മുന്‍ഭാര്യ മീര വാസുദേവിൻ്റെ പിന്തുണ തൻ്റെ വളർച്ചയിലുണ്ട്; കുടുംബവിളക്കിൻ്റെ വിജയം സന്തോഷമാണെന്ന് ജോണ്‍

മീരയും താനും തമ്മിലുണ്ടായ വിവാഹമോചനം തികച്ചും വ്യക്തിപരമാായ കാര്യമാണെന്നാണ് ജോണ്‍ സൂചിപ്പിക്കുന്നത്. തന്റെ സിനിമാ ജീവിതത്തില്‍ ഉണ്ടായ വളര്‍ച്ചയില്‍ മീരയ്ക്കും പങ്കുണ്ട്. എന്റെ പ്രതിസന്ധി ഘട്ടങ്ങളിലെല്ലാം മീര ഒപ്പം നിന്നു പിന്തുണച്ചിട്ടുണ്ട്. ഞങ്ങള്‍ ഒരുമിച്ച് ഒരുപാട് നല്ല സിനിമകള്‍ കണ്ടിട്ടുണ്ട്. സിനിമ ചര്‍ച്ച ചെയ്തിട്ടുണ്ട്. അതെല്ലാം തന്റെ സിനിമാ വളര്‍ച്ചയ്ക്ക് കാരണമായിട്ടുണ്ടെന്നും ജോണ്‍ പറയുന്നു.

മീരയുടെ കുടുംബവിളക്ക് സീരിയല്‍ ഇപ്പോള്‍ ഹിറ്റാണ്. അത് കാണുമ്പോള്‍ സന്തോഷം തോന്നുന്നുണ്ട്. മീരയുടെ കരിയറില്‍ അവര്‍ക്ക് ഇനിയും ഉയരങ്ങള്‍ കീഴടക്കാന്‍ കഴിയട്ടെ. തന്റെ ഈ വിജയത്തിലും മീര സന്തോഷിക്കുന്നുണ്ടാകും. മീരയെ കുറിച്ച് മാത്രമല്ല ഇരുവരുടെയും ഏകമകന്‍ അരിഹ ജോണിനെ കുറിച്ചും താരം തുറന്ന് സംസാരിച്ചിരുന്നു. ഞങ്ങളുടെ മകന് അരിഹ ജോണ്‍ എന്നാണ് പേരിട്ടിരിക്കുന്നത്. എത്ര തിരക്കുകള്‍ ഉണ്ടെങ്കിലും ആഴ്ചയില്‍ ഒരു തവണയെങ്കിലും അവനെ വിളിക്കാന്‍ സമയം കണ്ടെത്താറുണ്ടെന്നാണ് ജോണ്‍ പറയുന്നത്.

തന്മാത്ര എന്ന മോഹന്‍ലാല്‍ ചിത്രത്തില്‍ നായികയായി വന്നതോടെയാണ് മീര വാസുദേവ് മലയാളത്തില്‍ വലിയ ജനപ്രീതി നേടി എടുക്കുന്നത്. ചെറുതും വലുതുമായി മലയാളത്തിലും മറ്റ് ഭാഷകളിലുമൊക്കെ മീര അഭിനയിച്ചിട്ടുണ്ടെങ്കിലും ജോണുമായി വിവാഹം കഴിഞ്ഞതോടെ അഭിനയ ജീവിതത്തിനോട് തല്‍കാലം ബൈ പറഞ്ഞു. മകന്‍ കൂടി ജനിച്ചതോടെ ഏറെ കാലം നടി മാറി നിന്നെങ്കിലും മലയാളത്തിലേക്ക് സീരിയലില്‍ അഭിനയിച്ച് കൊണ്ടാണ് തിരിച്ച് വന്നത്. കുടുംബവിളക്ക് എന്ന ഏഷ്യാനെറ്റിലെ ഹിറ്റ് സീരിയലിലെ നായികയായി.

ഇന്ന് കുടുംബവിളക്കിലെ സുമിത്ര എന്ന് പറയുമ്പോഴാണ് മീര വാസുദേവിനെ ആളുകള്‍ തിരിച്ചറിയുന്നത്. ഭര്‍ത്താവ് ഉപേക്ഷിച്ച സുമിത്രയെന്ന വീട്ടമ്മയുടെ റോള്‍ മനോഹരമായി ചെയ്യാന്‍ മീരയ്ക്ക് സാധിച്ചിരുന്നു. സീരിയലിലെ സുമിത്ര വലിയ വിജയങ്ങളൊക്കെ നേടി കൊണ്ടിരിക്കുകയാണ്. കഥാപാത്രം പോലെ യഥാര്‍ഥ ജീവിതത്തിലും മീരയ്ക്ക് നല്ലത് മാത്രം സംഭവിക്കട്ടേ എന്നാണ് ആരാധകര്‍ക്ക് പറയാനുള്ളത്.

Recommended Video

ജനങ്ങളെ ഊറ്റിയെടുക്കുന്ന പോലീസ് താരങ്ങളെ കാണുമ്പോൾ ആഹാ | FilmiBeat Malayalam

2012 ലാണ് മീര വാസുദേവും ജോണ്‍ കൊക്കനും തമ്മില്‍ വിവാഹം കഴിക്കുന്നത്. 2016 ല്‍ ഇരുവരും വിവാഹമോചിതരാവുകുയം ചെയ്തു. ജോണിന് മുന്‍പ് 2005 ല്‍ മീര വിശാല്‍ അഗര്‍വാളിനെ വിവാഹം കഴിച്ചിരുന്നു. ആ ബന്ധം 2008 ല്‍ അവസാനിപ്പിക്കുകയായിരുന്നു. ഇപ്പോള്‍ മകനൊപ്പം സന്തോഷത്തോടെ കഴിയുകയാണ് നടി. മോഡലിങ് രംഗത്ത് നിന്നുമാണ് ജോണ്‍ കൊക്കന്‍ സിനിമയിലേക്ക് എത്തുന്നത്. കളഭം എന്ന ചിത്രത്തിലൂടെ മലയാളത്തിലേക്ക് തുടക്കം കുറിച്ചു. മമ്മൂട്ടി ചിത്രമായ ലവ് ഇന്‍ സിംഗപ്പൂരില്‍ അഭിനയിച്ചതോടെയാണ് മലയാളികള്‍ക്ക് കൂടുതല്‍ സുപരിചിതനായത്. 2019 ല്‍ നടി പൂജ രാമചന്ദ്രനും ജോണും തമ്മില്‍ വിവാഹിതരായി.