ആസിഫ് അലിയ്ക്ക് മാണിക്യം മതി!!

ഒരാള്‍ രക്ഷപ്പെട്ടുവെന്ന് കേള്‍ക്കുന്നത് പണ്ടേ മലയാളിയ്ക്ക് ദഹിയ്ക്കത്തില്ല. ഭൂലോകത്ത് എവിടെപ്പോയാലം ഈ ശീലം കൂടെ കൊണ്ടുപോകാന്‍ നമ്മള്‍ മടിയ്ക്കാറുമില്ല. കൂട്ടത്തിലൊരുവന്‍ മുകളിലോട്ട് കയറിപ്പോയാല്‍ അവനെ ഇങ്ങനെ വലിച്ചു താഴെയിടാമെന്നാവും നാട്ടുകാരുടെ ചിന്ത. മലയാള സിനിമാക്കാര്‍ക്കിടയിലും ഈ ശീലമുള്ളവര്‍ ഏറെയണ്ട്. ഒരുത്തന്റെ സിനിമ രക്ഷപ്പെട്ടുവെന്ന് കേട്ടാല്‍ ആധി മൂക്കുക മറ്റുപലര്‍ക്കാവും.

മമ്മൂട്ടിയ്ക്കും ലാലിനുമൊക്കെ പകരമാവുമെന്നൊക്കെ പറഞ്ഞെത്തിയ താരപുത്രനെ ഒരു വഴിയ്ക്കാക്കിയപ്പോഴാണ് പലര്‍ക്കും ആശ്വാസമായത്. ഇപ്പോ സിനിമാക്കാരില്‍ ചിലര്‍ ഉന്നമിട്ടിരിയ്ക്കുന്നത് ദോശക്കഥയിലെ നായകനെയാണ്. വേറാരുമല്ല, മോളിവുഡിന്റെ പുതിയ യൂത്ത് ഐക്കണ്‍ എന്ന് വിശേഷിപ്പിയ്ക്കപ്പെടുന്ന ആസിഫ് അലിയെക്കുറിച്ചാണ് പുതിയ ഗോസിപ്പുകള്‍ ഫീല്‍ഡില്‍ പൊട്ടിമുളയ്ക്കുന്നത്.

സാള്‍ട്ട് ആന്റ് പെപ്പര്‍ ഹിറ്റായതിന് ശേഷം ആസിഫ് ചില നടിമാരെ മാത്രമാണ് ജോഡിയായി ആവശ്യപ്പെടുന്നതത്രേ. അര്‍ച്ചന കവിയെ ഒഴിവാക്കി ഋതു, മാണിക്യം നായികമാരെ മാത്രം തന്റെ സിനിമയില്‍ കാസ്റ്റ് ചെയ്യാനാണത്രേ യുവതാരം താത്പര്യപ്പെടുന്നത്.

പരദൂഷമാണെന്ന് കരുതി ഇതിനെ തള്ളാമെങ്കിലും യൂത്ത് ഐക്കണിന്റെ വരാനിരിയ്ക്കുന്ന കൗബോയ്, ഉന്നം പോലുള്ള സിനിമകളിലെ നായികമാരുടെ കാര്യമെടുത്താല്‍ പറഞ്ഞതില്‍ പതിരില്ലേയെന്ന് ആരുമൊന്ന് സംശയിച്ചേക്കാം..
അടുത്ത പേജില്‍