നെടു നീളൻ ഡയലോഗ്!! നിരവധി ടേക്ക്... ക്ഷമ കൈവിടാതെ വിജയ് സേതുപതി, വീഡിയോ വൈറൽ

ട്രാൻസ്ജെൻഡറായി വിജയ് സേതുപതി

സൂപ്പർ ഡിലക്സിൽ ട്രാൻസ് ജെൻഡറായിട്ടാണ് വിജയ് സേതുപതി പ്രത്യക്ഷപ്പെടുന്നത്. ചിത്രത്തിനെ കുറിച്ചുളള പ്രഖ്യാപനം മുതലെ വിജയ്സേതുപതിയുടെ കഥാപാത്രം ജനങ്ങളുടെ ഇടയിൽ വലിയ ചർച്ചയായിരുന്നു. എപ്പോഴും ചെയ്യുന്ന കഥാപാത്രങ്ങളിൽ വ്യത്യസ്തത കണ്ട‌െത്താൻ ഇദ്ദേഹം ശ്രമിക്കാറുണ്ട്. ട്രാൻജെൻഡർ എന്ന കഥാപാത്രം താരത്തിന്റെ കരിയർ തന്നെ മാറ്റിമറിയ്ക്കും എന്നത് ട്രെയിലറിൽ നിന്ന് നി‌സംശയം പറയാൻ സാധിക്കും.

മുഴുനീളാൻ ഡയലോഗ്

തെന്നിന്ത്യയിലെ വൻ താരനിരയാണ സൂപ്പർ ഡീലക്സിൽ അണിനിരക്കുന്നത്. പുറത്തു വന്ന ട്രെയിലറിലെ പ്രധാന ഹൈലൈറ്റ് വിജയ് സേതുപതിയുടെ ആ മുഴു നീളൻ ഡയലോഗായിരുന്നു. രണ്ട് മിനിറ്റ് ദൈർഘ്യമുള്ള ട്രെയിലറിൽ ആദ്യം മുതൽ അവസാനം വരെ താരത്തിന്റെ ആ വിവരണം നിറഞ്ഞു നിന്നിരുന്നു. കേൾക്കുമ്പോൾ എല്ലാവരിലും ആകാംക്ഷ സൃഷ്ടിച്ചുവെങ്കിലും ഡബ്ബിങ് അത്ര എളുപ്പമായിരുന്നില്ല. ഇപ്പോൾ സമൂഹ മാധ്യമങ്ങളിൽ നിറഞ്ഞു നിൽക്കുന്നത് വിജയ് സോതുപതിയുടെ ഡബ്ബിങ് വീഡിയോയാണ്. നിഷ്പ്രയാസം പറഞ്ഞ് അവസാനിപ്പിക്കാൻ കഴിയുന്ന ഡയലോഗല്ലിത്. ആദ്യത്തെ പ്രാവശ്യം പാളി പോയെങ്കിലും പിന്നീട് വളറെ സമാധാനമായി കൃത്യമായി ഡബ്ബ് ചെയ്യുന്നതാണ് വീഡിയോയിൽ കാണുന്നത്. ഇത് ആരാധകർ ഏറ്റെടുത്തിട്ടുമുണ്ട്.

വൻ താരനിര

ചിത്രത്തിൽ തെന്നിന്ത്യയിലെ വൻതാരനിരയാണ് അണിനിരക്കുന്നത്. വിജയ് സേതുപതിയ്ക്കൊപ്പം മലയാളി പ്രേക്ഷകരുടെ പ്രിയപ്പെട്ട താരമായ ഫഹദ് ഫാസിൽ, തെന്നിന്ത്യൻ പ്രേക്ഷകരുടെ പ്രിയ നടിമാരായ സാമന്ത, രമ്യ കൃഷ്ണൻ എന്നിവരും ചിത്രത്തിൽ കേന്ദ്രകഥാപാത്രങ്ങളെ അവതരിപ്പിക്കുന്നുണ്ട്. സാമന്തയാണ് ചിത്രത്തിലെ നായിക. മികച്ച പ്രേക്ഷക സ്വീകാര്യതായാണ് ട്രെയിലറിന് ലഭിച്ചിരിക്കുന്നത്. ട്രെയിലറിലെ താരങ്ങളുടെ മികച്ച പ്രകടനത്തെ അഭിനന്ദിച്ച് നിരവധി പേർ രംഗത്തെത്തിയിട്ടുണ്ട്. ഒന്നിനൊന്ന് മികച്ച അഭിനയമാണ് താരങ്ങൾ കാഴ്ചവെച്ചിരിക്കുന്നത്.

ദേശീയ അവാർഡ് ജേതാവ്

ആരണ്യകാണ്ഡം എന്ന ചിത്രത്തിലൂടെ ദേശീയ അവാർഡ് നേടിയ സംവിധായകനാണ് ത്യാഗരാജൻ കുമാരരാജന്റെ രണ്ടാമത്തെ ചിത്രമാണിത്. ഫഹദിന്റെ തമിഴിലെ രണ്ടാം ചിത്രമാണിത്. സംവിധായകനോപ്പം മിഷ്കിനും നളൻകുമാരസ്വാമിയും ചേർന്നാണ് ചിത്രത്തിന്റെ തിരക്കഥ എഴുതിയിരിക്കുന്നത്. ചിത്രത്തിന് അനീതി കഥൈകൾ എന്നായിരുന്നു ആദ്യം പേര് നൽകിയിരുന്നത്. എന്നാൽ പിന്നീട് ഇത് മാറ്റുകയായിരുന്നു.