പേട്ട കാണാനെത്തിയ ആവേശത്തില്‍ ധനുഷും തൃഷയും! വീഡിയോ വൈറലാകുന്നു! കാണൂ

പേട്ടയുടെ വിജയം

പേട്ടയുടെ ടൈറ്റില്‍ പ്രഖ്യാപിച്ചതുമുതല്‍ ഇതൊരു മാസ് ചിത്രമായിരിക്കുമെന്ന് എല്ലാവരും പ്രതീക്ഷിച്ചിരുന്നു. കാര്‍ത്തിക്ക് സുബ്ബരാജിന്റെ സംവിധാനത്തില്‍ ഒരുക്കിയ പേട്ട വലിയ ആകാംക്ഷകളോടെയാണ് എല്ലാവരും കാത്തിരുന്നത്. പ്രതീക്ഷകള്‍ തെറ്റിക്കാതെ എത്തിയ ചിത്രം എല്ലാവര്‍ക്കുമുളള സൂപ്പര്‍സ്റ്റാറി ന്റെ പൊങ്കല്‍ വിരുന്ന് കൂടിയായി മാറി. യുവാക്കളും മുതിര്‍ന്നവരും ഉള്‍പ്പെടെ എല്ലാവരും പേട്ട തിയ്യേറ്ററുകളില്‍ ആഘോഷിച്ചു കണ്ടു. പഴയ രജനീകാന്തിനെ ചിത്രത്തിലൂടെ വീണ്ടും കാണാനായി എന്നായിരുന്നു സിനിമ കണ്ടവരില്‍ ഭൂരിഭാഗം പേരും അഭിപ്രായപ്പെട്ടിരുന്നത്.

രജനിയുടെ സ്‌റ്റൈലും മാസും

രജനിയുടെ സ്റ്റൈലും മാസും തന്നെയാണ് പേട്ടയുടെ വിജയത്തില്‍ നിര്‍ണായമായത്. പഞ്ച് ഡയലോഗുകളും ആക്ഷന്‍ സ്വീക്വന്‍സുകളും പാട്ടുകളുമൊക്കെ വേണ്ടുവോളം ചിത്രത്തില്‍ സംവിധായകന്‍ ഉള്‍പ്പെടുത്തിയിട്ടുണ്ട്. ചിത്രത്തിന്റെ ആദ്യ രണ്ടു പകുതികളും പ്രേക്ഷകരെ മടുപ്പിക്കാത്ത വിധം അണിയിച്ചൊരുക്കാനും സംവിധായകനായി. ശരിക്കും ഇതാണ് തലൈവരുടെ മാസ് എന്റര്‍ടെയ്‌നറെന്ന് ചിത്രം കണ്ടവരില്‍ ഭൂരിഭാഗം പേരും അഭിപ്രായപ്പെട്ടു.

തിയ്യേറ്ററുകള്‍ പൂരപ്പറമ്പായി

തമിഴ്‌നാട്ടിലെന്ന പോലെ കേരളത്തിലും മികച്ച സ്വീകാര്യതയാണ് ചിത്രത്തിന് ലഭിച്ചത്. വിന്റേജ് രജനീകാന്തിനെ തിരിച്ചുതന്ന സംവിധായകനോടുളള നന്ദി അറിയിച്ചാണ് കേരളത്തിലെ പ്രേക്ഷകരും ചിത്രത്തെക്കുറിച്ചുളള അഭിപ്രായം രേഖപ്പെടുത്തിയിരിക്കുന്നത്. പേട്ട കണ്ട് വിനീത് ശ്രീനിവാസന്‍,അരുണ്‍ ഗോപി തുടങ്ങിയവരും തങ്ങളുടെ അഭിപ്രായങ്ങള്‍ അറിയിച്ചിരുന്നു. എല്ലാവരും പേട്ട മികച്ചൊരു രജനി ചിത്രമാണെന്ന അഭിപ്രായമായിരുന്നു പങ്കുവെച്ചിരുന്നത്. രജനിക്കൊപ്പം കാര്‍ത്തിക്ക് സുബ്ബരാജിനും സംഗീത സംവിധാനം നിര്‍വ്വഹിച്ച അനിരുദ്ധ് രവിചന്ദറിനും എല്ലാവരും നന്ദി അറിയിക്കുന്നുണ്ട്. അനിരുദ്ധിന്റെ പാട്ടുകളെല്ലാം വേറെ ലെവല്‍ എന്നാണ് സമൂഹ മാധ്യമങ്ങളില്‍ അഭിപ്രായങ്ങള്‍ വന്നത്.

ധനുഷിന്റെയും തൃഷയുടെയും ആവേശം

പേട്ട ആദ്യ ദിവസം കാണാന്‍ രജനീകാന്തിന്റെ ഭാര്യ ലത രജനീകാന്ത്, മരുമകന്‍ ധനുഷ്,തൃഷ, തുടങ്ങിയവര്‍ ഒരുമിച്ചായിരുന്നു എത്തിയിരുന്നത്. ചെന്നൈയിലെ തിയ്യേറ്ററിലെത്തിയ ഇവര്‍ ആരാധകരുടൈ ആഘോഷങ്ങള്‍ക്കൊപ്പമായിരു ന്നു സിനിമ കണ്ടത്. രജനിയുടെ പ്രകടനം കണ്ട് ആവേശഭരിതരായ ഇരുവരും കസേരയില്‍ നിന്നെഴുന്നേറ്റ് തുളളിച്ചാടുന്നതിന്റെ വീഡിയോ വൈറലായി മാറിയിരുന്നു. ആദ്യം മുതല്‍ അവസാനം വരെ ആഘോഷിച്ചാണ് ഇരുവരും സിനിമ കണ്ടുതീര്‍ത്തത്. പേട്ടയില്‍ വില്ലനായി എത്തിയ വിജയ് സേതുപതിയും മികച്ച പ്രകടനമായിരുന്നു കാഴ്ചവെച്ചത്.

വീഡിയോ കാണൂ