ആ​ഗ്രഹിച്ചത് സ്വന്തമാക്കാൻ ലക്ഷങ്ങൾ മുടക്കുന്ന ബഷീർ ബഷി, നിശ്ചയദാർഢ്യത്തിന് അഭിനന്ദങ്ങളെന്ന് സോഷ്യൽമീഡിയ

പിറന്നാൾ ദിനത്തിൽ തന്റെ വീട്ടിലേക്ക് വരാൻ പോകുന്ന പുതിയ അതിഥിയെ കുറിച്ചുള്ള വിശേഷങ്ങൾ ബഷീർ പങ്കുവെച്ചിരുന്നു. ഥാർ എന്ന പുതിയ വാഹനം ബഷീർ സ്വന്തമാക്കിയെന്നതാണ് ആ സന്തോഷ വാർത്ത. ഏറെ നാളത്തെ കാത്തിരിപ്പിന് ശേഷമാണ് ഥാർ ബഷീർ സ്വന്തമാക്കിയത്. എന്നാൽ താൻ ആ​ഗ്രഹിച്ച നമ്പർ ലഭിക്കാതിരുന്നതിനാൽ രണ്ട് മാസമായി വാഹനം ഷോറൂമിൽ നിന്ന് ഇറക്കിയിരുന്നില്ല. ഇപ്പോൾ ആ​ഗ്രഹിച്ച നമ്പർ ലേലത്തിൽ വാങ്ങാൻ സാധിച്ചതിന്റെ സന്തോഷം വീഡിയോയിലൂടെ പങ്കുവെച്ചിരിക്കുകയാണ് ബഷീർ ബഷി. തന്റെ പുതിയ വണ്ടി മഹീന്ദ്ര ഥാറിന് ഫാൻസി നമ്പർ വേണമെന്നത് വലിയ ആ​ഗ്രഹമായിരുന്നുവെന്ന് നേരത്തെ ബഷീർ പറഞ്ഞിട്ടുണ്ട്. തന്റെ എല്ലാ വണ്ടികളുടെയും ഫാൻസി നമ്പർ 1234 ആണ് അതുകൊണ്ടുതന്നെ തന്റെ പുതിയ വണ്ടിക്കും അത് തന്നെ വേണമെന്ന് ആഗ്രഹം ഉണ്ടായിരുന്നുവെന്നും അത് നേടിയെടുക്കാൻ‍ സാധിച്ചപ്പോൾ ആ സന്തോഷം എല്ലാവരുമായി പങ്കുവെക്കണമെന്ന് ആ​ഗ്രഹിച്ചതിനാലാണ് വീഡിയോ ചെയ്തതെന്നും ബഷീർ പറയുന്നു.

'എന്റെ വണ്ടികളുടെയെല്ലാം നമ്പർ ഇത് ആണ്. മൊബൈൽ നമ്പറിന്റെ അവസാനവും ഇത് തന്നെയാണ്. അതുകൊണ്ടുതന്നെ ഇത് തന്നെ കിട്ടണം എന്ന നിർബന്ധവും ആഗ്രഹവും എനിക്കുണ്ടായിരുന്നു. അത് ശരിക്കും എന്റെ ഐഡിന്റിറ്റി ആയിട്ടുണ്ട്. എത്ര വില കൊടുത്താലും ഞാൻ അത് നേടിയെടുക്കും. പതിനായിരം കൊടുത്തിട്ടാണ് അത് റിസേർവ് ചെയ്തത്. ഒരാഴ്ച കഴിഞ്ഞപ്പോൾ ആവശ്യക്കാരും ഏറിവന്നു. ശനിയാഴ്ച തുടങ്ങിയ ലേലം വിളിയാണ്. ഞാൻ മറ്റൊരാളും കൂടിയാണ് ആ സംഖ്യക്ക് വേണ്ടി മത്സരിച്ചത്. അവസാനം 48000 രൂപയ്ക്കാണ് ഫാൻസി നമ്പർ സ്വന്തമാക്കിയത്. വീട്ടിൽ തങ്ങൾ എല്ലാവരും വണ്ടി ഭ്രാന്തന്മാർ ആണ്' ബഷീർ പറഞ്ഞു.

Recommended Video

ബഷീർ ബഷിയുടെ ഭാര്യമാർ തമ്മിൽ വഴക്കിടാറുണ്ടോ. രണ്ടാം ഭാര്യയുടെ മറുപടി

പതിനെട്ട് ലക്ഷം രൂപ മുടക്കിയാണ് മഹേന്ദ്ര ഥാർ ബഷീർ വാങ്ങിയത്. കൂടാതെ പുതിയ വീടിന്റെ രജിസ്ട്രേഷനും ബഷീർ കഴി‍ഞ്ഞ ദിവസം നടത്തി. ഇഷ്ടവാഹനവും ഫാൻസി നമ്പറും നിശ്ചയദാർഢ്യത്തിലൂടെ സ്വന്തമാക്കിയ ബഷീർ ബഷിക്ക് ആരാധകരുടെ അഭിനന്ദന പ്രവാഹമാണ്. നിരവധി കമന്റുകള്‍ ആണ് വീഡിയോയ്ക്ക് ലഭിക്കുന്നത്. അടുത്തിടെ പിറന്നാൾ ആഘോഷിച്ച ബഷീർ ബഷിക്ക് വജ്രമോതിരമാണ് ഭാര്യമാർ ചേർന്ന് സമ്മാനമായി നൽകിയത്. സൂര്യ ടി വിയിലെ സൂപ്പർ ജോഡി നമ്പർ വണ്ണിലെ മത്സരാർഥികളായും ബഷീറിന്റെ രണ്ടാം ഭാര്യ മഷൂറയും ബഷീർ ബഷിയും എത്തിയിരുന്നു. നിരവധി ആൽബം ​ഗാനങ്ങളിലും ബഷീർ അഭിനയിച്ചിട്ടുണ്ട്. ഫിറ്റ്നസ് ഫ്രീക്ക് കൂടിയായ ബഷീർ സം​ഗീതത്തെയും ഒരുപാട് സ്നേഹിക്കുന്നുണ്ട്. അടുത്തിടെ മഷൂറയുടെ പിറന്നാൾ ആദ്യ ഭാര്യ സുഹാനയ്ക്കും മക്കൾക്കുമൊപ്പം ആഘോഷിച്ചത് സമൂഹ മാധ്യമങ്ങളിൽ ഏറെ വൈറലായിരുന്നു. വാക്കുകൾക്ക് അതീതമാണ് ഈ കുടുംബത്തിന്റെ പരസ്പര സ്നേഹമെന്നായിരുന്നു കമന്റുകൾ പ്രത്യക്ഷപ്പെട്ടത്.