പുതിയ സൈക്കിള്‍ കാണാനില്ല; അര്‍ജുന്റെ മറുപടി കേട്ട് കണ്ണ് നിറഞ്ഞ് അവനെ കെട്ടിപ്പിടിച്ചു: ഹരിശ്രീ അശോകന്‍

''ഞാന്‍ തടസം പറയുമോ എന്ന് പേടിച്ചാണ് അവന്‍ അത് പറയാതിരുന്നത്. അത് കേട്ടപ്പോള്‍ എന്റെ കണ്ണുനിറഞ്ഞു. ഞാന്‍ അവനെ കെട്ടിപ്പിടിച്ചു. മകനെ കുറിച്ച് എനിക്ക് അഭിമാനം തോന്നി. ഈ അടുത്ത കാലത്ത് എന്റെ മകള്‍ക്കും മരുമകനും ഗള്‍ഫിലെ ഒരു ലോട്ടറി അടിച്ചു. ഞാന്‍ പറഞ്ഞു അതില്‍ ഒരു കോടി രൂപ ബുദ്ധിമുട്ടുള്ളവര്‍ക്ക് കൊടുത്താല്‍ നന്നായി. ഞങ്ങളുടെ കുടുംബത്തില്‍ തന്നെ ധാരാളം പേരുണ്ട് സഹായിക്കേണ്ടതായി'' എന്നാണ് ഹരിശ്രീ അശോകന്‍ പറയുന്നത്. വീട്ടിലിരിക്കുമ്പോള്‍ മക്കളോട് ഇംഗ്ലീഷില്‍ സംസാരിക്കാന്‍ പറയാറുണ്ടെന്നതിനെക്കുറിച്ചും ഹരിശ്രീ അശോകന്‍ മനസ് തുറന്നു.

കേട്ടത് ശരിയാണ്. പത്താം ക്ലാസില്‍ ഞാന്‍ പഠനം നിര്‍ത്തിയത് പഠിക്കാന്‍ മോശമായിരുന്നത് കൊണ്ടല്ല. സാഹചര്യം അങ്ങനെയായിരുന്നു. മക്കള്‍ പല ഭാഷ പഠിക്കുന്നതും അറിവു നേടുന്നതും സന്തോഷമുള്ള കാര്യമാണ്. ഇടയ്ക്ക് ഞാന്‍ മക്കളോട് പറയും നിങ്ങള്‍ ഇത്തിരി നേരം ഇംഗ്ലീഷില്‍ സംസാരിക്ക് അച്ഛന്‍ കേള്‍ക്കട്ടെയെന്ന്. അവര്‍ സംസാരിക്കും. ഞാന്‍ കേട്ടിരിക്കും. എന്നാണ് ഹരിശ്രീ അശോകന്‍ പറയുന്നത്. രാഷ്ട്രീയ പ്രവേശനമുണ്ടാകുമോ എന്ന ചോദ്യത്തിനും അദ്ദേഹം മറുപടി നല്‍കുന്നുണ്ട്.

കുട്ടിക്കാലത്ത് ഞാന്‍ കമ്യൂണിസ്റ്റ് പാര്‍ട്ടിക്ക് വേണ്ടി പോസ്റ്റര്‍ ഒട്ടിക്കാന്‍ പോയിട്ടുണ്ട്. പശപ്പാത്രം ചുമക്കലാണ് പ്രധാന പണി. അത് പാര്‍ട്ടിയോടുള്ള വിശ്വാസം കൊണ്ടായിരുന്നുവെന്ന് പറഞ്ഞാല്‍ അത് നുണയാകും. വിശപ്പ് സഹിക്കാന്‍് വയ്യാത്ത കൊണ്ടായിരുന്നു. പോസ്റ്റര്‍ ഒട്ടിച്ചു കഴിഞ്ഞാല്‍ വയറു നിറയെ കപ്പ പുഴുങ്ങിയതും കട്ടന്‍ ചായയും കിട്ടും. എന്നെ പോലെ കപ്പ പുഴുങ്ങിയതിന് വേണ്ടി മാത്രം പശപ്പാത്രം ചുമക്കുന്നവര്‍ ഇന്നും കാണും. കാരണം പട്ടിണിക്കാര്‍ക്ക് ഇന്നും കുറവ് ഇല്ലല്ലോ. അവര്‍ കുറയാനും പാടില്ലല്ലോ. എങ്കിലേ പോസ്റ്റര്‍ ഒട്ടിക്കാന്‍ ധാരാളം ആളുകളുണ്ടാകൂ. എല്ലാ പാര്‍ട്ടിയിലും നല്ലവരുണ്ട്. എല്ലാ പാര്‍ട്ടിയിലും മോശക്കാരുമുണ്ട്. എന്നായിരുന്നു ഹരിശ്രീ അശോകന്‍ പറഞ്ഞത്.

Recommended Video

നയൻതാരയെ ചെറുപ്പത്തിൽ വിളിച്ച് പറ്റിച്ച കഥ പറഞ്ഞ് Dhyan Sreenivasan | FilmiBeat Malayalam

മിന്നല്‍ മുരളിയിലാണ് ഹരിശ്രീ അശോകനെ അവസാനമായി സ്‌ക്രീനില്‍ കണ്ടത്. മകന്‍ അര്‍ജുന്‍ അശോകനൊപ്പം അഭിനയിക്കുന്ന സിനിമയുടെ ചര്‍ച്ചകള്‍ നടക്കുന്നതായാണ് അദ്ദേഹം പറയുന്നത്. എന്നാല്‍ അച്ഛനും മകനും ആയിട്ടാണോ അതോ അപ്പൂപ്പനും ചെറുമകനും ആയിട്ടാണോ എന്നൊന്നും പറയാറായിട്ടില്ലെന്നും അദ്ദേഹം പറയുന്നു.