Don't Miss!
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Automobiles ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
മണിച്ചിത്രത്താഴിലെ നാഗവല്ലിയുടെയും ഗംഗയുടെയും കഥ അവസാനിക്കുന്നില്ല! ആ ചരിത്രം സീരിയലാവുന്നു
കേരളത്തിന് എന്നും അഭിമാനിക്കാവുന്ന ഹിറ്റ് സിനിമയായിരുന്നു മണിച്ചിത്രത്താഴ്. ഫാസിലിന്റെ സംവിധാനത്തില് പിറന്ന സൈക്കോളജിക്കല് ഹൊറര് ചിത്രം ഇന്ത്യയിലെ ഒട്ടുമിക്ക ഭാഷകളിലും റീമേക്ക് ചെയ്തിരുന്നു. മോഹന്ലാല്, ശോഭന, സുരേഷ് ഗോപി തുടങ്ങി സൂപ്പര്താരനിര അണിനിരന്ന സിനിമ ബോക്സോഫീസിലും വലിയ വിജയമായിരുന്നു.
റിലീസിനെത്തിയിട്ട് ഇരുപത്തിയഞ്ച് വര്ഷങ്ങള്ക്കിപ്പുറവും മണിച്ചിത്രത്താഴിനെ കുറിച്ചുള്ള സംസാരം വലിയ ആകാംഷയോടെ പ്രചരിക്കുന്നതും ശ്രദ്ധേയമാണ്. ഇനി മുതല് മണിച്ചിത്രത്താഴ് ടെലിവിഷന് പ്രേക്ഷകര്ക്ക് മുന്നില് സീരിയലായി എത്തുമെന്നുള്ള വാര്ത്ത അടുത്തിടെയാണ് പ്രചരിച്ചത്. അതേ കുറിച്ചുള്ള കൂടുതല് വിവരങ്ങള് വന്ന് കൊണ്ടിരിക്കുകയാണ്.
മണിച്ചിത്രത്താഴ് ഇനി മുതല് മിനിസ്ക്രീന് പ്രേക്ഷകര്ക്ക് മുന്നിലെത്തുമെന്ന വാര്ത്ത മാസങ്ങള്ക്ക് മുന്പാണ് പുറത്ത് വരുന്നത്. ഒരു ഹിറ്റ് സിനിമ എങ്ങനെ സീരിയലായി മാറുമെന്നുള്ള സംശയം ആരാധകര്ക്കെല്ലമുണ്ടായിരുന്നു. കൂടുതല് വിവരങ്ങളൊന്നും വരാത്തതിനാല് ആകാംഷയോടെ കാത്തിരിപ്പിലായിരുന്നു. സീരിയല് നിര്മാതാവ് ഭാവചിത്ര ജയകുമാറാണ് മണിച്ചിത്രത്താഴ് സീരിയലാക്കുന്നത്. പുത്തന് സീരിയലിനെ കുറിച്ച് നേരത്തെ ഒരു അഭിമുഖത്തില് ജയകുമാര് മനസ് തുറന്ന് സംസാരിച്ചിരുന്നു.
'മലയാളികളുടെ ചോരയിലലിഞ്ഞ ചിത്രമാണ് മണിച്ചിത്രത്താഴ്. കുറേ കാലമായി ഈ പ്രോജക്ടില് പ്രവര്ത്തിച്ചു കൊണ്ടിരിക്കുകയാണ്. കോവിഡ് നിയന്ത്രണങ്ങളില് ചിത്രീകരണം ആരംഭിക്കാന് ഇനിയും കടമ്പകള് ഏറെയുണ്ട്. കൊല്ക്കത്ത, തഞ്ചാവൂര് തുടങ്ങിയ സ്ഥലങ്ങളില് നിന്നും സീരിയല് ചിത്രീകരിക്കേണ്ടതുണ്ട്' എന്നുമായിരുന്നു അന്ന് ജയകുമാര് പറഞ്ഞിരുന്നത്. പിന്നാലെ ഉയര്ന്ന് വന്ന സംശയങ്ങള്ക്കെല്ലമുള്ള മറുപടിയാണ് ടൈംസ് ഓഫ് ഇന്ത്യയ്ക്ക് നല്കിയ അഭിമുഖത്തില് പറഞ്ഞിരിക്കുന്നത്.
മണിച്ചിത്രത്താഴ് എവിടെ അവസാനിച്ചുവോ അവിടുന്ന് തുടങ്ങുന്നതാവും സീരിയലിന്റെ കഥ എന്നാണ് ജയകുമാര് പറയുന്നത്. 'മണിച്ചിത്രത്താഴ് സിനിമ അവസാനിക്കുന്നത് നകുലനും ഗംഗക്കുമൊപ്പം കല്ക്കട്ടയിലേക്ക് പോവുന്ന സണ്ണിയെ കാണിച്ചു കാണ്ടാണ്. അവിടെ നിന്നായിരിക്കും ഞങ്ങള് ആരംഭിക്കുക. നകുലന്റെയും ഗംഗയുടെയും കല്ക്കട്ടയിലെ ജീവിതം, ബന്ധുക്കള് ഇവയെല്ലാം കഥയില് ഉണ്ടാകും. സിനിമയില് പലയിടത്തും ഗംഗയുടെ ബന്ധുക്കളെക്കുറിച്ചു പരാമര്ശിക്കുന്നുണ്ട്, ആ കഥാപാത്രങ്ങളും ഉണ്ടാകും സീരിയലില്.
ഗംഗയുടെ ജീവിതത്തിനു പുറമേ, നാഗവല്ലിയുടെ ചരിത്രവും സീരിയലില് ഉള്ക്കൊള്ളിക്കും. തഞ്ചാവൂര് ഭൃഗതേശ്വര ക്ഷേത്രത്തിന്റെ പശ്ചാത്തലത്തിലാകും ഇത്. ഒട്ടേറെ വര്ഷത്തെ പ്ലാനിങ്ങിനു ശേഷമാണ് ഇത്തരം ഒരു പ്രോജക്ട് താന് ഏറ്റെടുക്കുന്നത്. 'കഴിഞ്ഞ അഞ്ചു വര്ഷമായി ടീം ഈ പ്രോജക്ടിന്റെ പിറകിലാണ്. ആദ്യം ഒരു വെബ് സീരീസ് ആക്കാം എന്നായിരുന്നു തീരുമാനം. പിന്നീട് ടെലിവിഷനാണ് നല്ലത് എന്ന് തീരുമാനിച്ചു'. ടീം ആദ്യം ഘട്ട ജോലികള് പൂര്ത്തിയാക്കി, എന്നാല് കാസ്റ്റിംഗ് ഇതുവരെ പൂര്ത്തിയായില്ല.
എന്തായാലും, സീരിയലില് ഒരേ സമയം പുതുമുഖങ്ങളും പ്രശസ്തരായ നടീ നടന്മാരും ഉണ്ടാകുമെന്ന കാര്യം ജയകുമാര് വ്യക്തമാക്കിയിരിക്കുകയാണ്. ഇപ്പോഴത്തെ കോവിഡ് നിയന്ത്രണങ്ങള് മാറി സാഹചര്യങ്ങള് പഴയപടി എത്തുകയാണെങ്കില് ഈ വര്ഷം അവസാനം തന്നെ സീരിയലിന്റെ ഷൂട്ടിംഗ് ആരംഭിക്കാനാണ് ടീമിന്റെ തീരുമാനം. കൂടുതല് വിവരങ്ങള് വഴിയേ അറിയിക്കുമെന്ന കാര്യം കൂടി നിര്മാതാവ് സൂചിപ്പിച്ചു. എന്തായാലും സിനിമയിലൂടെ കണ്ട് തീരാത്ത നാഗവല്ലിയുടെയും ഗംഗയുടെയും കഥ തുടരുകയാണ്.
-
എൻ്റെ അനിയനായത് കൊണ്ട് പറയുകയല്ല, അവനെ വിശ്വസിക്കാൻ കൊള്ളില്ല! ധ്യാനിനെ കൊണ്ട് സത്യം ചെയ്യിപ്പിക്കും- വിനീത്
-
തെലുങ്കാനയിലെ ക്ഷേത്രത്തിൽ വിവാഹം..., ലിവിങ് ടുഗെതർ ജീവിതം അവസാനിപ്പിച്ച് അദിതിയും സിദ്ധാർത്ഥും വിവാഹിതരായി?
-
ഉമ്മ വെച്ചാലും കടിച്ചാലും നക്കിയാലും ഉടഞ്ഞു വീഴാത്ത സദാചാരം! ജാസ്മിനോടും ഗബ്രിയോടും ആരാധകര്ക്ക് പറയാനുള്ളത്