ബുദ്ധിയും പണിയുമില്ലെന്ന് പരിഹാസം; വായടപ്പിച്ച് അഭിഷേക് ബച്ചന്റെ മറുപടി; അത് കലക്കിയെന്ന് ആരാധകര്‍!

അത്തരത്തില്‍ തന്നെ പരിഹസിച്ചയാള്‍ക്ക് അഭിഷേക് ബച്ചന്‍ നല്‍കിയ മറുപടി ഇപ്പോള്‍ സോഷ്യല്‍ മീഡിയയുടെ ശ്രദ്ധ നേടുകയാണ്. കഴിഞ്ഞ ദിവസം ഒരു ജേര്‍ണലിസ്റ്റിന്റെ ട്വീറ്റിന് അഭിഷേക് മറുപടി നല്‍കിയുരുന്നു. അതിന് ആരാണ് ഇപ്പോള്‍ പത്രം വായിക്കുന്നത് എന്നായിരുന്നു അഭിഷേകിന്റെ മറുപടി. ഇതിന് ഒരു ട്രോള്‍ പ്രതികരണവുമായി എത്തുകയായിരുന്നു. '' ബുദ്ധിയുള്ളവര്‍ വായിക്കും. നിങ്ങളെ പോലെ പണിയില്ലാത്തവരല്ല'' എന്നായിരുന്നു അയാളുടെ പരിഹാസം.

പിന്നാലെ അഭിഷേക് ബച്ചന്‍ മറുപടിയുമായി എത്തുകയായിരുന്നു. '' ഓ ഐ സീ! അറിവിന് നന്ദി. പിന്നെ, അറിവും തൊഴിലും തമ്മില്‍ നല്ല ബന്ധമൊന്നുമില്ല. ഉദാഹരണത്തിന് നിങ്ങളെ തന്നെ നോക്കൂ. എനിക്കുറപ്പാണ് നിങ്ങള്‍ക്ക് ജോലിയുണ്ടെന്ന്. അതുപോലെ തന്നെ എനിക്കുറപ്പാണ് (നിങ്ങളുടെ ട്വീറ്റില്‍ നിന്നും മനസിലാകുന്നത്) നിങ്ങള്‍ക്ക് ബുദ്ധിയില്ല'' എന്നായിരുന്നു അഭിഷേക് ബച്ചന്‍ നല്‍കിയ മറുപടി.

പിന്നാലെ നിരവധി പേരാണ് അഭിഷേക് ബച്ചന്റെ മറുപടിയ്ക്ക് കയ്യടിയുമായി എത്തിയിരിക്കുന്നത്. ഇതാദ്യമായിട്ടല്ല അഭിഷേക് ബച്ചന്‍ തന്നെ പരിഹാസിക്കാന്‍ വരുന്നവര്‍ക്ക് മറുപടി നല്‍കിയിരിക്കുന്നത്. മുമ്പും തന്നെ കളിയാക്കാന്‍ വരുന്നവര്‍ക്ക് അഭിഷേക് ബച്ചന്‍ അതേ നാണയത്തില്‍ മറുപടി നല്‍കിയിട്ടുണ്ട്. കഴിഞ്ഞ ദിവസം മനീഷ് മല്‍ഹോത്രയുടെ ദീപാവലി പാര്‍ട്ടിയ്ക്ക് അഭിഷേകും ഐശ്വര്യയും ഒരുമിച്ചെത്തിയിരുന്നു. ഇതിന്റെ വീഡിയോ സോഷ്യല്‍ മീഡിയയില്‍ വൈറലായി മാറിയിരുന്നു.

ദസ്വിയാണ് അഭിഷേകിന്റെ ഒടുവില്‍ പുറത്തിറങ്ങിയ സിനിമ. യാമി ഗൗതമായിരുന്നു ചിത്രത്തിലെ നായിക. നിരവധി സിനിമകളാണ് അഭിഷേക് ബച്ചന്റേതായി പുറത്തിറങ്ങാനുള്ളത്. തമിഴ് ചിത്രമായ ഒത്ത സെരുപ്പ് സൈസ് ഏഴിന്റെ ഹിന്ദി റീമേക്കിലാണ് അഭിഷേക് ബച്ചന്‍ ഇപ്പോള്‍ അഭിനയിച്ചു കൊണ്ടിരിക്കുന്നത്. നേരത്തെ അയ്യപ്പനും കോശിയും ഹിന്ദിയിലേക്ക് ററീമേക്ക് ചെയ്യുമ്പോള്‍ ഒരു കേന്ദ്ര കഥാപാത്രത്തെ അഭിഷേക് അവതരിപ്പിക്കുമെന്ന് റിപ്പോര്‍ട്ടുകളുണ്ടായിരുന്നു. എന്നാല്‍ താരം ചിത്രത്തില്‍ നിന്നും പിന്മാറുകയായിരുന്നു.

അതേമസമയം നീണ്ടൊരു ഇടവേളയ്ക്ക് ശേഷം ഐശ്വര്യ റായ് ബിഗ് സ്‌ക്രീനിലേക്ക് മടങ്ങിയെത്തിയിരുന്നു. മണിരത്‌നം ഒരുക്കിയ പൊന്നിയിന്‍ സെല്‍വനിലൂടെയാണ് ഐശ്വര്യയുടെ തിരിച്ചുവരവ്. വന്‍താരനിര അണിനിരന്ന ബ്രഹ്‌മാണ്ഡ സിനിമ വന്‍ വിജയമായി മാറുകയും ചെയ്തിരുന്നു.