ഉണ്ണി പ്രണവം

ജീവചരിത്രം:  മലയാള ചലച്ചിത്ര സംവിധായകനാണ് ഉണ്ണി പ്രണവം.  ശിവപുരം, ഹദിയ എന്നിവയാണ് സംവിധാനം ചെയ്യ്ത ചിത്രങ്ങള്‍. നിഷാന്‍, രാഗിണി നന്ദ്‌വാനി, ലിയോണ, എന്നിവര്‍ കേന്ദ്രകഥാപാത്രങ്ങളായി എത്തിയ ചിത്രമാണ് ഹദിയ. പിപി അബ്ദുള്‍ റസാഖിന്റെ തിരക്കഥയില്‍ കുടുംബകഥയാണ് ചിത്രം അവതരിപ്പിച്ചത്.  2012ല്‍ പുറത്തിറങ്ങിയ മാറ്റിനി എന്ന ചിത്രത്തിന് ശേഷം കാവ്യ മാധവന്‍  വീണ്ടും ഗായികയായ ചിത്രം കൂടിയാണിത്. അയ്യോബ് കച്ചേരിയാണ് ചിത്രം നിര്‍മ്മിച്ചിരിക്കുന്നത്. 2016ല്‍ പ്രദര്‍ശനത്തിനെത്തിയ ശിവപുരം എന്ന ചിത്രത്തില്‍ ബാല, കലാശാല ബാബു, ജഗദീഷ് എന്നിവരായിരുന്നു പ്രധാന അഭിനേതാക്കള്‍. കെ അനില്‍ തിരക്കഥ രചിച്ച ചിത്രം യുണൈറ്റഡ് ഫിലിംസിന്റെ ബാനറിലാണ് പ്രദര്‍ശനത്തിനെത്തിയത്.