അശ്വതി വിവാഹിതയായിരുന്നോ? ഭര്‍ത്താവിനൊപ്പമുള്ള ഫോട്ടോയുമായി നടി, കുഞ്ഞുണ്ടോ എന്ന ചോദ്യത്തിന് നടിയുടെ മറുപടി

| Updated: Thursday, February 11, 2021, 14:51 [IST]

ഉപ്പും മുളകിലെയും പൂജ ജയറാം എന്ന കഥാപാത്രത്തെ അവതരിപ്പിച്ച് കൊണ്ടാണ് നടി അശ്വതി ജയറാം അഭിനയ രംഗത്ത് സജീവമാകുന്നത്. വളരെ കുറഞ്ഞ നാളുകള്‍ കൊണ്ട് മിനിസ്‌ക്രീന്‍ പ്രേക്ഷകരുടെ ഇഷ്ടം നേടിയെടുത്ത അശ്വതി ബോള്‍ഡ് ഫോട്ടോഷൂട്ട് നടത്തിയും ജനപ്രീതിയാര്‍ജിച്ചിരുന്നു. ഉപ്പും മുളകിലും മുടിയനെ വിവാഹം കഴിക്കണമെന്ന് ആഗ്രഹിച്ചെത്തിയ അശ്വതിയുടെ വിവാഹം കഴിഞ്ഞിട്ട് ഏറെ കാലമായി. ഭര്‍ത്താവ് ഹരിയ്‌ക്കൊപ്പമുള്ള ഫോട്ടോയുമായി എത്തിയതോടെയാണ് സംശയങ്ങളുമായി ചിലരെത്തിയത്.

വിവാഹ ദിവസത്തെ ഫോട്ടോയുമായിട്ടാണ് അശ്വതി ആദ്യം എത്തിയത്. ആ ദിവസം എന്ന ക്യാപ്ഷന്‍ നല്‍കിയ ഫോട്ടോ ഏറെ ശ്രദ്ധിക്കപ്പെട്ടിരുന്നു. കല്യാണം കഴിഞ്ഞതിനെ കുറിച്ച് കൂടുതല്‍ പേരും അറിഞ്ഞത് അപ്പോഴായിരുന്നു. പിന്നാലെ സഹോദരിയ്‌ക്കൊപ്പമുള്ളതും ഭര്‍ത്താവിനൊപ്പമുള്ളതുമായ ഫോട്ടോസായിരുന്നു അശ്വതി ഇന്‍സ്റ്റാഗ്രാം പേജില്‍ പോസ്റ്റ് ചെയ്തിരിക്കുന്നത്.

എന്റെ ഭര്‍ത്താവ് ഇതാണെന്ന് പറഞ്ഞാണ് പുതിയ ഫോട്ടോയുമായി അശ്വതി നായരെത്തിയത്. 2016 ജൂലൈ 24 ന് എടുത്ത ഫോട്ടോയാണ് നടി പങ്കുവെച്ചത്. ഇരുവരും ഒന്നിച്ച് കണ്ടുമുട്ടിയ ദിവസത്തെ ഓര്‍മ്മിച്ച് എത്തിയതായിരുന്നു. ഒരു വര്‍ഷത്തോളമായി ഉപ്പും മുളകിലും അഭിനയിച്ചിരുന്ന അശ്വതി വിവാഹിതയാണെന്നും ഭര്‍ത്താവ് ഇതാണെന്ന കാര്യം ആരാധകരില്‍ പലരും അറിഞ്ഞത് ഇപ്പോഴായിരുന്നു.

തലകുത്തി മറിഞ്ഞുള്ള അഭ്യാസങ്ങളുമായി നടി അമല പോൾ, ചിത്രങ്ങൾ കാണാം

ഫോട്ടോ വൈറലായതിന് പിന്നാലെ രസകരമായ കമന്റുകളുമായി ആരാധകരുമെത്തി. അശ്വതി വിവാഹിതയായിരുന്നോ എന്നാണ് ഒരാളുടെ ചോദ്യം. ഇതിന് താഴെ നടിയ്‌ക്കൊരു കുഞ്ഞ് കൂടി ഉണ്ടെന്ന് മറ്റൊരാള്‍ കമന്റിട്ടു. എന്നാല്‍ താന്‍ വിവാഹിതയാണെന്നും കുഞ്ഞ് ഇല്ലെന്നുമുള്ള മറുപടിയുമായി അശ്വതി തന്നെ എത്തിയിരിക്കുകയാണ്. ഒപ്പം അശ്വതിയെക്കാളും ചുള്ളന്‍ ഭര്‍ത്താവാണെന്നാണ് ഒരാളുടെ അഭിപ്രായം.