പേരക്കുട്ടികള്‍ക്ക് മുന്‍പ് ടാറ്റൂ കുത്തിയ ഗ്രാന്‍ഡ്മാ, 68ലും കൂള്‍ കൂളായ അമ്മയെ കുറിച്ച് പൂര്‍ണിമ ഇന്ദ്രജിത്ത്

പിന്നാലെ രാജീവ് രവി സംവിധാനം ചെയ്ത തുറമുഖം എന്ന ചിത്രത്തിലും നടി അഭിനയിച്ചിരുന്നു. അഭിനയത്തിനും അവതരണത്തിനും പുറമെ ബിനിനസ് സംരംഭകയായും പൂര്‍ണിമ തിളങ്ങി. നടിയുടെ ബ്രാന്‍ഡ് മലയാളികള്‍ക്കിടെയില്‍ തരംഗമായിരുന്നു. അടുത്തിടെയാണ് ബോളിവുഡിലും അരങ്ങേറ്റം കുറിക്കുകയാണെന്ന് നടി ആരാധകരെ അറിയിച്ചത്.

ദേശീയ അവാര്‍ഡ് ജേതാവായ സച്ചിന്‍ കുന്ദല്‍ക്കര്‍ ഒരുക്കുന്ന ഹിന്ദി ഇംഗ്ലീഷ് സിനിമയായ കോബാള്‍ട്ട് ബ്ലൂവിലൂടെയാണ് പൂര്‍ണിമ ബോളിവുഡില്‍ എത്തുന്നത്. അതേസമയം പൂര്‍ണിമ ഇന്ദ്രജിത്തിന്റെതായി വന്ന പുതിയ ഇന്‍സ്റ്റഗ്രാം പോസ്റ്റും ശ്രദ്ധേയമായി മാറിയിരുന്നു. അമ്മയ്ക്ക് 68ാം പിറന്നാള്‍ ദിനത്തില്‍ ആശംസ നേര്‍ന്നുകൊണ്ടുളള ഒരു കുറിപ്പാണ് പൂര്‍ണിമയുടെതായി ആരാധകര്‍ ഏറ്റെടുത്തത്.

അമ്മയ്ക്കും അച്ഛനും സഹോദരി പ്രിയാ മോഹനുമൊപ്പമുളള ചിത്രങ്ങള്‍ പങ്കുവെച്ചുകൊണ്ടായിരുന്നു പൂര്‍ണിമയുടെ ആശംസാ കുറിപ്പ് വന്നത്. മോഹന്‍, ശാന്തി എന്നിങ്ങനെയാണ് ഇവരുടെ മാതാപിതാക്കളുടെ പേര്. പൂര്‍ണിമയുടെ വാക്കുകളിലേക്ക്: അമ്മയുടെ പിറന്നാളാണിന്ന്. പേരക്കുട്ടികള്‍ ടാറ്റൂ ചെയ്യുന്നതിന് മുന്‍പായി കൂള്‍ കൂളായ അമ്മ ടാറ്റൂ കൂത്തി.

കാരണം ഏറെ ഉത്സാഹമുളെളാരു അമ്മ മാത്രമല്ല, അത്യൂത്സാഹമുളെളാരു മുത്തശ്ശി കൂടിയാണ്. അമ്മയ്ക്ക് ആശംസകള്‍ നേര്‍ന്നുകൊണ്ട് നടി കുറിച്ചു. ആശംസാ കുറിപ്പിനൊപ്പം അമ്മയുടെ കയ്യില്‍ നക്ഷത്രങ്ങള്‍ ടാറ്റൂ ചെയ്തിരിക്കുന്ന ചിത്രങ്ങളും പൂര്‍ണിമ പങ്കുവെച്ചു. പിന്നാലെ നടിയുടെ അടുത്ത സുഹൃത്തുക്കളും ആരാധകരുമെല്ലാം പൂര്‍ണിമയുടെ അമ്മയ്ക്ക് ജന്മദിനാശംസകള്‍ നേര്‍ന്ന് എത്തി.

നടിയുടെ സുഹൃത്തുക്കളായ രഞ്ജിനി ഹരിദാസ്, ഗീതു മോഹന്‍ദാസ്, അമലാ പോള്‍, ശ്രുതി മേനോന്‍ ഉള്‍പ്പെടെയുളള താരങ്ങളാണ് ആശംസകള്‍ അറിയിച്ച് എത്തിയത്. പൂര്‍ണിമയ്‌ക്കൊപ്പം അനിയത്തി പ്രിയാ മോഹനും എല്ലാവര്‍ക്കും സുപരിചിതയാണ്. സീരിയലുകളിലെ വില്ലത്തി വേഷങ്ങളിലൂടെയാണ് നടി കൂടുതല്‍ തിളങ്ങിയത്. പൂര്‍ണിമയ്ക്കൊപ്പം പ്രിയാ മോഹന്റെ കുടുംബവും വാര്‍ത്തകളില്‍ നിറയാറുണ്ട്. നടിയുടെ ഭര്‍ത്താവ് നിഹാല്‍ പിളളയും എല്ലാവര്‍ക്കും സുപരിചിതനാണ്, പൃഥ്വിരാജ് നായകനായ മുംബൈ പോലീസിലൂടെയാണ് നടന്‍ ശ്രദ്ധിക്കപ്പെട്ടത്