വിവാഹം കഴിഞ്ഞ ഉടന്‍ ഹെലികോപ്റ്ററിലേക്ക് ഓടി കയറി; കൂടെവിടെ സീരിയലിലെ താരങ്ങളുടെ പുത്തന്‍ വിശേഷം വൈറലാവുന്നു

സൂര്യ എന്ന കോളേജ് വിദ്യാര്‍ഥിയും ഋഷി എന്ന അധ്യാപകനും തമ്മിലുള്ള സ്‌നേഹവും ഇവര്‍ക്കിടയിലെ മറ്റ് കഥാപാത്രങ്ങളുമെല്ലാം ചേരുന്നതോടെയാണ് കൂടെവിടെ ചര്‍ച്ചയാവുന്നത്. ഋഷിയും സൂര്യയും ഒന്നാവണമെന്നാണ് പ്രേക്ഷകര്‍ ആഗ്രഹിക്കുന്നതെങ്കിലും ഋഷിയെ സ്വന്തമാക്കണമെന്ന ആഗ്രഹവുമായി നടക്കുകയാണ് മിത്ര. ഇതോടെ സീരിയലിന്റെ മുന്നോട്ടുള്ള പോക്ക് എങ്ങനെയാവും എന്നറിയാനായി കാത്തിരുന്നവരുടെ മുന്നിലേക്കാണ് പ്രതീക്ഷിക്കാത്തൊരു പ്രൊമോ വീഡിയോ എത്തിയിരിക്കുന്നത്.

സൂര്യയും ഋഷിയും വിവാഹം കഴിഞ്ഞ് ഓടി വന്ന് ഹെലികോപ്ടറിലേക്ക് കയറി പറന്ന് പോവുന്നതാണ് വീഡിയോയില്‍ കാണിക്കുന്നത്. ഇവരെ പിടിക്കാനായി ചില ഗുണ്ടകള്‍ കാറില്‍ വന്നിറങ്ങുന്നതുമെല്ലാം പ്രൊമോയിലുണ്ട്. 'സൂര്യ... ആകാശത്തിന്റെ അതിരുകളില്‍ കടന്ന് പ്രണയത്തിന്റെ വര്‍ണ്ണലോകത്തേക്ക് കൂടും തേടി പറക്കുകയാണ് നമ്മള്‍' എന്നാണ് വീഡിയോയിലൂടെ ഋഷി പറയുന്നതായി കാണിച്ചത്. ഇതോടെ ഇരുവരും വിവാഹം കഴിച്ചതാണോ, ഇതിനിടയില്‍ മറ്റെന്തെങ്കിലും സംഭവിച്ചിട്ടുണ്ടോ എന്ന ചോദ്യങ്ങള്‍ ഉയര്‍ന്ന് വന്നത്.

ബിഗ് ബോസിൽ നിന്നും നല്ല പ്രതിഫലം ലഭിച്ചു; 35 ദിവസവും താൻ യഥാര്‍ഥ വ്യക്തിയായി നിന്നുവെന്ന് ശ്വേത മേനോന്‍- വായിക്കാം

ഏറ്റവും ഒടുവില്‍ ഇതൊരു സ്വപ്‌നമായിരിക്കും എന്ന നിഗമനത്തിലാണ് പ്രേക്ഷകര്‍ എത്തിയിരിക്കുന്നത്. ഇവര് ചുമ്മാ ഓരോ പ്രൊമോ ഇറക്കും. അവസാനം സീരിയല്‍ കാണുമ്പോള്‍ മനസില്‍ ആവും ആരോ സ്വപ്നം കണ്ടതാണെന്ന്. ഇത്തവണയും അതിലൊരു മാറ്റമില്ലെങ്കിലും സ്വപ്‌നം ആണെങ്കിലും നല്ല കളര്‍ ആയിട്ടുണ്ടെന്ന് പറയുകയാണ് ആരാധകര്‍. ഇതുപോലെയുള്ള സ്വപ്നങ്ങള്‍ കൂടെവിടെയുടെ പ്രേക്ഷകരെ കൂട്ടുന്നുണ്ടെങ്കിലും സ്ഥിരമാവുന്നതോടെ ബോറടിച്ച് തുടങ്ങിയതായിട്ടും കമന്റിലൂടെ ചിലര്‍ പറയുന്നു.

Recommended Video

സഞ്ജനയ്ക്കും അനന്യയ്ക്കും പ്രതീഷിനും പറയാനുള്ളതെന്ത്

ഏറ്റവും കൂടുതല്‍ സ്വപ്നം കണ്ട സീരിയലിനുള്ള അവാര്‍ഡ് കൂടെവിടേക്കും, മൗനരാഗത്തിനും കൊടുക്കണമെന്ന് ഏഷ്യാനെറ്റിനോട് അപേക്ഷിക്കുകയാണ്. ഇത്രയൊക്കെ സ്വപ്നം കാണാന്‍ കഷ്ട്ടപെടുമ്പോള്‍ നമ്മള്‍ അത് കണ്ടില്ലെന്ന് നടിക്കുന്നത് മോശമല്ലേ. എന്തായാലും ഇത്രയും മനോഹരമായ എച്ച് ഡി സ്വപ്നങ്ങള്‍ കൂടെവിടെയില്‍ മാത്രമേ കാണാന്‍ സാധിക്കുകയുള്ളു. വൈകാതെ സൂര്യയും ഋഷി സാറും ഒന്നിക്കുന്നതിന് വേണ്ടിയാണ് കാത്തിരിക്കുന്നത്. ഹിന്ദിയിലുള്ള സീരിയലിന്റെ മലയാളം റീമേക്ക് ആണ് കൂടെവിടെ. ഹിന്ദിയിലും ഇങ്ങനെ തന്നെയായിരുന്നു. പക്ഷേ മലയാളത്തില്‍ ഇങ്ങനെയൊക്കെ ഉണ്ടാകുമെന്ന് വിചാരിച്ചത് ഇല്ല. ഇവിടെയും പുരോഗമനം വന്ന് തുടങ്ങിയൊന്നാണ് ഒരു ആരാധകന്റെ കമന്റ്.