ആന്റണിയുമായുള്ള സൗഹൃദത്തില്‍ സുചിത്രയ്ക്ക് അസൂയയാണെന്ന് മോഹന്‍ലാല്‍.. കാരണം?

എന്നെ ഓര്‍ത്തിരിക്കുമോ?

മോഹന്‍ലാലിന്റെ ഡ്രൈവറാവുന്നതിന് മുന്‍പ് അദ്ദേഹത്തോടൊപ്പം പ്രവര്‍ത്തിച്ചിരുന്നു. യാത്ര പറഞ്ഞ് പോകുന്നതിനിടയില്‍ ഇനി എന്നെ ഓര്‍ത്തിരിക്കുമോ എന്ന് അദ്ദേഹത്തിനോട് ആന്റണി ചോദിച്ചിരുന്നു.

മോഹന്‍ലാലിന്റെ മറുപടി

ഇത്രയും ഒരുമിച്ച് പ്രവര്‍ത്തിച്ചതല്ലേ ആന്റണിയെന്താ ഇങ്ങനെ ചോദിച്ചതെന്നായിരുന്നു മോഹന്‍ലാല്‍ തിരിച്ചു ചോദിച്ചത്. അന്ന് ആ ചോദ്യം ചോദിച്ചപ്പോള്‍ അത് തന്റെ ജീവിതത്തിലെ തന്നെ വഴിത്തിരിവായി മാറുമെന്ന് അദ്ദേഹം കരുതിയിരുന്നില്ല.

സുഹൃത്തുക്കളോടൊപ്പം കാണാന്‍ പോയി

ആ സംഭവം കഴിഞ്ഞ് ഒരു മാസം പിന്നിട്ടപ്പോഴാണ് ആന്റണിയും സുഹൃത്തുക്കളും മോഹന്‍ലാലിനെ കാണാനായി ലൊക്കേഷനിലേക്ക് ചെന്നത്. മൂന്നാംമുറ എന്ന ചിത്രത്തിന്റെ ഷൂട്ടിങ്ങിനിടയിലാണ് ഇവര്‍ ചെന്നത്.

മോഹന്‍ലാല്‍ തിരിച്ചറിഞ്ഞു

ആള്‍ക്കൂട്ടത്തിനിടയില്‍ തന്നെ അദ്ദേഹം തിരിച്ചറിയുമോ എന്നറിയില്ലായിരുന്നു. എല്ലാ പ്രതീക്ഷകളെയും തെറ്റിച്ചുകൊണ്ടാണ് അദ്ദേഹം തന്നെ കൈനീട്ടി വിളിച്ചത്. അത് തന്നെയാണോ എന്ന് മനസ്സിലാവാത്തതിനാല്‍ പുറകിലേക്ക് നോക്കുകയായിരുന്നു ആന്റണി.

സൗഹൃദം പുതുക്കി

ആന്റണിയുമായി സംസാരിച്ച മോഹന്‍ലാല്‍ വണ്ടിയുമായി തിരികെ വരാനുള്ള നിര്‍ദേശവും നല്‍കി. പിന്നീട് ആ സിനിമയുടെ ചിത്രീകരണം തീരുന്നത് വരെ മോഹന്‍ലാലിനൊപ്പം ആന്റണിയുണ്ടായിരുന്നു.

ആന്റണി എന്റെ കൂടെ പോരൂ

ആ സിനിമയുടെ ചിത്രീകരണം തീര്‍ന്നപ്പോള്‍ ആന്റണി എന്‍രെ കൂടെ പോരൂ എന്ന് പറഞ്ഞ് മോഹന്‍ലാല്‍ ആന്റണിയെ കൂടെ കൂട്ടുകയായിരുന്നു. 29 വര്‍ഷം നടന്ന സംഭവമാണിതെന്നും ആന്റണി പറയുന്നു. അമൃത ടിവിയിലെ ലാല്‍സലാം പരിപാടിയില്‍ സംസാരിക്കവെയാണ് അദ്ദേഹം കാര്യങ്ങള്‍ പങ്കുവെച്ചത്.

സിനിമാനിര്‍മ്മാണത്തിലേക്ക്

ഡ്രൈവറായി തുടങ്ങിയ ആന്റണി പിന്നീട് ആശിര്‍വാദ് സിനിമാസിന്റെ അമരക്കാരനായി മാറുകയായിരുന്നു. പല സിനിമകളുടെയും തിരക്കഥ ആദ്യം വായിക്കുന്നത് ആന്റണിയാണ്.

സുചിത്രയും ആന്റണിയും

29 വര്‍ഷം മുന്‍പാണ് ആന്റണി തന്റെ ജീവിതത്തിലേക്ക് കടന്നുവന്നത്. അത് വര്‍ഷം തന്നെയാണ് സുചിത്രയും താനുമായുള്ള വിവാഹം നടന്നത്. ആന്റണിയും താനുമായുള്ള സൗഹൃദത്തില്‍ സുചിത്രയ്ക്ക് പലപ്പോഴും അസൂയ തോന്നാറുണ്ട്. മിക്കപ്പോഴും അദ്ദേഹത്തിനോടൊപ്പമാണല്ലോ താനെന്നും മോഹന്‍ലാല്‍ പറയുന്നു.

മോഹന്‍ലാലില്ലാത്ത സിനിമ

ആദ്യമായാണ് ആശിര്‍വാദ് സിനിമാസിന്റെ ബാനറില്‍ മോഹന്‍ലാല്‍ ഇല്ലാതെ ഒരു ചിത്രം നിര്‍മ്മിക്കുന്നത്. കുടുംബത്തിലെ തന്നെ കുട്ടിയായ പ്രണവിനൊപ്പമാണ് ആ ചിത്രമെന്നും ആന്റണി പറയുന്നു.

അവസാന ശ്വാസം വരെ കൂടെയുണ്ടാവും

തന്റെ സിനിമാജീവിതത്തിലെ എല്ലാ കാര്യങ്ങളുടെയും പുറകില്‍ ആന്റണി പെരുമ്പാവൂര്‍ എന്ന വ്യക്തിയുണ്ട്. അത് സത്യമാണ്. ആ സത്യത്തെ താന്‍ മാനിക്കുന്നുവെന്നും മോഹന്‍ലാല്‍ പറയുന്നു. തന്റെ അവസാന ശ്വാസം വരെ അദ്ദേഹം കൂടെയുണ്ടാവുമെന്നാണ് വിശ്വാസം.

മൊമന്റോയല്ല ജീവിതമാണ്

പരിപാടിയുടെ അവസാനത്തില്‍ വേദിയിലെത്തിയ ആന്റണിക്ക് മൊമന്റോ നല്‍കുന്നതിനിടയില്‍ ഇത് മൊമന്റോയല്ല തന്റെ ജീവിതമാണെന്നും മോഹന്‍ലാല്‍ പറയുന്നു.