ഇവളെ ആര്‍ക്കും കൊടുക്കില്ല! ചെമ്പരത്തി സീരിയലിലെ കല്ല്യാണി ഭാര്യയായതിന് ശേഷം ഭര്‍ത്താവ് പറയുന്നു

നേരത്തെ താന്‍ വിവാഹിതയാകാന്‍ പോവുകയാണെന്ന കാര്യം അമല പറഞ്ഞിരുന്നു. ഇതിനിടെ ലോക്ഡൗണ്‍ വന്നതിനാല്‍ ലളിതമായി നടത്താനായിരുന്നു പദ്ധതിയിട്ടത്. സീരിയല്‍ രംഗത്ത് നിന്ന് തന്നെയുള്ള ക്യാമറമാന്‍ പ്രഭു ആയിരുന്നു വരന്‍. വളരെ ലളിതമായിട്ടായിരുന്നു വിവാഹം നടത്തിയത്. ചിത്രങ്ങള്‍ പുറത്ത് വന്നതോടെയായിരുന്നു വിവാഹത്തെ കുറിച്ച് പുറംലോകം അറിയുന്നത്. പിന്നാലെ ഒരു അഭിമുഖത്തില്‍ പ്രഭുവിനെ പരിചയപ്പെട്ടത് മുതല്‍ വിവാഹം വരെ എത്തിയ കാര്യങ്ങളെല്ലാം അമല വെളിപ്പെടുത്തിയിരു്‌നു.

Recommended Video

സച്ചിയുമായി പിരിഞ്ഞത് എന്തിന്? സേതു പറയുന്നു | FilmiBeat Malayalam

മലയാളത്തില്‍ ജോലി ചെയ്യുന്നുണ്ടെങ്കിലും തമിഴ്‌നാട് സ്വദേശിയാണ് പ്രഭു. പ്രഭുവിന്റെ അമ്മ മലയാളിയാണ്. അദ്ദേഹത്തിന് മലയാളം നന്നായി അറിയാം. ഇരു കുടുംബങ്ങളുടെയും അനുഗ്രഹത്തോടെ ആയിരുന്നു ഞങ്ങളുടെ വിവാഹം. അമലയുടെ കോഴിക്കോടാണ് നാടെങ്കിലും തിരുവന്തപുരത്താണാണ് കുടുംബസമേതം വര്‍ഷങ്ങളായി താമസിക്കുന്നത്. സ്പര്‍ശം എന്ന സീരിയലിലൂടെ അഭിനയം തുടങ്ങിയ അമല അഞ്ചുവര്‍ഷത്തോളമായി അഭിനയ രംഗത്ത് സജീവമാണ്. തുടക്ക കാലത്ത് തന്നെ മികച്ച നടിക്കുള്ള സംസ്ഥാന സര്‍ക്കാരിന്റെ പുരസ്‌കാരം അമല സ്വന്തമാക്കിയിരുന്നു.

ഇപ്പോഴിതാ അമലയുടെ ഫോട്ടോ പങ്കുവെച്ച് കൊണ്ട് എത്തിയിരിക്കുകയാണ് പ്രഭു. 'ഇത് എന്റെ കുഞ്ഞാണ്, എന്റെ മാത്രമാണ്. മറ്റാര്‍ക്കും കൊടുക്കില്ല' എന്ന് തമിഴിലുള്ള ക്യാപ്ഷനാണ് ചിത്രത്തിന് പ്രഭു കൊടുത്തിരിക്കുന്നത്. കുസൃതി കാണിച്ച് നില്‍ക്കുന്ന നടിയുടെ ഒരു ഫോട്ടോയായിരുന്നു പ്രിയതമന്‍ പങ്കുവെച്ചതും. ഈ പോസ്റ്റിന് താഴെ രസകരമായ കമന്റുകള്‍ നിറയുകയാണ്. 'കൊടുക്കേണ്ടെന്നായിരുന്നു' അമലയുടെ കമന്റ്. പ്രഭുവിന്റെ ഭാര്യയായ അമലയെ ഞങ്ങള്‍ക്ക് വേണ്ട. പക്ഷേ കല്യാണിയെ ഞങ്ങള്‍ക്ക് വേണമെന്നായിരുന്നു ആരാധകര്‍ പറയുന്നത്.

വളരെ യാദൃശ്ചികമായിട്ടാണ് താന്‍ അഭിനയ ജീവിതത്തിലേക്ക് എത്തിയതെന്ന് നടി പറഞ്ഞിരുന്നു. സ്റ്റാര്‍ വാര്‍ യൂത്ത് കാര്‍ണിവെല്‍ എന്ന പ്രോഗ്രാമില്‍ പങ്കെടുത്തതോടെയാണ് അമല ഗിരീശന്‍ അഭിനയ ജീവിതത്തിലേക്ക് എത്തുന്നത്. ചെമ്പരത്തി സീരിയലിലേക്കുള്ള പരസ്യം കണ്ട് ഫോട്ടോ അയച്ച് കൊടുത്തു. ശേഷം പരിപാടിയിലേക്ക് സെലക്ട് ആവുകയായിരുന്നു. താന്‍ ശരിക്കും ആ സീരിയലിലെ കല്യാണിയെ പോലെ ആണ്. അച്ഛന്‍ മകള്‍ ബന്ധത്തിന്റെ ആഴം തന്നെയാണ് ഈ പരമ്പര തിരഞ്ഞെടുക്കാന്‍ പ്രേരിപ്പിച്ചതെന്നും നേരത്തെ ഒരു അഭിമുഖത്തില്‍ അമല പറഞ്ഞിരുന്നു.