മാസങ്ങള്‍ക്ക് ശേഷം വാനമ്പാടി താരങ്ങളുടെ ഒത്തുകൂടല്‍, ചിത്രങ്ങള്‍ പങ്കുവെച്ച് അനുമോള്‍

പത്മിനിയിലെ മാറ്റങ്ങളെ കുറിച്ച് മനസിലാക്കിയതോടെയാണ് കഥാപാത്രത്തിന്റെ പ്രാധാന്യവും തിരിച്ചറിഞ്ഞത്, പത്മിനിക്ക് നല്ല വശവും ഉണ്ടെന്ന് പിന്നീട് മനസിലാക്കിയെന്നും നടി പറഞ്ഞു. വാനമ്പാടിക്ക് ശേഷമുളള പുതിയ പ്രോജക്ടിനെ കുറിച്ച് പലരും ചോദിച്ചു. പരമ്പര തീര്‍ന്നതോടെ ബ്രേക്ക് എടുത്തിരിക്കുകയാണ് എന്നും നടി പറഞ്ഞിരുന്നു.

പുതിയ പ്രോജക്ടുകളൊന്നും ഏറ്റെടുത്തിട്ടില്ല. വാനമ്പാടി അവസാനിച്ചതോടെ എല്ലാവരെയും മിസ് ചെയ്യുന്നുണ്ടെന്നും നടി പറഞ്ഞിരുന്നു. അനുമോളും തംബുരുവുമായി ഇപ്പോഴും അടുത്ത സൗഹൃദമുണ്ട് സുചിത്രയ്ക്ക്. അതേസമയം വാനമ്പാടി താരങ്ങളായ സുചിത്രയുടെയും ഗൗരിയുടെയും പുതിയൊരു ചിത്രം സോഷ്യല്‍ മീഡിയയില്‍ വൈറലായി മാറിയിരുന്നു.

ഏറെ നാളുകള്‍ക്ക് ശേഷമായിരുന്നു ഇരുവരും വീണ്ടും കണ്ടുമുട്ടിയത്. ഗൗരിയാണ് സുചിത്രയ്‌ക്കൊപ്പമുളള ചിത്രങ്ങള്‍ പങ്കുവെച്ചിരിക്കുന്നത്. കുമ്മ എന്നാണ് സുചിത്രയെ ഗൗരി വിളിക്കാറുളളത്. ദിവസങ്ങള്‍ക്ക് മുന്‍പ് മിസ് യൂ കുമ്മ എന്ന ക്യാപ്ഷനില്‍ ഗൗരി ചില ചിത്രങ്ങള്‍ പങ്കുവെച്ചിരുന്നു. ഈ ചിത്രങ്ങള്‍ക്ക് താഴെ സായ് കിരണും കമന്റുമായി എത്തി.

ഓ മൈ ബേബി ലവ് എന്ന കമന്റുമായാണ് അന്ന നടന്‍ എത്തിയത്. കൂടാതെ അവള്‍ ഇല്ലാതെയുളള ജീവിതം വളരെ ബുദ്ധിമുട്ടേറിയതാണെന്നും നടന്‍ പറഞ്ഞു. വാനമ്പാടി സിരീയലിലൂടെ മലയാളി പ്രേക്ഷകര്‍ക്ക് ഒന്നടങ്കം പ്രിയങ്കരനായ താരമാണ് സായികിരണ്‍ റാം. ജനപ്രിയ പരമ്പരയില്‍ മോഹന്‍കുമാര്‍ എന്ന കഥാപാത്രമായി ശ്രദ്ധേയ പ്രകടനമാണ് താരം കാഴ്ചവെച്ചത്. മൂന്നരവര്‍ഷത്തെ സംപ്രേക്ഷണത്തിനൊടുവില്‍ അടുത്തിടെയാണ് വാനമ്പാടി അവസാനിച്ചത്.

Recommended Video

ജാതിപ്പേര് പറഞ്ഞ് അപമാനിക്കുന്ന ഡയലോഗുകളും എഴുതില്ല | FilmiBeat Malayalam

മലയാളം ഇപ്പോള്‍ സംസാരത്തിന് പുറമെ വായിക്കാനും അറിയാമെന്ന് സായി പറഞ്ഞിരുന്നു. മൂന്ന് വര്‍ഷം ഞാന്‍ കേരളത്തിലെ ഭക്ഷണം കഴിച്ച് അവിടെയുണ്ടായിരുന്നു. അതിനാല്‍ ആ ഭാഷയെ ബഹുമാനിക്കേണ്ടത് എന്റെ കടമയാണ്. മലയാളം എളുപ്പത്തില്‍ പഠിക്കാവുന്ന ഒരു ഭാഷയല്ല. ഞാന്‍ അത് പഠിക്കാനായി കുറച്ച് ആപ്പുകള്‍ ഡൗണ്‍ലോഡ് ചെയ്തിരുന്നു. പിന്നെ വാനമ്പാടിയിലെ ഗൗരിയും എന്നെ ഭാഷ പഠിക്കാന്‍ ഏറെ സഹായിച്ചിരുന്നു എന്നും താരം പറഞ്ഞു.