»   »  ദുല്‍ഖറിന്റെ ക്ഷോഭിയ്ക്കുന്ന മുഖവുമായി തീവ്രം

ദുല്‍ഖറിന്റെ ക്ഷോഭിയ്ക്കുന്ന മുഖവുമായി തീവ്രം

Posted By:
Subscribe to Filmibeat Malayalam
ദുല്‍ഖര്‍ സല്‍മാനെ നായകനാക്കി രൂപേഷ് പീതാംബരന്‍ സംവിധാനം ചെയ്യുന്ന ചിത്രത്തിന് തീവ്രം എന്ന് പേരിട്ടു. തിങ്കളാഴ്ച (ആഗസ്റ്റ് 6) ഷൂട്ടിങ് തുടങ്ങുന്ന ചിത്രം ഇതിനോടകം വാര്‍ത്തകളില്‍ ഇടം കണ്ടെത്തിയിട്ടുണ്ട്. സ്ഫടികത്തില്‍ മോഹന്‍ലാലിന്റെ ചെറുപ്പകാലം ആവിഷ്‌ക്കരിച്ച രൂപേഷ് പീതാംബരന്‍ ആദ്യമായി സംവിധായകുന്നുവെന്നതാണ് ഈ ചിത്രത്തിന്റെ പ്രധാന പ്രത്യേകത.

ഉസ്താദ് ഹോട്ടലിന് ശേഷം ദുല്‍ഖറിന്റെ ചിത്രം ഏതെന്ന ആകാംക്ഷയ്ക്ക് കൂടിയാണ് ഇതോടെ വിരാമമാവുന്നത്. ഉസ്താദ് ഹോട്ടലില്‍ സൗമ്യനായ പയ്യനായിട്ടായിരുന്നെങ്കില്‍ നേരെ എതിര്‍സ്വഭാവമുള്ള കഥാപാത്രത്തെയാണ് ദുല്‍ഖര്‍ തീവ്രത്തില്‍ അവതരിപ്പിയ്ക്കുന്നത്. നായികയായി പുതുമുഖമായിരിക്കുമെന്നും സംവിധായകന്‍ വ്യക്തമായിട്ടുണ്ട്.

രൂപേഷ് തന്നെ തിരക്കഥയൊരുക്കുന്ന ചിത്രം സസ്‌പെന്‍സ് ത്രില്ലറായാണ് ഒരുക്കുന്നത്. നിയമവ്യവസ്ഥയെ വെല്ലുവിളിയ്ക്കുന്ന ഒരു യുവാവിന്റെ കഥയാണ് തീവ്രമെന്നാണ് റിപ്പോര്‍ട്ടുകള്‍.

ഏറണാകുളം, ആലപ്പുഴ, ചാലക്കുടി എന്നിവിടങ്ങളിലായാണ് തീവ്രത്തിന്റെ ലൊക്കേഷനുകള്‍. വിസിഐ മൂവിന്റെ ബാനറില്‍ വി സി ഇസ്മയിലാണ് തീവ്രം ിര്‍മിക്കുന്നത്. ശ്രീനിവാസന്‍ , റിയ സൈറ (22 ഫീമൈല്‍ കോട്ടയം ) വിനയ് ഫോര്‍ട്ട്, വിഷു രാഗവ്, അനു മോഹന്‍ തുടങ്ങിയവരാണ് മറ്റു പ്രധാന താരങ്ങള്‍ . ചായാഗ്രഹണം ഹരി നായര്‍, സംഗീതം റോബ്ബി അബ്രഹാം. ഗാനങ്ങള്‍ റഫീക്ക് അഹമ്മദ്.

English summary
Dulquer Salmaan's next flick that will be directed by Roopesh Peethambaran has been titled Teevram
Please Wait while comments are loading...

Malayalam Photos

Go to : More Photos

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam