Click it and Unblock the Notifications
3 കോടി വേണ്ടെന്നു വച്ച് പ്രിയങ്ക ഡീസന്റായി
ബോളിവുഡിലാണെങ്കില് ഇത്തരം കാര്യങ്ങള്ക്കെല്ലാം കോടികളുടെ കണക്കല്ലാതെ പറയാനില്ല. എന്നാല് ഇതില് നിന്നും അകന്ന് നിന്ന് വാര്ത്തയില് ഇടം നേടിയിരിക്കുകയാണ് ദേശീയ പുരസ്കാര ജേതാവായ നടി പ്രിയങ്ക ചോപ്ര.
സ്വന്തം പ്രതിഫലത്തിന്റെ ഇരട്ടി നല്കാമെന്ന് പറഞ്ഞിട്ടും പ്രിയങ്ക ഒരു നൃത്ത പരിപാടി വേണ്ടെന്ന് വച്ചു. ഒരു പഞ്ചനക്ഷത്ര ഹോട്ടലുകാരാണ് പുതുവര്ഷ പരിപാടിയില് നൃത്തം ചെയ്യണമെന്നാവശ്യപ്പെട്ട് പ്രിയങ്കയെ സമീപീപിച്ചത്.
മൂന്നു കോടി രൂപ ഇതിനായി നല്കാമെന്നും ഹോട്ടലുകാര് വാഗ്ദാനം നല്കി, അതു വെറും മൂന്നു മണിക്കൂര് നേരത്തേയ്ക്ക്. എന്നാല് നോ പറയാന് പ്രിയങ്കയ്ക്ക ഒട്ടും ആലോചിക്കേണ്ടിവന്നില്ല. സിനിമയ്ക്കു വേണ്ടിയല്ലാതെ ഇത്തരം കാര്യങ്ങള് ചെയ്യില്ലെന്നാണ് പ്രിയങ്കയുടെ തീരുമാനം.
ഇതിന് പിന്നാലെയാണ് ഇപ്പോള് പ്രിയങ്കയും വലിയൊരു ഓഫര് വേണ്ടെന്ന് വച്ചിരിക്കുന്നത്. എന്നാല് ഇതിനിടെ മറ്റു നടിമാരായ മല്ലിക ഷെരാവത്ത്, ബിപാഷ ബസു എന്നുവര് പുതുവര്ഷ പരിപാടികള്ക്കായി കരാറിലേര്പ്പെട്ടകഴിഞ്ഞു.
2010 പിറക്കുമ്പോള് ഒരു പഞ്ചനക്ഷത്രഹോട്ടലിലെ പുതുവര്ഷ പരിപാടിയില് അല്പവസ്ത്രം ധരിച്ച് നൃത്തം ചെയ്ത മല്ലികാ ഷെരാവത്തിനെതിരെ കോടതി കേസെടുക്കുന്നതുവരെ കാര്യങ്ങള് പോയിരുന്നു. ഇനി ഇവര്ക്കെല്ലാം 2011 പിറക്കുന്നതെങ്ങനെയാവുമെന്ന് കണ്ടുതന്നെ അറിയണം.
Continue with Google