'തോളോട് തോൾ ചേർന്ന് അച്ഛനും മകനും, ഷാനവാസിന് ഇത്രയും വലിയ മകനോ?'; ആദ്യമായി മകനൊപ്പമുള്ള ചിത്രവുമായി താരം!

എന്നാല്‍ നടന്‍ തന്റെ കുടുംബത്തോടൊപ്പമുള്ള ചിത്രങ്ങള്‍ പങ്കുവെക്കുന്നത് വളരെ കുറവാണ്. കുങ്കുമപ്പൂവ് ഒരു കാലത്ത് വളരെ അധികം ജനപ്രീതി നേടിയ സീരിയലായിരുന്നു. അഭിനയ ജീവിതത്തിൽ ഷാനവാസിന് വഴിത്തിരിവായതും കുങ്കമപ്പൂവിലെ അഭിനയം തന്നെയാണ്.

ആശാ ശരത്ത് അടക്കമുള്ള താരങ്ങൾ അണിനിരന്ന സീരിയലായിരുന്നു ഏഷ്യാനെറ്റിൽ വൻ വിജയമായി സംപ്രേഷണം ചെയ്തുകൊണ്ടിരുന്ന കുങ്കുമപ്പൂവ്. 2010ലാണ് ഇന്ദ്രനീലം എന്ന സീരിയലിലൂടെ അഭിനയത്തിലേക്ക് ഷാനവാസ് എത്തിയത്.

ശേഷമാണ് കുങ്കുമപ്പൂവിലേക്ക് ഷാനാവാസിന് അവസരം ലഭിച്ചത്. ഇപ്പോഴിതാ ഷാനവാസിന്റെ ഒരു ഇന്‍സ്റ്റഗ്രാം പോസ്റ്റാണ് വൈറലായിക്കൊണ്ടിരിക്കുന്നത്.

മകനൊപ്പമുള്ള ചിത്രങ്ങളാണ് ഷാനവാസ് ഇന്‍സ്റ്റഗ്രാമിലൂടെ പങ്കുവെച്ചത്. ഓണം ചിത്രങ്ങളാണ് ഷാനവാസ് പങ്കുവെച്ചത്. നീല ഷര്‍ട്ടും കസവു മുണ്ടുമാണ് ഷാനവാസും മകനും ധരിച്ചിരിക്കുന്നത്. ചിത്രം ആരാധകര്‍ ഏറ്റെടുത്ത് കഴിഞ്ഞു. ഇത്രയും വലിയ മകന്‍ താരത്തിനുണ്ടെന്ന് അറിഞ്ഞില്ലെന്നാണ് ആരാധകര്‍ പറഞ്ഞത്.

വളരെ വിരളമായി മാത്രമാണ് കുടുംബത്തോടൊപ്പമുള്ള ചിത്രങ്ങൾ ഷാനവാസ് പങ്കുവെക്കുന്നത്. അതുകൊണ്ട് തന്നെ ഷാനവാസിന്റെ തോളൊപ്പം വളർന്ന മകനെ കണ്ട് ആരാധകരും അമ്പരന്നു. ഷാനവാസിന്റെ മകനാണ് എന്ന് പോലും പലരും വിശ്വസിച്ചിട്ടില്ല.

'അച്ഛനും മകനും പൊളിച്ചു...' തുടങ്ങിയ കമന്റുകളും ഫോട്ടോയ്ക്ക് ലഭിക്കുന്നുണ്ട്. സന്തൂർ വാപ്പയെന്നും ചിലർ ഷാനവാസിനെ വിശേഷിപ്പിച്ചു.

'ഏതൊരു അഭിനയ മോഹിയുടെയും കഥ തന്നെയാണ് എന്റേതും. ഒരുപാട് പ്രൊഡക്ഷൻ കൺട്രോളർമാരുടെയും സംവിധായകന്മാരുടെയും പുറകെ ചാൻസ് തെണ്ടി നടന്നിട്ടുണ്ട്. എണ്ണിയാൽ തീരാത്തത്ര ഓഡീഷനുകളിലും പങ്കെടുത്തു.'

'അങ്ങനെ ഇരിക്കെയാണ് കുങ്കുമപ്പൂവ് സീരിയലിൽ ഒരു നടനെ ആവശ്യമുണ്ടെന്ന് അറിയുന്നത്. ആദ്യം അവർക്ക് എന്നെ അത്ര ഇഷ്ടമായില്ല. പക്ഷെ പ്രൊഡ്യൂസർ ജയകുമാറിന് എന്നെ ഇഷ്ടമായിരുന്നു. അദ്ദേഹം എന്നെ മേക്കപ്പ് റൂമിലേക്ക് കൊണ്ടുപോയി ഒരു ചെറിയ മേക്ക്ഓവർ നടത്തി.'

'അത് എല്ലാവർക്കും ഇഷ്ടമായി. എനിക്ക് ആ കഥാപാത്രം കിട്ടുകയും ചെയ്തു. ദൈവാനുഗ്രഹം കൊണ്ട് 950ആം എപ്പിസോഡ് വരെ എന്റെ കഥാപാത്രവും സീരിയലിൽ ഉണ്ടായി. ആ ടീമിനോടും എന്റെ കഥാപാത്രത്തോടും ഉള്ള നന്ദി എത്ര പറഞ്ഞാലും തീരില്ല.'

'വർഷങ്ങൾ കഴിഞ്ഞ് ഞാൻ ആ കഥാപാത്രം ചെയ്തിട്ട് ഇപ്പോഴും ആളുകൾ എന്നെ രുദ്ര എന്നാണ് വിളിക്കുന്നത്. സംശയമില്ല എനിക്കൊരു ജീവിതം തന്നത് രുന്ദ്രനാണ്' അഭിനയത്തിലേക്ക് എത്തിപ്പെട്ടതിനെ കുറിച്ച് ഒരിക്കൽ ഷാനവാസ് പറഞ്ഞത് ഇങ്ങനെയായിരുന്നു.