ഇത് ഞങ്ങൾക്കിഷ്ടപ്പെടുന്നില്ല, നിങ്ങളുടെ അന്തസ്സിന് ചേരാത്തത്; ബാലയ്യയോട് ആരാധകർ

ആന്ധ്രയിലെയും തെലുങ്കാനയിലെയും പ്രമുഖ താരം ആണെങ്കിലും നടൻ മിക്കപ്പോഴും വിവാദങ്ങളിൽ അകപ്പെടാറുണ്ട്. ഏറ്റവും കൂടുതൽ ഹേറ്റേഴ്സുളള നടനാണ് ബാലയ്യ എന്നാണ് സിനിമാ ലോകത്തെ ഒരു വിഭാ​ഗം പറയുന്നത്. നടന്റെ പേര് യൂട്യൂബിലോ മറ്റോ സെർച്ച് ചെയ്യുമ്പോൾ തന്നെ ആദ്യം വരുന്നത് ട്രോളുകൾ ആണ്.

അങ്കിൾ എന്ന് വിളിച്ചതിന് ദേഷ്യപ്പെട്ടന്ന പേരിൽ പ്രചരിച്ച വീഡിയോ, എർആർ റഹ്മാൻ ആരാണെന്ന് അറിയില്ലെന്ന് പറഞ്ഞത്, സിനിമകളിലെ അതിനാടകീയത നിറഞ്ഞ ആക്ഷൻ രം​ഗങ്ങൾ തുടങ്ങിയവ ആണ് ബാലയ്യയെ അടുത്ത കാലങ്ങളിലായി വിവാദത്തിലാക്കിയത്. എന്നാൽ എന്ത് വിവാ​ദം വന്നാലും നടനെ പിന്തുണയ്ക്കാൻ വലിയ ആരാധക വൃന്ദം ഉണ്ട്.

ഇപ്പോഴിതാ തെലുങ്ക് സോഷ്യൽ മീഡിയയിൽ ചർച്ചയായിരിക്കുകയാണ് ബാലയ്യ. ആഹായിൽ അൺ സ്റ്റോപ്പബിൾ എന്ന ഷോ ബാലയ്യ ചെയ്യുന്നുണ്ട്. ഷോയുടെ അവതാരകൻ ആണ് ബാലയ്യ. ബാലയ്യ ഒരു അവതാരകൻ ആയതാണ് ആരാധകരെ ചൊടിപ്പിച്ചത്.

ആദ്യം വലിയ താരങ്ങളാണ് ബാലയ്യയുടെ ഷോയിൽ അതിഥികൾ ആയെത്തിയത് എങ്കിലും ഇപ്പോൾ ബാലയ്യയേക്കാൾ താരമൂല്യം കുറഞ്ഞവരെയാണ് ഷോയിലെത്തിക്കുന്നതെന്ന് ആരാധകർ പരാതിപ്പെടുന്നു. ബാലയ്യ ഇത് നിങ്ങളുടെ അന്തസിന് താഴെയാണ്. എന്തിനാണ് ഇവരെ പോലെയുള്ളവരെ ഇന്റർവ്യൂ ചെയ്യുന്നത്. നിങ്ങളുടെ ഇമേജ് റിസ്കിൽ ആണെന്നാണ് ഒരു ആരാധകൻ കമന്റ് ചെയ്തിരിക്കുന്നത്.

ഈ ഷോ എത്രയും പെട്ടെന്ന് നിർത്തണം എന്നാണ് തന്റെ ആ​ഗ്രഹമെന്നും ആരാധകൻ കമന്റ് ചെയ്തു. അതേസമയം നടനെ അനുകൂലിച്ചും നിരവധി പേർ രം​ഗത്ത് വരുന്നുണ്ട്. അമിതാഭ് ബച്ചൻ, നാ​ഗാർജുന തുടങ്ങിയ താരങ്ങളെല്ലാം മിനി സ്ക്രീനിലും മുഖം കാണിച്ചിട്ടുണ്ടെന്നും ബാലയ്യയും അത് തന്നെയാണ് ചെയ്യുന്നതെന്നും ഇവർ അഭിപ്രായപ്പെടുന്നു.

ചിലർ ബാലയ്യയുടെ ആരാധകർക്ക് അതിര് കടന്ന ആരാധനയാണെന്നും പറയുന്നു.

വീര സിംഹ റെഡി ആണ് ബാലയ്യയുടെ പുറത്തിറങ്ങാനിരിക്കുന്ന സിനിമ. കേരളത്തിലെ സോഷ്യൽ മീഡിയയലും ബാലയ്യ ഇടയ്ക്കിടെ ട്രോളുകളിൽ നിറയാറുണ്ട്. നടന്റെ സിനിമകളിലെ ആക്ഷൻ രം​ഗമാണ് ഇതിന് കാരണം ആവാറ്.

ഇപ്പോഴും സിനിമകളിൽ നിറഞ്ഞ് നിൽക്കുന്ന ബാലയ്യക്ക് തെലുങ്കിൽ പക്ഷെ വലിയ ജന പിന്തുണ ഉണ്ട്. ദേഷ്യക്കാരനായ ബാലയ്യ പൊതുസ്ഥലത്ത് വെച്ച് ചൂടായ നിരവധി സന്ദർഭങ്ങൾ ഉണ്ടായിട്ടുണ്ട്. ഇതിൽ പലതും സോഷ്യൽ മീഡിയയിൽ വൈറൽ ആയിരുന്നു. എന്നാൽ ഇത്തരം ട്രോളുകളോടൊന്നും ബാലയ്യ പൊതുവെ പ്രതികരിക്കാറില്ല.