സിനിമയിൽ നിന്ന് മാറി നിൽക്കാൻ കാരണമുണ്ടായിരുന്നു! വന്നപ്പോൾ ആകെ മാറി, തുറന്ന് പറഞ്ഞ് പ്രേംകുമാർ

മലയാളത്തിലെ ഹിറ്റ് കൂട്ട്ക്കെട്ടായിരുന്നു ജയറാം- പ്രേം കുമാർ ജോഡി. രാജസേനൻ സംവിധനം ചെയ്ത മിന്നുകെട്ട് എന്ന ചിത്രത്തിലായിരുന്നു തങ്ങൾ ആദ്യമായി ഒന്നിച്ചെത്തുന്നത്. പിന്നീട് അനിയൻബാവ ചേട്ടൻബാവ, ആദ്യത്തെ കൺമണി തുടങ്ങിയ നിരവധി ചിത്രങ്ങളിൽ ഒരുമിച്ചഭിനയിച്ചിട്ടുണ്ട്. ഞങ്ങൾ ഒന്നിച്ചെത്തിയ ചിത്രങ്ങളെല്ലാം സൂപ്പർ ഹിറ്റുകളായിരുന്നു. തങ്ങളിലുണ്ടായിരുന്ന സൗഹൃദം സിനിമയിലും പ്രതിഫലിച്ചു.

90 കളിൽ ഓടി നടന്ന അഭിനയിച്ച ഒരു സമയമുണ്ടായിരുന്നു. പിന്നീട് ഒരുപോലെയുള്ള കഥാപാത്രങ്ങൾ തുടർച്ചയായി എത്തിയപ്പോൾ ചില ചിത്രങ്ങൾ വേണ്ടെന്നു വെച്ചു. 2001 ആയിരുന്നു വിവാഹം കഴിയുന്നത്. എട്ട് വർഷത്തിനു ശേഷമാണ് തനിയ്ക്കും ഭാര്യ ജിഷയ്ക്കും കുഞ്ഞ് പിറക്കുന്നത്. അതും മറ്റും വ്യക്തിപരമായ അസൗകര്യങ്ങളുമാണ് സിനിമയിൽ നിന്ന് മാറി നിൽക്കാൻ കാരണമായത്.
ആദ്യം സൂപ്പർ ബ്രദർ പിന്നെ ബ്രദേഴ്സ് ഡേ! പേര് മാറ്റത്തിനു പിന്നിൽ‌ മോഹൻലാലിന്റെ ബിഗ്ബ്രദർ

‌ മകൾ ജനിച്ചതിനു ശേഷം വീണ്ടും സിനിമയിലേയ്ക്ക് വരാൻ തീരുമാനിച്ചു, അപ്പോഴേയ്ക്കും സിനിമ ആകെ മാറി പോയിരുന്നു. പരിചയമുള്ള സംവിധായകർ സിനിമ ചെയ്യാതെയായി. അങ്ങനെ സിനിമയിലേയ്ക്കുള്ള വരഹവ് വീണ്ടും വൈകി. രണ്ടാം വരവിൽ ശ്രദ്ധിക്കപ്പെട്ട ചിത്രമായിരുന്നു അരവിന്ദന്റെ അതിഥികൾ, പിന്ന പഞ്ചവർണ്ണതത്ത ചെയ്തു.

പിഎ ബക്കർ സംവിധാനം ചെയ്ത സഖാവ് കൃഷ്ണപിള്ള എന്ന ചിത്രത്തിലൂടെയാണ് ആദ്യം ക്യാമറയ്ക്ക് മുന്നിൽ എത്തുന്നത് . അതിൽ വളരെ സീരിയസ് കഥാപാത്രമായിരുന്നു.പക്ഷേ ചിത്രീകരണം പൂർത്തിയായെങ്കിലും ആ സിനിമ വെളിച്ചം കണ്ടില്ല. അതിനു ശേഷം ദൂരദർശനിൽ ലംബോ എന്നൊരു ടെലിഫിലിമിൽ അഭിനയിച്ചു. അത് ഹിറ്റായതോടെ ഞാൻ ശ്രദ്ധിക്കപ്പെടാൻ തുടങ്ങി. നർമ്മത്തിന് പ്രധാന്യം നൽകി കൊണ്ട് ഒരുക്കിയതായിരുന്നു അത്. കുടുതലും കോമഡി ചിത്രങ്ങളാണ് തന്നെ തേടിയെത്തിയിരുന്നത്.