ട്യൂമറിനുള്ള മൂന്നാമത്തെ ശസ്ത്രക്രിയയാണ്, എന്നോ അഭിനയിച്ച സീന്‍ പോലെ ഓര്‍മ്മകളെ പങ്കുവെച്ച് ശരണ്യ

മൂന്നാമത്തെ ശസ്ത്രക്രിയയ്ക്ക് പോകുന്നു

ഫേസ്ബുക്കിലൂടെയാണ് തന്റെ മൂന്നാമത്തെ ശസ്ത്രക്രിയയുടെ വാര്‍ത്ത സീരിയല്‍ താരമായ ശരണ്യ അറിയിച്ചത്. എല്ലാവരുടെയും പ്രാര്‍ത്ഥന വേണം എന്നാവശ്യപ്പെട്ടായിരുന്നു പോസ്റ്റ്.

സീരിയലില്‍ തിളങ്ങി നിന്ന സമയത്തായിരുന്നു അസുഖം

മലയാളത്തില്‍ മാത്രമല്ല തെലുങ്ക്, തമിഴ് സീരിയലുകളില്‍ തിളങ്ങി നിന്ന സമയത്തായിരുന്നു അസുഖത്തിന്റെ ആദ്യ ലക്ഷണങ്ങള്‍ കണ്ടു തുടങ്ങിയത്. തല വേദനയെന്ന് അവഗണിച്ച് പെയിന്‍ കില്ലര്‍ കഴിച്ചു. പിന്നീട് സഹിക്കാന്‍ വയ്യാതായപ്പോള്‍ നാട്ടിലേക്ക് വന്നാണ് ചെക്കപ്പ് ചെയ്തത്.

കുടുംബം മുഴുവന്‍ തളര്‍ന്നു പോയി

പരിശോധനാ റിപ്പോര്‍ട്ട് കിട്ടിയപ്പോള്‍ അമ്മയും അനുജനും തളര്‍ന്ന് പോയി. ആദ്യമായാണ് അനിയന്‍ ഇങ്ങനെ കരയുന്നത് കാണുന്നത്. ജീവിതത്തില്‍ കുറച്ച് ദിവസങ്ങള്‍ മാത്രമേ ഇനിയുള്ളൂ എന്ന തിരിച്ചറിയല്‍. മോഹങ്ങള്‍ ഓരോന്നായി തോന്നി തുടങ്ങിയ നിമിഷം. എല്ലാം ശരണ്യയുടെ ജീവിതത്തിലെ മോശം സീനുകളായിരുന്നു.

രണ്ടാമത്തെ സര്‍ജറി നിര്‍ണായകമായിരുന്നു

രണ്ടാമത്തെ സര്‍ജറി തികച്ചും നിര്‍ണായകമായിരുന്നു. ശബ്ദം നഷ്ടപ്പെട്ടേക്കാം, കാഴ്ച പോകാം, തളരാം എന്നെല്ലാം ഡോക്ട്മാര്‍ പറഞ്ഞു. എല്ലാം അമ്മ ശരണ്യയില്‍ നിന്നും മറച്ചു വെയ്ക്കുകയായിരുന്നു. ശസ്ത്രക്രിയ വിജയകരമായി പൂര്‍ത്തീകരിച്ചതോടെ ജീവിതത്തില്‍ പ്രതീക്ഷകള്‍ വര്‍ധിച്ചു എന്ന് ശരണ്യ.

എല്ലാം അറിഞ്ഞൊരു ജീവിത പങ്കാളിജീവിത

രണ്ടാമത്തെ സര്‍ജറി കഴിഞ്ഞ വീട്ടില്‍ റസ്റ്റ് എടുക്കുന്ന സമയത്താണ് ഫേസ്ബുക്ക് സുഹൃത്ത് ബിനു സേവ്യറിലെ പരിചയപ്പെടുന്നത്. ശരണ്യയുടെ ജീവിതത്തിലെ തിരിച്ചു വരവായിരുന്നു അത്. എല്ലാം അറിഞ്ഞൊരു ജീവിത പങ്കാളിയെ കിട്ടിയതും ആ സമയത്തായിരുന്നു എന്ന് ശരണ്യ.

തിരിച്ചു വരും എന്ന വിശ്വാസമുണ്ട്

അടുത്ത ശസ്ത്രക്രിയയ്ക്ക് പോകുകയാണ് ശരണ്യ. പക്ഷെ പൂര്‍വാധികം ശക്തിയോടെ തിരിച്ചെത്തും എന്ന വിശ്വാസമുണ്ട്. ഇനിയും അഭിനയിച്ച് തീര്‍ക്കാനുള്ള രംഗങ്ങള്‍ ശരണ്യയ്ക്ക് ബാക്കി നില്‍ക്കുകയാണ്. (വനിതയ്ക്ക് നല്‍കിയ അഭിമുഖത്തില്‍ നിന്ന്)