റിയാസിന് മറുപടിയായി വിനയ് പഞ്ഞു.

നോമിനേഷനെ കുറിച്ചും ഇവരുടെ സംസാരത്തിലേയ്ക്ക് കടന്ന് വരുന്നുണ്ട്. റിയാസ് ഇക്കുറി രക്ഷപ്പട്ടിട്ടുണ്ട്. ഈ എലിമിനേഷന്‍ പ്രേക്ഷകര്‍ നമ്മളെ എങ്ങനെ വിലയിരുത്തുന്നു എന്ന് തിരിച്ചരിയാനുള്ള സമയമാണ്. എന്തെങ്കിലും നല്ലത് ചെയ്തതായി അവര്‍ക്ക് തോന്നിയാല്‍ രക്ഷപെടുമെന്ന് വിനയ് പറയുന്നു. ഈ രീതിയിലല്ല നോമിനേഷന്‍ നടന്നിരുന്നത് എങ്കില്‍ ഞാനും ഇപ്പോള്‍ പേടിക്കേണ്ടി വരുമായിരുന്നു എന്ന് റിയാസ് ബാക്കിയായി പറഞ്ഞു. പക്ഷേ അവിടെ നിനക്ക് വേണ്ടി സംസാരിക്കാന്‍ ഒരാളെങ്കിലും ഈ വീട്ടില്‍ ഉണ്ടായിരുന്നു. എന്നാല്‍ എനിക്ക് വേണ്ടി സംസാരിക്കാന്‍ ആരും ഉണ്ടായില്ല എന്നാണ് വിനയ് പറയുന്നത്. ജാസ്മിനാണ് റിയാസിന് വേണ്ടി സംസാരിച്ചത്. തങ്ങള്‍ ഒറ്റപ്പെടുകയാണോ എന്ന സംശയമാണ് ഇപ്പോള്‍ രണ്ടുപേര്‍ക്കും ഉള്ളത്.

Recommended Video

റോബിൻ ആലോചനയുമായി വന്നാൽ കെട്ടിക്കുമോ? | Bigg Boss Malayalam Dilsha's Sister Interview | FilmiBeat

ബിഗ് ബോസ് സീസണ്‍ 4 അവസാനിക്കാന്‍ ഇനി പകുതി ദിവസങ്ങള്‍ മാത്രമേയുള്ളൂ. മാര്‍ച്ച് 27 ന് ആരംഭിച്ച ഷോയില്‍ ഡോക്ടര്‍ റോബിന്‍, ദില്‍ഷ, ബ്ലെസ്ലി, ധന്യ, വിനയ്, ലക്ഷ്മിപ്രിയ, അപര്‍ണ്ണ, ജാസ്മിന്‍, റോണ്‍സണ്‍ റിയാസ്, സൂരജ്, അഖില്‍, സുചിത്ര എന്നിവരാണ് ഇപ്പോള്‍ ഗെയിമിലുള്ളത്. ഇതില്‍ ഡോക്ടര്‍ റേബിന്‍, ദില്‍ഷ, വിനയ്, ലക്ഷ്മിപ്രിയ, അപര്‍ണ്ണ, ധന്യ എന്നിവരാണ് ഇക്കുറി നോമിനേഷനില്‍ ഇടംപിചിച്ചിരിക്കുന്നത്. ഇതില്‍ നിന്ന് ഒന്നോ ഒന്നിലധികം പേരോ പുറത്തു പോകും.