സുഹാസിനി മണിരത്നം

ജീവചരിത്രം:  പ്രശസ്ത തമിഴ് ചലച്ചിത്രനടിയാണ് സുഹാസിനി.1961 ഓഗസ്ത് 15ന് ചെന്നൈയില്‍ ജനിച്ചു.തമിഴ് ചലച്ചിത്രനടന്‍ ചാരുഹാസന്റെ മകളാണ്.അഭിനയത്തിനുപുറമെ ഛായാഗ്രഹക കൂടിയാണ് സുഹാസിനി.മദ്രാസ് ഫിലിം ഇന്‍സ്റ്റ്യൂട്ടില്‍നിന്നുമാണ് ഛായാഗ്രഹണം പഠിച്ചത്.1983ല്‍ പത്മരാജന്‍ സംവിധാനം ചെയ്ത കൂടെവിടെ എന്ന ചിത്രത്തിലാണ് ആദ്യമായി അഭിനയിച്ചത്. 1999ല്‍ വാനപ്രസ്ഥം എന്ന സിനിമയില്‍ മോഹന്‍ലാലിനൊപ്പം അഭിനയിച്ചത് വളരെയധികം പ്രേക്ഷകശ്രദ്ധ നേടിയിരുന്നു.1996ല്‍ ഇന്ദിര എന്ന ചിത്രം സംവിധാനം ചെയ്തു.1986ല്‍  സിന്ധു ഭൈരവി എന്ന സിനിമയിലെ വേഷത്തിന് മികച്ച നടിക്കുള്ള ദേശീയപുരസ്‌ക്കാരം ലഭിച്ചിട്ടുണ്ട്. തമിഴ് കൂടാതെ തെലുങ്ക്, കന്നട, മലയാളം, എന്നീ ഭാഷകളിലും അഭിനയിച്ചിട്ടുണ്ട്.പ്രമുഖ തമിഴ് സംവിധായകനായ മണിരത്‌നത്തെയാണ് വിവാഹം ചെയ്യ്തിരിക്കുന്നത്.ഭര്‍ത്താവുമായി ചേര്‍ന്ന മദ്രാസ് ടാക്കീസ് എന്ന പേരില്‍  ചലച്ചിത്രനിര്‍മ്മാണ സ്ഥാപനവും നടത്തുന്നുണ്ട്.