'ബ്ലെസ്ലി ​ഗൂ​ഗിൾ പേ വഴി ഫാൻസിൽ നിന്നും കാശ് പിരിച്ചു'; ന്യൂജെൻ രീതിയിലുള്ള തെണ്ടലെന്ന് പരിഹാസം, സത്യം ഇതാണ്!

റോബിൻ പുറത്തായപ്പോൾ പ്രേക്ഷകർ ഏറ്റവും കൂടുതൽ വിജയ സാധ്യത പ്രവചിച്ചിരുന്ന മത്സരാർഥിയും ബ്ലെസ്ലിയായിരുന്നു. എന്നാൽ ദിൽഷയ്ക്ക് വിജയ സാധ്യതയോ പ്രേക്ഷക പിന്തുണയോ ഉണ്ടായിരുന്നില്ല.

ശേഷം അവാസന കുറച്ച് ദിവസങ്ങളിൽ പുറത്തായ റോബിന്റെ പിന്തുണ ദിൽഷയ്ക്ക് ലഭിച്ചതോടെയാണ് വോട്ടിങിൽ മാറ്റം വന്നത്.

ഇതോടെ ദിൽഷ വിജയിയാകുകയായിരുന്നു. ഒന്നാം സ്ഥാനം കിട്ടിയില്ലെങ്കിലും തന്റേതായ വലിയൊരു ആരാധക വൃന്ദത്തെ സൃഷ്ടിച്ചെടുക്കാൻ ബ്ലെസ്ലിക്കായി.

Also Read: 'റോബിന്റെ ഭീഷണി എനിക്ക് ഏൽക്കില്ല, ദിൽഷ വിഷയത്തിൽ തെറ്റിദ്ധരിക്കപ്പെട്ടതിൽ സങ്കടം തോന്നി'; ബ്ലെസ്ലി!

അതിനാൽ തന്നെ വിജയിക്ക് ലഭിക്കുന്നതിനേക്കാൾ വലിയ സ്വീകരണമാണ് ബ്ലെസ്ലിക്ക് വേണ്ടി ആരാധകർ വിമാനത്താവളത്തിൽ ഒരുക്കിയിരുന്നത്. പുറത്തിറങ്ങിയ ശേഷവും മറ്റുള്ള മത്സരാർഥികൾ ബ്ലെസ്ലിയെ ഡീ​ഗ്രേഡിങ് നടത്തുന്നത് തുടരുകയാണ്.

കഴിഞ്ഞ ദിവസം പെരുന്നാളിനോട് അനുബന്ധിച്ച് പെരുന്നാൾ‌ കൈനീട്ടം താൽപര്യമുള്ളവർക്ക് ​ഗൂ​ഗിൾ പേ വഴി തനിക്ക് അയച്ച് തരാമെന്ന് പറഞ്ഞ് ബ്ലെസ്ലി സോഷ്യൽമീഡിയയിൽ പോസ്റ്റിട്ടിരുന്നു. അതുവഴി നിരവധി പേർ ബ്ലെസ്ലിക്ക് പണം അയച്ചുകൊടുത്തു.

സംഭവം വൈറലായതോടെ നിരവധി പേർ ബ്ലെസ്ലിയെ വിമർശിച്ച് രം​​ഗത്തെത്തി. ബ്ലെസ്ലി ഫാൻസിൽ‌ നിന്നും ന്യൂജെൻ രീതിയിൽ‌ പണം വാങ്ങി തെണ്ടുന്നുവെന്നാണ് പലരും സോഷ്യൽമീഡിയയിൽ കുറിച്ചത്.

ഇപ്പോൾ തനിക്കെതിരെ വന്ന ആ പരിഹാസങ്ങൾക്ക് മറുപടിയുമായി വന്നിരിക്കുകയാണ് ബ്ലെസ്ലി. മുപ്പതിനായിരം രൂപയാണ് തന്നെ സ്നേഹിക്കുന്ന നിരവധി പേരിൽ നിന്നായി താൻ കളക്ട് ചെയ്തതെന്നും അതിനോടൊപ്പം ബി​ഗ് ബോസിൽ നിന്ന് സമ്പാദിച്ച പണത്തിൽ നിന്നും 30000 രൂപ കൂടി ചേർത്ത് ഒരു കുട്ടിയെ ഒരു വർഷത്തേക്ക് താൻ സ്പോൺസർ ചെയ്തുവെന്നാണ് ബ്ലെസ്ലി പറയുന്നത്.

അത് വ്യക്തമാക്കുന്ന തെളിവുകയും ബ്ലെസ്ലി പങ്കുവെച്ചിട്ടുണ്ട്. 'നിരവധിപേർ എനിക്ക് മെസേജ് അയക്കാറുണ്ട് ​ഗിറ്റാർ വാങ്ങിത്തരാം, ഡ്രസ് അയച്ചുതരാമെന്നെല്ലാം പറഞ്ഞ്. പക്ഷെ അതൊന്നും എനിക്ക് ഇപ്പോൾ ആവശ്യമില്ല.'

Recommended Video

Dhanya Mary Varghese Interview: പുറത്താക്കാൻ നോക്കിയിട്ടും 100 ദിവസം ഞാൻ ബിഗ് ബോസിൽ നിന്നത് ഇങ്ങനെ

'അതിനാലാണ് എന്നെ സ്നേഹിക്കുന്നവർ അവരുടെ ഇഷ്ടപ്രകാരം പണം തന്നാൽ അത് ഉപ​യോ​ഗിച്ച് ചാരിറ്റി പ്രവർത്തനം ചെയ്യാമെന്ന് കരുതിയത്. ബ്ലെസ്ലി ആർമിയുടെ പേരിലാണ് ഞാൻ ഒരു കുട്ടിയെ സ്പോൺസർ ചെയ്തിരിക്കുന്നത്' ബ്ലെസ്ലി പറഞ്ഞു.

വീഡിയോ വൈറലായതോടെ നിരവധി പേർ ബ്ലെസ്ലിയെ അഭിനന്ദിച്ച് രം​ഗത്തെത്തി. മത്സരം കഴിഞ്ഞ് ബ്ലെസ്ലി തിരികെ എത്തിയ ശേഷം നിരവധി പേർ ബ്ലെസ്ലിയെ കാണാനും സന്തോഷം പങ്കിടാനും ബ്ലെസ്ലിയെ തേടി വീട്ടിൽ എത്തുന്നുണ്ട്.