ഇത് പുതിയ വേഷം, 'സബ് കലക്ടർ രൺദീപായി' ശരത്തിന്റെ മടങ്ങി വരവ്

ദയ എന്ന പെൺകുട്ടിയുടെ കുടുംബത്തിന്റേയും രാഷ്ട്രീയത്തിന്റേയും കൂടിച്ചേരലാണ് സീരിയൽ പറയുന്നത്. പല്ലവി ​ഗൗഡയാണ് ടൈറ്റിൽ റോളിലെത്തുന്നത്. ശ്രീലക്ഷ്മി , വി.കെ ബൈജു , രശ്മി ബോബന്‍, ജോണ്‍ ജേക്കബ് , അജിത്ത് വിജയന്‍, ശരത്ത് ദാസ് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. കന്നഡ തെലുങ്ക് സിനിമാ സീരിയലുകളിലൂടെ ശ്രദ്ധ നേടിയ നടിയാണ് പല്ലവി ഗൗഡ. അല്ലിയാമ്പല്‍ എന്ന പരമ്പരയിലെ അല്ലി എന്ന കഥാപാത്രത്തെ പല്ലവി നേരത്തെ അവതരിപ്പിച്ചിരുന്നു. പുതുമുഖ താരമായ സന്ദീപ് മോഹനാണ് പരമ്പരയിലെ മറ്റൊരു പ്രധാന വേഷം കൈകാര്യം ചെയ്യുന്നത്. വരുന്ന നവംബര്‍ ഒന്ന് മുതലാണ് വൈകീട്ട് 6 മണിക്ക് ദയ സംപ്രേഷണം തുടങ്ങുന്നത്.

തിങ്കൾ മുതൽ ശനി വരെ വൈകീട്ട് ആറ് മണിക്കാണ് പരമ്പര സംപ്രേഷണം ചെയ്യുന്നത്. നേരത്തെ സീരിയലിന്റേതായി പുറത്തിറങ്ങിയ പ്രമോകൾക്കെല്ലാം നല്ല സ്വീകര്യതയാണ് പ്രേക്ഷകർക്കിടയിൽ ലഭിച്ചത്. ​നിരവധി ഹിറ്റ് പരമ്പരകൾ സംവിധാനം ചെയ്തിട്ടുള്ള ​ഗിരീഷ് കോന്നിയാണ് ദയയും സംവിധാനം ചെയ്തിരിക്കുന്നത്. സബ്കലക്ടറുടെ വേഷമാണ് ശരത്ത് ദയയിൽ അവതരിപ്പിക്കുന്നത്. വീണ്ടും പുതിയൊരു സീരിയിലിന്റെ ഭാ​ഗമാകാൻ കഴിഞ്ഞതിന്റെ സന്തോഷത്തിലാണ് താരം. 1993 മുതൽ അഭിനയലോകത്ത് സജീവമാണ് ശരത്ത്. ഏഷ്യാനെറ്റിന്റെ യുട്യൂബ് ചാനലിലൂടെ പങ്കുവച്ച വീഡിയോയിലൂടെയാണ് പുതിയ വിശേഷം ശരത്ത് ആരാധകരെ അറിയിച്ചത്. ഇതുവരെ കണ്ടിട്ടുള്ള മറ്റ് പരമ്പരകളെ അപേക്ഷിച്ച് പുത്തന്‍ പരീക്ഷണമായിരിക്കും ദയ എന്നാണ് അണിയറപ്രവർത്തകർ അവകാശപ്പെടുന്നത്. 'ജീവിതം ഒരുപാട് വേദനിപ്പിക്കുന്ന അനുഭവങ്ങള്‍ രണ്‍ദീപിന് നല്‍കിയിട്ടുണ്ട്. എങ്കിലും എപ്പോഴും നന്മയുടെ പക്ഷത്തായിരിക്കും രണ്‍ദീപ്' എന്നാണ് തന്റെ കഥാപാത്രത്തെ കുറിച്ചുള്ള ആമുഖമായി ശരത്ത് പറയുന്നത്.

Recommended Video

നവംബര്‍ 12ന് ദുല്‍ഖറിന്റെ കുറുപ്പ് ലോകമാകെ റിലീസ് | FilmiBeat Malayalam

അവസാനമായി ഭ്രമണത്തിലെ വില്ലൻ വേഷം ചെയ്തപ്പോൾ വലിയ ട്രോളുകളും വിമർശനവും ശരത്തിനെ തേടി എത്തിയിരുന്നു. ആ സംഭവം മാനസീകമായി തളർത്തിയതിനെ കുറിച്ചും ശരത്ത് മനസ് തുറന്നിരുന്നു. തന്നെക്കാൾ ഏറെ വിമർശനവും ട്രോളുകളും കണ്ട് വിഷമിച്ചത് കുടുംബമാണെന്നും ശരത്ത് പറഞ്ഞിരുന്നു. തുടക്കം മുതൽ ഇതുവരെ ശരത്ത് കുടുംബപ്രേക്ഷകരുടെ പ്രിയ നായകനാണ്. നിരവധി സിനിമകളിലും സീരിയലുകളിലും അഭിനയിച്ചിട്ടുള്ള ശരത്ത് ദാസ് ഡബ്ബിങ് ആർടിസ്റ്റ് കൂടിയാണ്. 27 വർഷത്തോളമായി സിനിമാ സീരിയൽ രം​ഗത്ത് ശരത്ത് സജീവമാണ്. മാച്ച് ബോക്സ് എന്ന സിനിമയിലാണ് ശരത്ത് അവസാനമായി അഭിനയിച്ചത്. അമ്പതോളം സിനിമകളിലെ കഥാപാത്രങ്ങൾക്കാണ് ശരത്ത് ശബ്ദം നൽകിയത്.