സ്വവര്‍ഗാനുരാഗികളാണോന്ന് ചോദിക്കുന്നവരോട് രഞ്ജിനിമാരുടെ മറുപടി, തങ്ങളുടെ പേരിലുള്ള വാര്‍ത്തയെ കുറിച്ച് താരങ്ങൾ

രഞ്ജിനി ജോസും രഞ്ജിനി ഹരിദാസും സ്വവര്‍ഗാനുരാഗികളാണോന്ന് ചോദിക്കുന്നവര്‍ക്കുള്ള മറുപടിയിങ്ങനെ..

'ഞങ്ങളുടെ ഫോട്ടോസ് കണ്ടിട്ട് നിങ്ങൾ ലെസ്ബിയനാണോ, അവളുടെ കൂടെയാണോ താമസം, എന്നൊക്കെ ചോദിക്കുന്നവരുണ്ട്. ദയവ് ചെയ്ത് സൗഹൃദത്തെ റൊമാന്‍സ് ചെയ്യരുത്. ചങ്ങാത്തത്തിന് അപ്പുറത്തേക്കുള്ള മാനം കൊടുക്കരുത്' എന്നാണ് രഞ്ജിനി ജോസിന് പറയാനുള്ളത്.

എനിക്ക് ഇവള്‍ മാത്രമല്ല, സുഹൃത്തായിട്ടുള്ളതെന്ന് രഞ്ജിനി ഹരിദാസും പറയുന്നു. മാധവി, രഞ്ജിനി, മേക്കപ്പ് ആര്‍ട്ടിസ്റ്റായ ജാന്മണി, ഇവരെല്ലാം കൂട്ടുകാരാണ്. ജീവിതത്തില്‍ എനിക്കേറ്റവും പ്രധാനമെന്ന് തോന്നുന്നതും അടുപ്പമുള്ളതും എന്നോട് തന്നെയാണ്. പിന്നെ അമ്മ, അനിയന്‍, പട്ടികള്‍, വിരലിലെണ്ണാവുന്ന ചുരുക്കം ആളുകള്‍ക്ക് മാത്രമേ എന്നെ വ്യക്തിപരമായി അടുത്തറിയാവൂ.

സ്‌നേഹിച്ചാല്‍ എന്നെ കൊണ്ട് നടക്കുന്നത് പോലെ തന്നെ ഞാന്‍ നിങ്ങളെയും കൊണ്ട് നടക്കും. പക്ഷേ എല്ലാവര്‍ക്കും അത് സഹിക്കാന്‍ പറ്റിയെന്ന് വരില്ല' രഞ്ജിനി ഹരിദാസ് പറയുന്നു.

മുപ്പതുകളില്‍ അമ്മയാവുമെന്ന് രഞ്ജിനി പറഞ്ഞതിനെ പറ്റി ചോദിച്ചാല്‍ മറുപടിയിങ്ങനെയാവും.. '28 വയസൊക്കെ കഴിഞ്ഞ സമയത്ത് എന്റെ ശരീരത്തില്‍ മാതൃത്വപരമായ വികാരങ്ങളൊക്ക വന്ന് തുടങ്ങിയിരുന്നു. ആ സമയത്താണ് ഒരു പട്ടിക്കുട്ടിയെ വാങ്ങുന്നതിനെ കുറഇച്ച് ആഗ്രഹം പറയുന്നത്. ആ സമയത്ത് എന്റെ ഫീലിങ്ങ്‌സ് മുഴുവന്‍ അതിലേക്ക് പോയെന്നാണ്' രഞ്ജിനി ഹരിദാസ് പറയുന്നത്.

ആദ്യമായി ലഭിച്ച പ്രതിഫലത്തെ കുറിച്ച് രഞ്ജിനിമാര്‍ സംസാരിച്ചിരുന്നു.

'പ്രായത്തിലൊന്നും ഒരു കാര്യവുമില്ല. ഞാന്‍ മൈക്ക് കൈയ്യിലെടുക്കാന്‍ തുടങ്ങിയിട്ട് ഇരുപത്തിയഞ്ച് വര്‍ഷമാവാറായി. ഈ ജോലി ഞാന്‍ ഇഷ്ടത്തോടെ ചെയ്യുന്നതാണ്. പത്താം ക്ലാസില്‍ പഠിക്കുമ്പോള്‍ 500 രൂപ പ്രതിഫലം വാങ്ങിയാണ് തുടക്കമെന്ന്' രഞ്ജിനി ഹരിദാസ് പറയുന്നു. പക്ഷേ ആദ്യത്തെ മൂന്ന് ഷോ യ്ക്കും കാശ് കിട്ടിയിട്ടില്ല.

Also Read: നടനുമായിട്ടുള്ള പ്രണയകഥ പുറത്ത് വരരുത്; മാധുരിയുടെ വാക്ക് കേട്ട് സല്‍മാനും സഞ്ജയ് ദത്തും വഴക്കായി, ആ കഥയിങ്ങനെ

Recommended Video

Ranjini haridas recalls her moments with Maradona | FilmiBeat Malayalam

ഒരിക്കല്‍ 2000 രൂപയുടെ ചെക്ക് ബൗണ്‍സായി. അവിടം തൊട്ട് കൂട്ടിക്കൂട്ടിയാണ് ഞാന്‍ ഇന്നത്തെ സ്ഥിതിയിലേക്ക് എത്തുന്നത്. വാങ്ങിക്കുന്ന കാശിന്റെ പണി എടുക്കാറുണ്ട്. 24 മണിക്കൂര്‍ ഷോ തന്നാലും ഞാന്‍ ചെയ്യും. എനര്‍ജി ലെവലും ശബ്ദവുമൊക്കെ തന്നെയാണ് എന്റെ നേട്ടം. അതിന് വേണ്ടി നന്നായി കഷ്ടപ്പെടുന്നുണ്ട്. എന്റെ കഴിവില്‍ വിശ്വാസമുണ്ടെന്നും രഞ്ജിനി ഹരിദാസ് സൂചിപ്പിച്ചു.

ഇതേ പ്രതിഫലമാണ് തനിക്കും ആദ്യമായി കിട്ടിയതെന്ന് രഞ്ജിനി ജോസും പറഞ്ഞു. 'ആദ്യമായി പാട്ട് പാടിയപ്പോള്‍ എനിക്ക് കിട്ടിയതും അഞ്ഞൂറ് രൂപയാണ്. പിന്നെ 750 ആയി. അങ്ങനെ കൂടി കൂടി വന്നു'.