ആദ്യമായി ചാന്‍സ് ചോദിച്ചത് മുരളി ഗോപിയോട്; അദ്ദേഹത്തിന്റെ മറുപടി വെളിപ്പെടുത്തി അശ്വത്ത് ലാല്‍

ചെമ്പഴന്തി എസ്.എന്‍ കോളേജിലാണ് ഞാന്‍ പഠിച്ചത്. ഞങ്ങളുടെ എച്ച്.ഒ.ഡിയുടെ സുഹൃത്താണ് മുരളി ഗോപി എന്നാണ് അശ്വത്ത് പറയന്നത്. കോളേജില്‍ ഒരു മീഡിയ ക്ലബ്ബിന്റെ ഉദ്ഘാടനവുമായിബന്ധപ്പെട്ട് മുരളി ഗോപി കോളേജില്‍ വന്നപ്പോഴായിരുന്നു താന്‍ ചാന്‍സ് ചോദിച്ചതെന്നാണ് അശ്വത്ത് പറയുന്നത്. ഞാന്‍ അന്ന് ഡിഗ്രി രണ്ടാം വര്‍ഷം പഠിക്കുകയാണ്. അദ്ദേഹം ഉദ്ഘാടനമൊക്കെ കഴിഞ്ഞ് തിരിച്ച് ഇറങ്ങിപ്പോകുന്ന സമയത്ത് ഞാന്‍ അദ്ദേഹത്തിന്റെ അടുത്ത് എത്തി. സര്‍ എന്റെ പേര് അശ്വത്ത് എന്നാണ്. എനിക്ക് സിനിമയില്‍ അഭിനയിക്കണമെന്നൊക്കെ ആഗ്രഹമുണ്ട്. എനിക്ക് ഒരു ചാന്‍സ് തരാമോ എന്ന് ചോദിക്കുകയായിരുന്നുവെന്നാണ് അശ്വത്ത് പറയുന്നത്. തന്റെ ചോദ്യത്തിന് മുരളി ഗോപി നല്‍കിയ മറുപടിയും അശ്വത്ത് പങ്കുവെക്കുന്നുണ്ട്. 'ഇപ്പോള്‍ എന്തു ചെയ്യുന്നു എന്നായി പുള്ളി, പഠിക്കുന്നു എന്ന് ഞാന്‍. ആ എന്നാല്‍ ആദ്യം പഠിക്ക് , പഠിച്ചൊക്കെ കഴിഞ്ഞിട്ട് നോക്കാം എന്ന് പറഞ്ഞു. ദേഷ്യത്തിലൊന്നുമല്ല പറഞ്ഞത്. അത് പറഞ്ഞ ശേഷം അദ്ദേഹം നടന്നുപോയി. എന്നാണ് അശ്വത്ത് ഓര്‍ക്കുന്നത്.

പിന്നീട് താന്‍ അദ്ദേഹത്തെ കണ്ടിട്ടില്ലെന്നാണ് അശ്വത്ത് പറയുന്നത്. എന്നാല്‍ അദ്ദേഹത്തെ എന്നെങ്കിലും കാണണമെന്ന് ആഗ്രഹമുണ്ടെന്നും താരം പറയുന്നു. സിനിമയില്‍ എത്തുക എന്നതായിരുന്നു എന്നും തന്റെ ആഗ്രഹം. എന്നാല്‍ സിനിമയെ കുറിച്ച് പറഞ്ഞുതരാനൊന്നും ആരും ഉണ്ടായിരുന്നില്ലെന്നും എങ്കിലും ഇവിടെ എത്തണമെന്ന് അതിയായ ആഗ്രഹമുണ്ടായിരുന്നു എന്നുമാണ് അശ്വത്ത് പറയുന്നത്. അങ്ങനെയൊരു യാത്രയായിരുന്നു. അത് ഇവിടെ എത്തി. ഹൃദയത്തിന് മുമ്പ് ആഹയിലെ അശ്വത്തിന്‌റെ പ്രകടനവും കയ്യടി നേടിയിരുന്നു. തന്റെ സ്വപ്‌നത്തിലൂടെയാണ് അശ്വത്ത് ഇപ്പോള്‍ കടന്നു പോകുന്നത്.

Bro Daddy Real Review | കണ്ടിരിക്കാൻ പോലും പറ്റില്ലേ ബ്രോ ഡാഡി ? | FilmiBeat Malayalam

ചെയ്യുന്ന ജോലിയില്‍ കമിറ്റ്മെന്റോടെ നില്‍ക്കുക, കുറച്ച് കാര്യങ്ങള്‍ പഠിക്കുക അതൊക്കെയാണ് ഇപ്പോള്‍ തന്റെ ആലോചന എന്നാണ് താരം പറയുന്നത്. സിനിയമിലേക്ക് എത്തിപ്പെടണമെന്ന് ആഗ്രഹിച്ചപ്പോള്‍ മറ്റൊരു പ്ലാനും മനസിലുണ്ടായിരുന്നില്ലെന്നും എന്തായാലും എത്തുമെന്ന് ഉറപ്പായിരുന്നുവെന്നും അശ്വത്ത് പറയുന്നു. ആ ഉറപ്പ് കാലം ശരിവെക്കുകയും ചെയ്തിരിക്കുകയാണ്. തന്നെ പോലെ തന്നെ ചിന്തിച്ചിരുന്ന കുറേ സുഹൃത്തുക്കള്‍ എനിക്ക് ഉണ്ടായിരുന്നുവെന്നും ഓഡീഷന് അയക്കാനും മറ്റും നിര്‍ബന്ധിക്കുന്നത് അവരായിരുന്നുവെന്നും അശ്വത്ത് പറയുന്നു. ഹൃദയത്തില്‍ പ്രണവിനൊപ്പമുള്ള ഷൂട്ടിങ് അനുഭവമെല്ലാം വളരെ നല്ലതായിരുന്നെന്നും എന്‍ജോയ് ചെയ്താണ് ഷൂട്ടിങ് പൂര്‍ത്തിയാക്കിയതെന്നും അശ്വത്ത് കൂട്ടിച്ചേര്‍ക്കുന്നു.