ഞാന്‍ ഇട്ടിട്ട് വന്നതില്‍ പിന്നെ എത്ര കാമുകിമാരുണ്ടെന്ന് അറിയില്ല, എന്നെ വഞ്ചിച്ചു; സല്‍മാന്റെ മുന്‍കാമുകി

''സല്‍മാന്‍ ഖാന്‍ അദ്ദേഹത്തിന്റെ നിര്‍മാണ കമ്പനി തുടങ്ങിയതേയുള്ളൂ. അദ്ദേഹത്തിന്റെ നായികയായി അഭിനയിക്കാനുള്ള നടിയെ തേടുകയായിരുന്നു. ബുലന്ദ് എന്നായിരുന്നു സിനിമയുടെ പേര്. ഞങ്ങള്‍ കാട്മണ്ഡുവില്‍ പോയതായിരുന്നു ചിത്രീകരണത്തിന് വേണ്ടി. നിര്‍ഭാഗ്യവശാല്‍, ഞാന്‍ ചെറുപ്പവും സിനിമാരംഗത്ത് പുതിയതുമായിരുന്നു, നിര്‍മ്മാതാക്കളില്‍ ചിലരുമായി പ്രശ്‌നമുണ്ടായി. സിനിമ നിന്നു പോയി. ഞങ്ങളുടെ ബന്ധത്തിന്‌റെ മെറ്റഫര്‍ ആണ് ആ സിനിമ'' സോമി പറയുന്നു.

അതേസമയം താനും സല്‍മാനും തമ്മില്‍ സംസാരിച്ചിട്ട് തന്നെ അഞ്ച് വര്‍ഷമായെന്നും താരം പറയുന്നു. ''അഞ്ച് വര്‍ഷമായി സല്‍മാനുമായി സംസാരിച്ചിട്ട്. മൂവ് ഓണ്‍ ചെയ്യുന്നത് നല്ലതാണെന്ന് തോന്നുന്നു. ഞാനും അവനും ജീവിതത്തില്‍ മുന്നോട്ട് പോന്നു. ഞാന്‍ വിട്ടു പോന്നതിന് ശേഷം അവന് എത്ര കാമുകിമാര്‍ ഉണ്ടായിട്ടുണ്ടെന്ന് പോലും അറിയില്ല. 1999 ഡിസംബറിലായിരുന്നു അത്. അവന് എല്ലാ നന്മയും നേരുന്നു. അവന്റെ എന്‍ജിഒയുടെ പ്രവര്‍ത്തനം നല്ല നിലയില്‍ നടക്കുന്നതായി അറിയുന്നു. അതില്‍ ഞാന്‍ അഭിമാനിക്കുന്നു'' സോമി പറയുന്നു.

സൈക്കോളജിക്കലി, അവനുമായി ടച്ചില്ലാതെ ഇരിക്കുന്നതാണ് എനിക്ക് നല്ലത്. അവന്‍ നല്ല നിലയിലാണെന്നും സന്തോഷവാനാണെന്നും അറിയുന്നതില്‍ സന്തോഷം. അതാണ് എനിക്കും അറിയേണ്ടതെന്നും സോമി പറഞ്ഞു. സോമി അലിയും സല്‍മാന്‍ ഖാനും എട്ട് വര്‍ഷത്തോളം പ്രണയിച്ചിരുന്നു. പിന്നീടാണ് ഇരുവരും പിരിയുന്നത്. സല്‍മാന്‍ ഖാന്‍ തന്നോട് വിശ്വസ വഞ്ചന കാണിച്ചുവെന്നും വഞ്ചിച്ചുവെന്നുമായിരുന്നു പിരിയാനുള്ള കാരണത്തെക്കുറിച്ച് ഒരു അഭിമുഖത്തില്‍ സോമി അലി വെളിപ്പെടുത്തിയത്.

Recommended Video

Salman Khan to donate Rs 1,500 to 25,000 film industry workers amid the second wave of COVID-19

ബുലന്ദ് പൂര്‍ത്തിയായില്ലെങ്കിലും രണ്ട് വര്‍ഷത്തിന് ശേഷം 1994 ല്‍ പുറത്തിറങ്ങിയ അന്ത് എന്ന ചിത്രത്തിലൂടെ സോമി അരങ്ങേറി. പിന്നീട് നിരവധി സിനിമകളില്‍ അഭിനയിച്ചു. 1997 ല്‍ പുറത്തിറങ്ങിയ ചുപ്പ് ആണ് അവസാന സിനിമ. പാക്കിസ്ഥാന്‍ സ്വദേശിയായ സോമി അലി ഫ്‌ളോറിഡയിലാണ് സ്ഥിരതാമസമാക്കിയിരിക്കുന്നത്. ഇപ്പോള്‍ നോ മോര്‍ ടിയേഴ്‌സ് എന്ന എന്‍ജിഒയുടെ പ്രവര്‍ത്തനങ്ങളുമായി മുന്നോട്ട് പോവുകയാണ്. വളരെ പ്രശസ്തമായ എന്‍ജിഒയാണ് സോമിയുടേത്.