ആലിയയ്ക്ക് വേണ്ടി തന്നെ വെട്ടിയെന്ന് കൃതി; ദീപികയെ കെട്ടിയ രണ്‍വീറിനോട് അസൂയയെന്ന് ടൈഗര്‍!

കോഫി വിത്ത് കരണിന്റെ പുതിയ എപ്പിസോഡില്‍ അതിഥികളായി എത്തുന്നത് കൃതി സനോണും ടൈഗര്‍ ഷ്രോഫുമാണ്. കൃതിയുടെയും ടൈഗറിന്റേയും ബോളിവുഡ് അരങ്ങേറ്റ സിനിമ ഹീറോപന്തിയായിരുന്നു. ഈ ജോഡി തങ്ങളുടെ പുതിയ സിനിമയായ ഗണ്‍പതിലൂടെ വീണ്ടും ഒരുമിക്കുകയാണ്. ഇതിന് മുന്നോടിയായിട്ടാണ് ഇരുവരും ഒരുമിച്ച് കോഫി വിത്ത് കരണിലെത്തുന്നത്. പുതിയ എപ്പിസോഡിന്റെ പ്രൊമോ വീഡിയോ സോഷ്യല്‍ മീഡിയയുടെ ശ്രദ്ധ നേടുകയാണ്. വിശദമായി വായിക്കാം തുടര്‍ന്ന്.

പ്രൊമോ വീഡിയോയില്‍ കൃതിയോട് റിജക്ഷനുകളെക്കുറിച്ച് കരണ്‍ ചോദിക്കുന്നുണ്ട്. ഇതിന് കൃതി നല്‍കുന്ന മറുപടി തന്നെ ഒഴിവാക്കിയത് സ്റ്റുഡന്റ് ഓഫ് ദ ഇയറില്‍ നിന്നുമാണെന്നാണ്. കരണ്‍ ജോഹറിന്റെ സിനിമയാണിത്. ആലിയ ഭട്ടിന്റേയും വരുണ്‍ ധവാന്റേയും സിദ്ധാര്‍ത്ഥ് മല്‍ഹോത്രയുടേയും അരങ്ങേറ്റ സിനിമയായിരുന്നു ഇത്. ചിത്രത്തിന്റെ രണ്ടാം ഭാഗത്തില്‍ ടൈഗര്‍ ആയിരുന്നു മറുപടി. തന്റെ സിനിമയുടെ ഓഡിഷനില്‍ പങ്കെടുത്ത കൃതിയെ ഒഴിവാക്കിയിരുന്നുവെന്ന അറിവ് കരണിനെ ഞെട്ടിക്കുന്നത്. ഇത് കേട്ട് ചിരിക്കുകയാണ് ടൈഗര്‍.

പിന്നാലെ കൃതി താന്‍ ടൈറിനെ ഡേറ്റ് ചെയ്യില്ലെന്നും കാരണം അവന്‍ ഒരുപാട് ഫ്‌ളിപ്പ് ചെയ്യുമെന്നുമാണ് പറയുന്നത്. തന്റെ പാട്ടുകളും ആക്ഷന്‍ രംഗങ്ങളിലുമെല്ലാം സ്ഥിരമായി ഫ്‌ളിപ്പ് ചെയ്യുന്ന ശീലമുണ്ട് ടൈഗറിന്. ഇതായിരുന്നു കൃതി ചൂണ്ടിക്കാണിച്ചത്. പിന്നാലെ തനിക്ക് അസൂയ തോന്നുന്ന താരം ആരെന്ന ചോദ്യത്തിന് ടൈഗര്‍ ഷ്രോഫ് മറുപടി നല്‍കുന്നുണ്ട്. രണ്‍വീര്‍ സിംഗ് എന്നായിരുന്നു ടൈഗര്‍ പറഞ്ഞത്. കാരണം അദ്ദേഹത്തിന്റെ ഭാര്യ ദീപിക പദുക്കോണ്‍ ആണെന്നും അവര്‍ ഒരുപാട് കഴിവുള്ള നടിയാണെന്നും ടൈഗര്‍ പറയുന്നത്. പിന്നാലെ അവര്‍ സുന്ദരിയാണെന്നും ടൈഗര്‍ കൂട്ടിച്ചേര്‍ക്കുന്നുണ്ട്.

അതേസമയം താന്‍ ഒരിക്കലും കൃതിയോട് പ്രണയാര്‍ഭ്യര്‍ത്ഥന നടത്തിയിട്ടില്ലെന്നും കാരണം അപ്പോള്‍ കൃതി മറ്റൊരു ബന്ധത്തിലായിരുന്നുവെന്നുമാണ് കരണ്‍ പറയുന്നത്. കൃതി നിലവില്‍ പ്രണയത്തിലാണെന്നാണ് റിപ്പോര്‍ട്ടുകള്‍ പറയുന്നത്. ഗായകനുമായിട്ടാണ് കൃതി പ്രണയത്തിലായിരിക്കുന്നതെന്ന് റിപ്പോര്‍ട്ടുകള്‍ പറയുന്നു. എന്നാല്‍ വാര്‍ത്തകളോട് കൃതി ഇതുവരേയും പ്രതികരിച്ചിട്ടില്ല. ഇതിനിടെ നടന്‍ കാര്‍ത്തിക് ആര്യനുമായി കൃതി പ്രണയത്തിലാണെന്നും റിപ്പോര്‍ട്ടുകളുണ്ടായിരുന്നു.

നേരത്തെ ടൈഗര്‍ നായകനായി എത്തിയ ഹീറോപന്തി ടുവില്‍ അതിഥി വേഷത്തില്‍ കൃതി എത്തിയിരുന്നു. ബച്ചന്‍ പാണ്ഡെയാണ് കൃതിയുടെ ഒടുവില്‍ പുറത്തിറങ്ങിയ സിനിമ. മിമിയിലെ പ്രകടനത്തിലൂടെ കയ്യടി നേടാന്‍ സാധിച്ചിരുന്നു കൃതിയ്ക്ക്. പ്രഭാസിനൊപ്പം അഭിനയിക്കുന്ന ആദിപുരുഷ് ആണ് കൃതിയുടെ പുതിയ സിനിമ. പിന്നാലെ കാര്‍ത്തിക് ആര്യനൊപ്പം അഭിനയിക്കുന്ന ഷെഹ്‌സാദയും അണിയറയിലുണ്ട്. കൃതി നായികയായി എത്തുന്ന ഗണ്‍പത്, രശ്മിക മന്ദാനയ്‌ക്കൊപ്പം അഭിനയിക്കുന്ന സ്‌ക്രൂ ഡീല എന്നിവയാണ് ടൈഗറിന്റെ പുതിയ സിനിമകള്‍.