ആശുപത്രിയിലേക്ക് എന്നും വിളിച്ചത് മമ്മൂട്ടിയും കുഞ്ചനും; മരണത്തെ തൊട്ടടുത്ത് കണ്ടെന്ന് മണിയന്‍പിള്ള രാജു

ആശുപത്രിവാസം കഴിഞ്ഞ് വീട്ടിലെത്തിയ ഞാന്‍ ആളാകെ മാറി. എന്റെ ശബ്ദം മാറി, രൂപം മാറി, ഞാനൊത്തിരി തടി വെച്ചു, പിന്നീട് സമയം എടുത്താണ് പഴയ അവസ്ഥയിലേക്ക് എത്തിയതെന്നാണ് താരം പറയുന്നത്. ആശുപത്രിയില്‍ കിടക്കുമ്പോള്‍ സ്ഥിരമായി തന്നെ വിളിച്ചത് മമ്മൂട്ടിയും കുഞ്ചനും നിര്‍മാതാവ് രഞ്ജിത്തും ആയിരുന്നു. മമ്മൂട്ടി എല്ലാ ദിവസവും വിളിക്കും. കുഞ്ചനും ഞാനും തമ്മില്‍ വലിയ സൗഹൃദമാണ്. പുതിയതായി ഒന്നും പറയാനൊന്നും ഉണ്ടാവില്ല. എങ്കിലും എന്നും എന്നോട് സംസാരിക്കുമായിരുന്നു. അതൊരു വലിയ ആശ്വാസമായെന്നും മണിയന്‍പിള്ള രാജു വ്യക്തമാക്കുന്നു.

ആശുപത്രിയില്‍ നിന്നും നേരെ ഒരു ഹോട്ടലിലേക്കാണ് പോയത്. അവിടെ കുറച്ച് ദിവസം താമസിച്ചതിന് ശേഷമാണ് വീട്ടിലേക്ക് പോയത്. കഴിഞ്ഞ വര്‍ഷം വീട്ടില്‍ അടച്ചിരിപ്പ് ആയിരുന്നെങ്കില്‍ ഇത്തവണ അതിന് മാറ്റമുണ്ടായി. അമ്മയുടെ മീറ്റിങ്ങിന് അടക്കം പോയിരുന്നു. സംഘടനയുടെ ആരംഭം തൊട്ട് ഉണ്ടെങ്കിലും ആദ്യമായിട്ടാണ് ഒരു സ്ഥാനത്തേക്ക് മത്സരിക്കുന്നത്. വലിയ ഭൂരിപക്ഷത്തോടെ വിജയിക്കാനും സാധിച്ചു. മമ്മൂട്ടിയെയും മോഹന്‍ലാലിനെയും ഒക്കെ ഒരുപാട് കാലത്തിന് ശേഷമാണ് താന്‍ കണ്ടതെന്നും അതൊക്കെ വലിയ സന്തോഷമാണ് നല്‍കിയതെന്നും താരം പറഞ്ഞു.

കല്യാണം കഴിഞ്ഞതോടെയാണ് മാറി നിന്നത്; മഞ്ജു വാര്യരെ നേരില്‍ കണ്ടപ്പോള്‍ തോന്നിയത്, നടി ജ്യോതി കൃഷ്ണ പറയുന്നു

എത്രയോ കാലങ്ങളായി സുഹൃത്തുക്കളുടെയും ആള്‍ക്കൂട്ടങ്ങളുടെയും ഇടയിലാണ് ഞാന്‍ ജീവിക്കുന്നത്. അതൊന്നും ഇല്ലാത്ത അവസ്ഥ ചിന്തിക്കാന്‍ പറ്റുന്നില്ല. പക്ഷേ ആ അവസ്ഥയിലും ജീവിച്ചു. സിനിമകളുടെ ഷൂട്ട് എല്ലാം നിര്‍ത്തി വച്ച് ആളുകളെ കാണാതെ വീടിനകത്ത് അടച്ചിരുന്ന കാലം ഉണ്ടായിരുന്നു എന്നുമാണ് മണിയന്‍പിള്ള രാജു പറയുന്നത്.