ഇനിയും വിവാഹം കഴിക്കാത്തതിന് കാരണമുണ്ട്; കല്യാണത്തെ കുറിച്ചുള്ള ചോദ്യത്തിന് അന്യന്‍ നായിക സദ

ഇനിയും വിവാഹം കഴിക്കാത്തതെന്താണെന്നാണ് ആരാധകരടക്കം എല്ലാവരും സദയോട് ചോദിക്കുന്നത്. അതിനുള്ള ഉത്തരം മാധ്യമങ്ങളുമായി സംവദിക്കവേ നടി നല്‍കി. 'തന്റെ ജീവിതത്തിന്റെ ഉദ്ദേശം എന്ന് പറയുന്നത് സന്തോഷത്തോടെ ജീവിക്കുക എന്നതാണ്. ഒരു വ്യക്തി തനിക്കൊരു പങ്കാളിയെ ആവശ്യമുണ്ടെന്ന് തീരുമാനിക്കുന്നത് അവരുടെ ജീവിതത്തില്‍ പ്രധാനപ്പെട്ട മറ്റൊരാളെ ആശ്രയിക്കേണ്ടത് കൊണ്ടാണ്.

അതുകൊണ്ട് ആ വ്യക്തി ഒരിക്കലും അവരുടെ ജീിതത്തില്‍ സന്തോഷവാനായിരിക്കണമെന്ന് നിര്‍ബന്ധമില്ലെന്ന്' സദ പറയുന്നു. ഇനിയിപ്പോള്‍ ഞാന്‍ ഒരാളെ വിവാഹം കഴിക്കാന്‍ തീരുമാനിക്കുകയാണെങ്കില്‍ തന്നെ അദ്ദേഹം എന്നെ പോലെ വെജിറ്റേറിയന്‍ ഭക്ഷണം കഴിക്കുന്ന ആളായിരിക്കണം' എന്നും നടി കൂട്ടിച്ചേര്‍ത്തു. എന്തായാലും വിവാഹം കഴിക്കുന്നതിനോട് കാര്യമായ എതിര്‍പ്പൊന്നും സദ വ്യക്തമാക്കത്തതിനാല്‍ ചിലപ്പോള്‍ നടന്നേക്കുമെന്നും ആരാധകര്‍ പറയുന്നു.

നിലവില്‍ ടെലിവിഷന്‍ ഡാന്‍സ് റിയാലിറ്റി ഷോ കളില്‍ വിധികര്‍ത്താവായിട്ടാണ് സദയെ കൂടുതലായി കാണുന്നത്. ഹലോ വേള്‍ഡ് എന്ന പരമ്പരയിലൂടെ ഒടിടി ലോകത്തേക്കും നടി പ്രവേശിച്ചു. 2018 ല്‍ പുറത്തിറങ്ങിയ തമിഴ് ചിത്രം 'ടോര്‍ച്ച്‌ലൈറ്റ്'ലാണ് സദ അവസാനം അഭിനയിക്കുന്നത്. അതിന് ശേഷം സിനിമയില്‍ നിന്നും അവസരങ്ങള്‍ കുറഞ്ഞിട്ടാണോ നടി വേണ്ടെന്ന് വെക്കുന്നതാണോന്ന് അറിയില്ല.

തെലുങ്കിലെ ജയം എന്ന സിനിമയിലൂടെയാണ് സദ വെള്ളിത്തിരയിലേക്ക് അരങ്ങേറ്റം കുറിക്കുന്നത്. ആദ്യ സിനിമയിലൂടെ തന്നെ മികച്ച നടിയ്ക്കുള്ള ഫിലിം ഫെയര്‍ പുരസ്‌കാരം സദയെ തേടി എത്തി. അവിടുന്നിങ്ങോട്ട് കൈനിറയെ അവസരങ്ങളായിരുന്നു. 2005 ലാണ് വിക്രത്തിന്റെ നായികയായി അന്യനില്‍ അഭിനയിക്കുന്നത്. ഇതോടെ തമിഴ് സിനിമാലോകത്തം വലിയ തരംഗമായി. ഇടയ്ക്ക് മലയാളത്തില്‍ ചെറിയ റോളുകളില്‍ വന്നെങ്കിലും ശ്രദ്ധിക്കപ്പെട്ടില്ല. കന്നടത്തിലും സദ അഭിനയിച്ചിരുന്നു.

2010 ന് ശേഷമാണ് സദ സിനിമയില്‍ നിന്നും മാറി നിന്ന് തുടങ്ങുന്നത്. വര്‍ഷത്തില്‍ മൂന്നും നാലും സിനിമകള്‍ ചെയ്തിരുന്ന സദയുടെ സിനിമകളുടെ എണ്ണം കുറഞ്ഞ് വന്നു. ഇപ്പോള്‍ ടെലിവിഷന്‍ പരിപാടികളിലൂടെയും പ്രേക്ഷകരുടെ മനം കവര്‍ന്ന് കൊണ്ടിരിക്കുകയാണ് നടി.