പേട്ടയിലെ ആ പഞ്ച് ഡയലോഗ് പറഞ്ഞ് കാര്‍ത്തിക്കിനൊപ്പം തലൈവര്‍! വീഡിയോ വൈറല്‍! കാണൂ

പേട്ടയുടെ വിജയം

പാ രഞ്ജിത്തിന്റെ കാലയ്ക്കു ശേഷം പുറത്തിറങ്ങിയ രജനി ചിത്രം കൂടിയായിരുന്നു പേട്ട. സിനിമയുടെ ടൈറ്റില്‍ പ്രഖ്യാപിച്ചതുമുതല്‍ ഇതൊരു മാസ് ചിത്രമായിരിക്കുമെന്ന് എല്ലാവരും പ്രതീക്ഷിച്ചിരുന്നു. പ്രതീക്ഷകള്‍ തെറ്റിക്കാതെ എത്തിയ ചിത്രം എല്ലാവര്‍ക്കുമുളള സൂപ്പര്‍സ്റ്റാറിന്റെ പൊങ്കല്‍ വിരുന്ന് കൂടിയായി മാറി. യുവാക്കളും മുതിര്‍ന്നവരും ഉള്‍പ്പെടെ എല്ലാവരും പേട്ട തിയ്യേറ്ററുകളില്‍ ആഘോഷിച്ചു കണ്ടു. പഴയ രജനീകാന്തിനെ ചിത്രത്തിലൂടെ വീണ്ടും കാണാനായി എന്നായിരുന്നു സിനിമ കണ്ടവരില്‍ ഭൂരിഭാഗം പേരും അഭിപ്രായപ്പെട്ടിരുന്നത്. ആദ്യം മുതല്‍ അവസാനം വരെ മടുപ്പിക്കാത്ത രീതിയിലായിരുന്നു ചിത്രം ഒരുക്കിയിരുന്നത്.

നൂറ് കോടി കളക്ഷനില്‍

റിലീസ് ചെയ്ത് ദിവസങ്ങള്‍ക്കകം സിനിമ നൂറ് കോടി ക്ലബിലെത്തിയെന്നും റിപ്പോര്‍ട്ടുകള്‍ വന്നിരുന്നു. ആഗോള ബോക്‌സ് ഓഫീസ് കളക്ഷനിലാണ് ചിത്രം നൂറ് കോടിയെന്ന നേട്ടം സ്വന്തമാക്കിയിരിക്കുന്നത്. നാല് ദിവസം കൊണ്ടാണ് പേട്ട ഈ നേട്ടത്തിലേക്ക് എത്തിയിരുന്നത്. നാല് ദിവസങ്ങള്‍ കൊണ്ട് 111.35 കോടിക്കടുത്താണ് ചിത്രം നേടിയതെന്ന് അറിയുന്നു. അജിത്തിന്റെ വിശ്വാസം അഞ്ചു ദിവസം കൊണ്ടായിരുന്നു ഈ നേട്ടത്തിലെത്തിയത്.

മറ്റു താരനിര

കാര്‍ത്തിക്ക് സുബ്ബരാജ് സംവിധാനം ചെയ്ത ചിത്രത്തില്‍ വിജയ് സേതുപതി,നവാസുദ്ദീന്‍ സിദ്ധിഖി തുടങ്ങിയവരായിരുന്നു വില്ലന്‍ വേഷത്തിലെത്തിയിരുന്നത്. ശശി കുമാര്‍,ബോബി സിംഹ,സിമ്രാന്‍,മേഘ ആകാശ്,മാളവിക മേനോന്‍ തുടങ്ങിയവരും പ്രധാന വേഷങ്ങളിലെത്തി. സണ്‍ പിക്തേഴ്‌സിന്റെ ബാനറില്‍ കലാനിധി മാരനായിരുന്നു സിനിമ നിര്‍മ്മിച്ചിരുന്നത്.

തരംഗമായ പഞ്ച് ഡയലോഗ്

പേട്ട തിയ്യേറ്ററുകളില്‍ വിജയകരമായി മുന്നേറുന്നതിനിടെ ആയിരുന്നു തലൈവര്‍ക്കൊപ്പമുളള ഒരു വീഡിയോ കാര്‍ത്തിക്ക് സുബ്ബരാജ് പങ്കുവെച്ചത്. പേട്ടയിലെ തരംഗമായ പഞ്ച് ഡയലോഗ് പറഞ്ഞുകൊണ്ടായിരുന്നു ഇരുവരും എത്തിയിരുന്നത്. പേട്ടൈ പറാക്ക് എന്ന ഡയലോഗ് പറഞ്ഞ് ഇരുവരും പൊങ്കല്‍ ആശംസകളുമായി എത്തി. കാര്‍ത്തിക്ക് സുബ്ബരാജിന്റെ ട്വിറ്റര്‍ വീഡിയോ സോഷ്യല്‍ മീഡിയയില്‍ ഒന്നടങ്കം വൈറലായി മാറിയിരുന്നു.

ആക്ഷന്‍ സ്വീക്വന്‍സുകളും പാട്ടുകളുമൊക്കെ

രജനിയുടെ സ്‌റ്റൈലും മാസും തന്നെയാണ് പേട്ടയുടെ വിജയത്തില്‍ നിര്‍ണായമായത്. പഞ്ച് ഡയലോഗുകളും ആക്ഷന്‍ സ്വീക്വന്‍സുകളും പാട്ടുകളുമൊക്കെ വേണ്ടുവോളം ചിത്രത്തില്‍ സംവിധായകന്‍ ഉള്‍പ്പെടുത്തിയിട്ടുണ്ട്. ചിത്രത്തിന്റെ ആദ്യ രണ്ടു പകുതികളും പ്രേക്ഷകരെ മടുപ്പിക്കാത്ത വിധം അണിയിച്ചൊരുക്കാനും സംവിധായകനായി. ശരിക്കും ഇതാണ് തലൈവരുടെ മാസ് എന്റര്‍ടെയ്നറെന്ന് ചിത്രം കണ്ടവരില്‍ ഭൂരിഭാഗം പേരും അഭിപ്രായപ്പെട്ടിരുന്നു.

വീഡിയോ കാണൂ