ഹോം

ടെലിവിഷൻ

അമ്മയായതിന്റെ സന്തോഷത്തിലാണ് സീരിയല്‍ നടി പാര്‍വതി ആര്‍ കൃഷ്ണ. ഗര്‍ഭിണിയായതിന്റെ സന്തോഷം ആരാധകരുമായി പങ്കുവെച്ചതിന് പിന്നാലെ വിമര്‍ശനങ്ങളായിരുന്നു പാര്‍വതിയെ തേടി എത്തിയത്. നിറവയറില്‍ ഡാന്‍സ് കളിച്ചതാണ് കൂടുതല്‍ പേരെയും ചൊടിപ്പിച്ചത്. കുഞ്ഞിന്റെ ആരോഗ്യത്തെ ബാധിക്കും എന്നതാണ് എല്ലാവരും പ്രശ്‌നമായി ചൂണ്ടി കാണിച്ചത്.

ഒടുവില്‍ കഴിഞ്ഞ ആഴ്ച ആരോഗ്യവാനായ ഒരു കുഞ്ഞിന് ജന്മം നല്‍കിയിരിക്കുകയാണ് നടി. മകന്റെ വരവ് നടി തന്നെയാണ് പുറംലോകത്തെ അറിയിച്ചതും. ഇനിയും കുഞ്ഞിന്റെ മുഖം കാണിച്ചില്ലെങ്കിലും അവനെ കളിപ്പിക്കുന്ന ചിത്രങ്ങളാണ് ഇന്‍സ്റ്റാഗ്രാം പേജിലൂടെ പാര്‍വതി പോസ്റ്റ് ചെയ്തിരിക്കുന്നത്. കുഞ്ഞ് കൈ കൊണ്ട് പാര്‍വതിയുടെ മുഖത്ത് തൊടുന്നതും മറ്റുമൊക്കെയാണ് ചിത്രങ്ങളിലുള്ളത്.

ജീവിതത്തിലെ ചെറിയ ഓരോ കാര്യങ്ങളും ആസ്വദിക്കുകയാണ്. പിന്നീട് ഒരു ദിവസം അതൊക്കെ വലിയ കാര്യങ്ങള്‍ ആയിരുന്നുവെന്ന് നമ്മള്‍ മനസിലാക്കും. മൈ ചോട്ടൂ... എന്നുമാണ് ചിത്രത്തിന് താഴെ പാര്‍വതി കുറിച്ചത്. നടിയ്ക്കും കുഞ്ഞിനും സ്‌നേഹാശംസകള്‍ അറിയിച്ച് നിരവധി പേരാണ് കമന്റുകളുമായി എത്തുന്നത്. കൂട്ടത്തില്‍ പേളി മാണിയും ഉണ്ട്. അടുത്തതായി കുഞ്ഞതിഥിയെ വരവേല്‍ക്കാന്‍ ഒരുങ്ങുകയാണ് പേളി.

ഡോക്ടറുടെയും പരിശീലകന്റെയും നിര്‍ദ്ദേശങ്ങള്‍ക്ക് അനുസരിച്ചാണ് പാര്‍വതി നിറവയറില്‍ ഡാന്‍സ് കളിച്ചത്. പ്രസവം സുഖകരമാക്കാന്‍ ഇത്തരം വ്യായമങ്ങള്‍ക്ക് സാധിക്കുമെന്നാണ് ഡോക്ടര്‍ നിര്‍ദ്ദേശിച്ചിരിക്കുന്നതെന്നും നടി പറഞ്ഞിരുന്നു. എന്നാല്‍ പൊതുവേയുള്ള രീതികളില്‍ നിന്നും മാറി നിന്ന് കൊണ്ടുള്ള ഡാന്‍സ് പ്രകടനം വിമര്‍ശനങ്ങള്‍ക്ക് വഴിയൊരുക്കി. തനിക്കും കുഞ്ഞിനും മറ്റ് യാതൊരു പ്രശ്‌നങ്ങളും ഇല്ലെന്ന് ഉറപ്പ് വരുത്തിയതിന് ശേഷമാണ് ഡാന്‍സ് കളിച്ചതെന്ന് നടി പറഞ്ഞിരുന്നു.

ഹോസ്പിറ്റലില്‍ അഡ്മിറ്റ് ആകുന്നതിന് മണിക്കൂറുകള്‍ക്ക് മുന്‍പ് വരെയുള്ള വീഡിയോസ് നടി പുറത്ത് വിട്ട് കൊണ്ടിരിക്കുകയാണ്. അതുപോലെ തന്നെ തേടി വന്ന ചില സമ്മാനങ്ങളെ കുറിച്ചും പുതിയ വീഡിയോയില്‍ പാര്‍വതി സൂചിപ്പിച്ചിട്ടുണ്ട്.

Recommended Video

ഇന്ത്യയിലിരുന്നും ജയിക്കാം 310 ദശലക്ഷം ഡോളർ; മെഗാ മില്യൺസ് ലോട്ടറിയെ കുറിച്ച് അറിയേണ്ടതെല്ലാം