For Quick Alerts
    ALLOW NOTIFICATIONS  
    For Daily Alerts

    തെലുങ്ക് സൂപ്പര്‍താരം രാംചരണിന് കോവിഡ്, വീട്ടില്‍ ക്വാറന്റൈനീല്‍ പ്രവേശിച്ച് നടന്‍

    |

    തെലുങ്ക് സൂപ്പര്‍താരം രാംചരണിന് കോവിഡ് സ്ഥിരീകരിച്ചു. നടന്‍ തന്നെയാണ് ഇക്കാര്യം തന്‌റെ ട്വിറ്റര്‍ പേജിലൂടെ അറിയിച്ചത്. ലക്ഷണങ്ങള്‍ ഒന്നും ഉണ്ടായിരുന്നില്ലെന്നും വീട്ടില്‍ ക്വാറന്റൈനീല്‍ പ്രവേശിച്ചിരിക്കുകയാണെന്നും നടന്‍ കുറിച്ചു. ഉടന്‍ സുഖപ്പെടുമെന്ന് പ്രതീക്ഷിക്കുന്നു, കൂടുതല്‍ ശക്തനായി തിരിച്ചുവരുമെന്നും രാംചരണ്‍ ട്വിറ്ററിലൂടെ ആരാധകരെ അറിയിച്ചു. ഒപ്പം കുറച്ചുദിവസങ്ങളായി താനുമായി സമ്പര്‍ക്കം പുലര്‍ത്തിയവരെല്ലാം ടെസ്റ്റിന് വിധേയരാകണമെന്നും രാംചരണ്‍ അഭ്യര്‍ത്ഥിച്ചു

    ramcharan

    ഈ മാസം മുതല്‍ പുതിയ ചിത്രമായ ആര്‍ആര്‍ആറിന്‌റെ ചിത്രീകരണത്തില്‍ പങ്കെടുത്തുവരികയായിരുന്നു നടന്‍. എസ് എസ് രാജമൗലി സംവിധാനം ചെയ്യുന്ന ബ്രഹ്മാണ്ഡ ചിത്രത്തില്‍ രാംചരണിനൊപ്പം ജൂനിയര്‍ എന്‍ടിആര്‍, ആലിയ ഭട്ട് തുടങ്ങിയവരും പ്രധാന വേഷങ്ങളിലെത്തുന്നു. അജയ് ദേവ്ഗണാണ് ബിഗ് ബഡ്ജറ്റ് ചിത്രത്തിലെ വില്ലന്‍. തെലുങ്ക് പതിപ്പിന് പുറമെ ഹിന്ദി, തമിഴ്, മലയാളം, കന്നഡ ഭാഷകളിലും ആര്‍ആര്‍ആര്‍ മൊഴിമാറ്റി പ്രദര്‍ശനത്തിന് എത്തും.

    അടുത്തിടെയാണ് ബോളിവുഡ് താരം ആലിയ ഭട്ട് ചിത്രത്തില്‍ ജോയിന്‍ ചെയ്തത്. ആര്‍ആര്‍ആറില്‍ രാംചരണ്‍ അവതരിപ്പിക്കുന്ന അല്ലൂരി സീതാരാമ രാജുവിന്റെ ഭാര്യ സീതയുടെ വേഷത്തിലാണ് ആലിയ അഭിനയിക്കുന്നത്. അല്ലൂരി സീതാരാമരാജു, കോമരം ഭീം എന്നീ സ്വാതന്ത്ര്യ സമര പോരാളികളുടെ കഥയാണ് ചിത്രത്തില്‍ പറയുന്നത്. ആര്‍ ആര്‍ആറില്‍ ബ്രീട്ടിഷ് താരം ഒലിവിയ മാരിസാണ് ജൂനിയര്‍ എന്‍ടി ആറിന്റെ നായിക.

    പൃഥ്വിരാജിന്‌റെ നായികയുടെ ഗ്ലാമറസ് ചിത്രങ്ങള്‍ വൈറല്‍

    Mammootty, Mohanlal and Pranav Mohanlal's mass entry in Antony Perumbavoor's daughter's reception

    അല്ലു അര്‍ജുനെ പോലെ തന്നെ മലയാളി പ്രേക്ഷകര്‍ക്കും സുപരിചിതനായ താരമാണ് രാംചരണ്‍. മഗദീര മുതലാണ് നടന്റെ സിനിമകള്‍ കേരളത്തിലും ശ്രദ്ധിക്കപ്പെട്ടത്. എസ് എസ് രാജമൗലി തന്നെയാണ് രാംചരണിന്റെ കരിയറില്‍ വലിയ വഴിത്തിരിവായ സിനിമ സംവിധാനം ചെയ്തത്. ഇപ്പോള്‍ വര്‍ഷങ്ങള്‍ക്ക് ശേഷമാണ് ഈ കൂട്ടുകെട്ട് വീണ്ടും പുതിയ ചിത്രവുമായി എത്തുന്നത്. രൗദ്രം രണം രുധിരം എന്നാണ് ബ്രഹ്മാണ്ഡ ചിത്രത്തിന്‌റെ യഥാര്‍ത്ഥ പേര്. രാജമൗലി ചിത്രത്തിന്‌റെതായി മുന്‍പ് പുറത്തിറങ്ങിയ ടീസറുകളെല്ലാം ആരാധകര്‍ ഏറ്റെടുത്തിരുന്നു.

    Read more about: ramcharan
    English summary
    telugu actor ramcharan covid test result positive and he quarantined at home
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X