ആരാധ്യയ്ക്കും നവ്യ നവേലിക്കുമൊപ്പം പുതുവര്‍ഷം ആഘോഷിച്ച് ബിഗ് ബി, ചിത്രങ്ങള്‍ വൈറല്‍!

കൊച്ചുമക്കളോടൊപ്പം പുതുവര്‍ഷം ആഘോഷിച്ചു

ബോളിവുഡിലെ നമ്പര്‍ വണ്‍ സെലിബ്രിറ്റി കുടുംബമായ ബച്ചന്‍ കുടുംബത്തിന്റെ ഇത്തവണത്തെ പുതുവര്‍ഷാഘോഷം വീട്ടില്‍ വെച്ച് തന്നെയായിരുന്നു. യാത്രയൊന്നും പ്ലാന്‍ ചെയ്യാതെ വീട്ടില്‍ തന്നെ തുടരാനായിരുന്നു ബിഗ്ബി തീരുമാനിച്ചത്.

സകുടുംബം ആഘോഷിച്ചു

ഭാര്യയുണ്ടാക്കിയ വിഭവ സമൃദ്ധമായ ഭക്ഷണം കുടുബാംഗങ്ങള്‍ക്കൊപ്പമിരുന്ന് കഴിക്കുന്നതിലാണ് തന്റെ സന്തോഷമെന്ന് അദ്ദേഹം ട്വിറ്ററില്‍ കുറിച്ചിട്ടുണ്ട്. കൊച്ചുമക്കളുടെ മുഖത്ത് വിരിയുന്ന പുഞ്ചിരിയും തന്നെ സന്തോഷിപ്പിക്കാറുണ്ടെന്ന് അദ്ദേഹം കുറിച്ചിട്ടുണ്ട്.

ആരാധ്യയ്‌ക്കൊപ്പമുള്ള ഫോട്ടോ

സ്വന്തം ഹെയര്‍ബാന്‍ഡ് ദാദയുടെ തലയില്‍ വെച്ച സന്തോഷിക്കുകയാണ് ആരാധ്യ. കുസൃതിക്കുടുക്കയായ ആരാധ്യയ്‌ക്കൊപ്പം ബിഗ്ബി. ചിത്രം കാണൂ.

ആരാധ്യയുടെ സമ്മാനം

കുടുംബത്തിലെ ഓരോരുത്തര്‍ക്കും കുഞ്ഞ് ആരാധ്യ സമ്മാനം നല്‍കിയിരുന്നു. അവള്‍ തന്നെ ഡിസൈന്‍ ചെയ്ത കാര്‍ഡിനോടൊപ്പമാണ് സമ്മാനം നല്‍കിയത്. അത് തുറന്നതിന് ശേഷം അഭിപ്രായം അറിയിക്കാനും അവള്‍ ആവശ്യപ്പെട്ടിരുന്നുവെന്ന് ബിഗ്ബി കുറിച്ചിട്ടുണ്ട്.

ക്യൂട്ട് ചിത്രം

അമിതാഭ് ബച്ചനൊപ്പം നില്‍ക്കുന്ന ആരാധ്യയുടെ ഈ ചിത്രം സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്. ട്വിറ്ററിലൂടെ ബച്ചന്‍ തന്നെയാണ് ചിത്രങ്ങള്‍ പുറത്തുവിട്ടത്.

ഭാര്യയ്‌ക്കൊപ്പമുള്ള ചിത്രം

ദിവസങ്ങള്‍ക്ക് മുന്‍പ് അമിതാഭ് ബച്ചന്‍ സോഷ്യല്‍ മീഡിയയിലൂടെ പങ്കുവെച്ച ചിത്രമാണിത്. രാവിലത്തെ പത്രവായനക്കിടയില്‍ ബച്ചനരികിലിരിക്കുന്ന ജയ ബച്ചന്റെ ക്യൂട്ട് ചിത്രമായിരുന്നു അദ്ദേഹം പങ്കുവെച്ചത്.