മീനാക്ഷിയുടെ കല്യാണം കഴിഞ്ഞോ? ഇപ്പോള്‍ കഷ്ടകാലമാണെന്നോ? നിരാശയോടെ ആരാധകര്‍! വീഡിയോ വൈറല്‍

മീനാക്ഷിയുടെ കല്യാണം

കമലാസനന്റെയും മോഹനവല്ലിയുടെയും മകളായ മീനാക്ഷിക്ക് വിവാഹം ആലോചിക്കുന്നതും അതുമായി ബന്ധപ്പെട്ട രസകരമായ സംഭവങ്ങളുമാണ് ഇപ്പോള്‍ കാണുന്നത്. അപ്രതീക്ഷിത സംഭവങ്ങളുമായി മുന്നേറുന്ന പരമ്പരയ്ക്ക് മികച്ച സ്വീകാര്യതയാണ് ലഭിച്ചുകൊണ്ടിരിക്കുന്നത്. അടുത്തിടെയാണ് ഇത് പരമ്പരയായി എത്തിയത്. തിങ്കള്‍ മുതല്‍ വെള്ളി വരെയാണ് പരിപാടി സംപ്രേഷണം ചെയ്യുന്നത്. ഹാസ്യത്തിന്റെ മേമ്പൊടിയുമായെത്തുന്ന പരമ്പര പ്രേക്ഷകരെ കുടുകുടാ ചിരിപ്പിക്കുകയാണ്.

ആരാണ് വരന്‍?

കുടുംബത്തിലേക്കെത്തുന്ന പുതിയ അതിഥി ആരാണെന്നും അവനെ എങ്ങനെ പാട്ടിലാക്കാമെന്നും ആലോചിച്ചാണ് അര്‍ജുന്റെ നടപ്പ്. കമലാസനന്‍ എല്ലാത്തിനും കൂട്ടായി ഒപ്പമുണ്ട്. കോടീശ്വരിയാണ് താനെന്നാണ് മീനാക്ഷിയുടെ വീമ്പ്. പ്രതിശ്രുത വരനും തള്ളിന്റെ കാര്യത്തില്‍ തുല്യനാണ്. ഡാഡിയുടെ പണത്തെക്കുറിച്ചും അത് ചെലവഴിക്കുന്ന മാര്‍ഗത്തെക്കുറിച്ചുമൊക്കെയാണ് മീനാക്ഷിയോട് പറഞ്ഞത്. കാല്‍ക്കാശിന് വകയില്ലാതെ അമ്മയേയും മോഹനവല്ലിയേയും സോപ്പിട്ട് നടക്കുന്ന അര്‍ജുനന്‍ കോടീശ്വരനാണെന്നാണ് മീനാക്ഷി പറഞ്ഞത്.

അച്ഛന്റെ പദ്ധതി

തന്റെ പദ്ധതികളെയെല്ലാം പിന്തുണയ്ക്കുന്നവനാവണം മരുമകനെന്ന നിലപാടിലാണ് അര്‍ജുനന്‍. എങ്ങനെ മരുമകനെ പാട്ടിലാക്കാമെന്ന കാര്യത്തെക്കുറിച്ചാണ് അദ്ദേഹത്തിന്റെ ചിന്ത. ഇടയ്ക്ക് മീനാക്ഷിയെ രഹസ്യമായി നിരീക്ഷിക്കുകയും ചെയ്യുന്നുണ്ട്. മകള്‍ പ്രണയത്തിലായിരുന്നോ എന്ന കാര്യത്തെക്കുറിച്ചായിരുന്നു നേരത്തെ ഇവര്‍ ടെന്‍ഷനടിച്ചത്. ഇടയ്ക്ക് സ്വപ്‌നം കണ്ട മീനാക്ഷിയുടെ ചേഷ്ടകളാണ് സംശയത്തിനിടയാക്കിയത്.

മീനാക്ഷിയുടെ അവസ്ഥ

വിവാഹ ശേഷം എങ്ങനെ ജീവിക്കാമെന്നും ഭാവി കാര്യങ്ങളെക്കുറിച്ചുമൊക്കെ ചര്‍ച്ച ചെയ്യുന്നതിനിടയില്‍ പ്രതിശ്രുത വരന്‍ ഉന്നയിച്ച വിചിത്രമായ ആഗ്രഹത്തെക്കുറിച്ച് അറിഞ്ഞതിന്റെ ഞെട്ടലിലാണ് മീനാക്ഷി. തന്റെ ഭാവി ജീവിതം എങ്ങനെയായിരിക്കുമെന്ന കാര്യത്തിലും മീനാക്ഷിക്ക് ആശങ്കയാണ്. അമ്മയുമായി ഇക്കാര്യം സംസാരിച്ചിരുന്നു. പരിപാടിക്ക് മികച്ച സ്വീകാര്യതയാണ് ലഭിക്കുന്നതിന് പിന്നിലെ പ്രധാന കാരണം സ്വഭാവികത നിറഞ്ഞ അഭിനയമാണ്.