ഞാന്‍ ആദ്യമായിട്ടാണ് ഒരു ശിവലിംഗത്തെ കെട്ടിപ്പിടിച്ച് കരഞ്ഞത്, എന്തിനാണ് എനിക്കറിയില്ല; മഞ്ജു പിള്ള

അതെന്റെ ഭര്‍ത്താവിനും മോള്‍ക്കും നല്ല പോലെ അറിയാം. അതുകൊണ്ട് തന്നെ അവര്‍ ആ കാര്യത്തില്‍ ഫുള്‍ സപ്പോര്‍ട്ടാണ്. ഫ്രണ്ട്‌സിനൊപ്പം യാത്ര ചെയ്യുമ്പോള്‍ എനിക്ക് എന്നെ മാത്രം നോക്കിയാല്‍ മതി. ഫ്രീയായി ടെന്‍ഷനല്ലാതെ നടക്കാം. അങ്ങനെ യാത്ര ചെയ്യുന്ന ഫ്രണ്ട്‌സ് സര്‍ക്കിള്‍ എനിക്കുണ്ട്. വളരെ അടുത്ത സുഹൃത്തുക്കളാണ്. അവരുമായി ഒത്തിരി യാത്ര പോകാറുണ്ട്. പ്രത്യേകിച്ചൊരു സ്ഥലമൊന്നുമില്ല. ഞങ്ങള്‍ക്ക് ഇഷ്ടമുള്ളയിടത്തൊക്കെ പോകും. അവര്‍ക്കൊപ്പമാണ് ഞാന്‍ ഏറ്റവും കൂടുതല്‍ യാത്രകള്‍ നടത്തിയിട്ടുള്ളത്.

സിനിമാ ഫീല്‍ഡില്‍ സുഹൃത്തുക്കള്‍ കുറവാണെങ്കിലും എപ്പോഴും കൂട്ടു കൂടാനും യാത്ര പോവാനും കുക്കു പരമേശ്വരന്‍, സുബി, ശ്രീലക്ഷ്മി, രശ്മി എന്നിവര്‍ ഉണ്ടാകും. ഞങ്ങള്‍ കുറേ യാത്രകള്‍ ഒരുമിച്ച് നടത്തിയിട്ടുണ്ട്. കുറച്ച് സമയം ഞങ്ങള്‍ക്ക് വേണ്ടി മാത്രം ചെലവിടണം എന്ന് തോന്നിയാല്‍ ആരുടെയെങ്കിലും വീട്ടില്‍ ഒത്തുകൂടും. അല്ലെങ്കില്‍ തിരക്ക് ഒട്ടുമില്ലാത്ത ആരുമറിയാത്ത ഏതെങ്കിലും റിസോര്‍ട്ടില്‍ കൂടും.

Recommended Video

Nithya Mammen exclusive interview | FilmiBeat Malayalam

കേദാര്‍നാഥില്‍ പോയപ്പോഴുള്ള മറക്കാനാകാത്തെ അനുഭവത്തെ കുറിച്ചും മഞ്ജു പറഞ്ഞിരുന്നു. കേദാര്‍നാഥ് അമ്പലത്തിനകത്തെ ശിവലിംഗം സാധാരണ ശിവലിംഗങ്ങളില്‍ നിന്ന് വ്യത്യസ്തമായി പരന്നിട്ടാണ്. മാത്രമല്ല നമുക്ക് മറ്റെവിടെയും ശിവലിംഗത്തെ സ്പര്‍ശിക്കാനാവില്ല. എന്നാല്‍ ഇവിടെ ശിവലിംഗത്തെ തൊടാം. കെട്ടിപിടിച്ച് നിന്ന് പ്രാര്‍ഥിക്കാം. എത്ര നേരം വേണമെങ്കിലും. ഞാന്‍ ആദ്യമായിട്ടാണ് ഒരു ശിവലിംഗത്തെ കെട്ടിപ്പിടിച്ച് കരയുന്നത്. എന്തിനാണ് ഞാന്‍ കരഞ്ഞതെന്ന് എനിക്കറിയില്ല. പക്ഷേ അത് വല്ലാത്തൊരു അനുഭവമായിരുന്നുവെന്നും മഞ്ജു പറയുന്നു.