എന്റെ മൗനം നിങ്ങളുടെ മണ്ടത്തരത്തിനുള്ള ലൈസന്‍സല്ല, ഇരട്ടിയായി തിരിച്ചുകിട്ടും; മറുപടിയുമായി അന്‍ഷിത

അന്‍ഷിതയും അര്‍ണവും പ്രണയത്തിലാണെന്നും ഉടനെ തന്നെ വിവാഹം കഴിക്കുമെന്നും ദിവ്യ ആരോപിക്കുന്നുണ്ട്. ഇപ്പോഴിതാ സംഭവത്തില്‍ പ്രതികരണവുമായി എത്തിയിരിക്കുകയാണ് അന്‍ഷിത. സോഷ്യല്‍ മീഡിയയിലൂടെയായിരുന്നു അന്‍ഷിതയുടെ പ്രതികരണം. പേരെടുത്ത് പറയാതെയാണ് അന്‍ഷിതയുടെ പ്രതികരണമെങ്കിലും താരം ദിവ്യയുടെ ആരോപണങ്ങള്‍ക്ക് മറുപടി നല്‍കിയിരിക്കുകയാണെന്നാണ് സോഷ്യല്‍ മീഡിയ പറയുന്നത്. ആ വാക്കുകള്‍ വായിക്കാം തുടര്‍ന്ന്.

Also Read: അച്ഛന് അപകടം പറ്റി; സെറ്റിൽ വെച്ച് മോഹൻലാൽ പറഞ്ഞത് എന്നെ അമ്പരപ്പിച്ചു; സംവിധായകൻ

''എന്റെ നിശബ്ദത നിങ്ങളുടെ മണ്ടത്തരത്തിനുള്ള ലൈസന്‍സല്ല. കൃത്യസമയത്ത് ശക്തവും വ്യക്തവുമായിരിക്കും എന്റെ മറുപടി. അതുവരെ വ്യാജന്മാരുടെ വികാരങ്ങളോടൊപ്പം ചേര്‍ന്ന് വിരോധികള്‍ക്ക് സ്വന്തം വ്യാഖ്യനങ്ങളുമായി മുന്നോട്ട് പോകാം'' എന്നാണ് അന്‍ഷിത പറയുന്നത്. നിരപരാധികള്‍ ക്രൂശിക്കപ്പെടുമ്പോല്‍ നിയമവും ജീവിതവും വിചിത്രമായി തോന്നിയേക്കാം. എന്നാല്‍ രണ്ട് വശമുള്ള കോടാലികള്‍ ആയതിനാല്‍ ആ നിമിഷങ്ങള്‍ ആസ്വദിക്കുന്നവര്‍ക്കെതിരെ ഇരട്ടിയായി തിരിച്ചു കിട്ടും' എന്നും അന്‍ഷിത കുറിക്കുന്നുണ്ട്. കമന്റ് ബോക്‌സ് പൂട്ടിയിട്ടിരിക്കുകയാണ് അന്‍ഷിത.

അന്‍ഷിതയ്‌ക്കെതിരെ ദിവ്യ നേരത്തെ പോലീസില്‍ പരാതി നല്‍കിയിരുന്നു. തന്നെ അന്‍ഷിത വാര്‍ട്ടര്‍ ബോട്ടില്‍ വച്ച് തല്ലിയെന്നാണ് ദിവ്യ പറയുന്നത്. എന്നാല്‍ ദിവ്യയുടെ ആരോപണങ്ങളെ തള്ളിപ്പറഞ്ഞുകൊണ്ട് ഭര്‍ത്താവും നടനുമായ അര്‍ണവ് രംഗത്തെത്തിയിരുന്നു. ദിവ്യ തന്നെ വിവാഹം കഴിച്ചത് കള്ളം പറഞ്ഞാണെന്നാണ് അര്‍ണവ് പറയുന്നത്. ആദ്യ വിവാഹത്തില്‍ ഒരു കുട്ടിയുള്ള വിവരം ദിവ്യ മറച്ചുവച്ചുവെന്നാണ് അര്‍ണവ് പറയുന്നത്.

ഷൂട്ടിംഗ് സ്ഥലത്ത് ദിവ്യ വരുമ്പോള്‍ താനും ആരോപണവിധേയായ നടിയും ഭക്ഷണം കഴിക്കുകയായിരുന്നു. ദിവ്യ അവരുമായി പ്രശ്‌നമുണ്ടാക്കി. എന്നാല്‍ അവര്‍ നിയന്ത്രണം പാലിച്ചു. പിന്നീട് കൈ കഴുകാനായി എഴുന്നേറ്റ നടിയുടെ മുടിയില്‍ പിടിച്ച് വലിക്കുകയായിരുന്നു ദിവ്യയെന്നും അപ്പോള്‍ പ്രതിരോധിക്കാനായി അവര്‍ വാട്ടര്‍ ബോട്ടില്‍ വച്ച് എറിയുകയായിരുന്നുവെന്നാണ് അര്‍ണവ് പറയുന്നത്. കേളടി കണ്‍മണി എന്ന പരമ്പരയില്‍ അഭിനയിക്കുമ്പോഴാണ് അര്‍ണവും ദിവ്യയും പ്രണയത്തിലാകുന്നത്.

ഇതിനിടെ അര്‍ണവും അന്‍ഷിതയും ദിവ്യയും തമ്മിലുള്ള ഫോണ്‍ സംഭാഷണം സോഷ്യല്‍ മീഡിയയില്‍ വൈറലായിരുന്നു. ഓഡിയോയില്‍ അന്‍ഷിത ദിവ്യ കേള്‍ക്കെ തന്നെ അര്‍ണവിനോട് ഐ ലവ് യു എന്ന് പറയുന്നുണ്ട്. സംഭവത്തില്‍ അന്‍ഷിതയുടെ ഭാഗത്തു നിന്നും വ്യക്തമായൊരു പ്രതികരണം ഇതുവരേയും ലഭ്യമായിട്ടില്ല. താരം ഉടനെ തന്നെ നേരിട്ട് പ്രതികരിക്കുമെന്നാണ് ആരാധകര്‍ വിലയിരുത്തുന്നത്.