ഋഷിക്കും സൂര്യയ്ക്കുമിടയിലേക്ക് പുതിയ അതിഥി, ആരാണ് ജ​ഗന്നാഥൻ?

ഋഷിക്ക് നിരവധി ആലോചനകൾ വരുന്നുണ്ട് ബന്ധുക്കളിൽ ഒരാളായ മിത്രയുമായുള്ള ഋഷിയുടെ വിവാഹം അടുത്ത സാഹചര്യത്തിൽ സൂര്യയെ സാബു എന്ന ​ഗുണ്ടയുടെ നേതൃത്വത്തിലുള്ള സംഘം അപായപ്പെടുത്താൻ ശ്രമിക്കുന്നു. സൂര്യയെ കാണാനില്ലെന്ന് അറിയുന്നത് മുതൽ ഋഷി സൂര്യയെ തേടിയിറങ്ങുന്നു. ഒളിഞ്ഞിരുന്ന അപകടം മനസിലാക്കാതെയാണ് സാബുവിനൊപ്പം സൂര്യ പോയത്. സൂര്യയ്ക്ക് അപകടം സംഭവിച്ചുവെന്ന് മനസിലായ ഋഷി അവളെ തേടി കണ്ടുപിടിക്കുന്നു. ആ ദുർഘട സാഹചര്യങ്ങളിലൂടെ കടന്നുപോയപ്പോഴാണ് ഇരുവരും ആദ്യമായി പരസ്പരമുള്ള സ്നേഹം തിരിച്ചറിഞ്ഞതും അത് തുറന്ന് പറഞ്ഞതും. സാബുവിന്റെ കണ്ണിൽപെടാതരിക്കാൻ സൂര്യയേയും കൊണ്ട് നാടും വീടും വീട്ട് ഒളിവിൽ താമസിക്കുകയാണ് ഋഷി ഇപ്പോൾ. അമ്മ അദിതിയോട് ഋഷി ഇക്കാര്യങ്ങളെല്ലാം പറഞ്ഞിരുന്നു. അതിനാൽ അദിതി ടീച്ചർ തന്നെയാണ് ഋഷിക്കും സൂര്യയ്ക്കും അഞ്ജാത വാസത്തിനുള്ള ഇടംകണ്ടെത്തി നൽകിയത്. അദിതി ടീച്ചർ അവകാശിയായ പവയൊരു തറവാട്ടിലാണ് ഋഷിയും സൂര്യയും ഇപ്പോൾ താമസിക്കുന്നത്. ഇവിടെ വരെയാണ് കൂടെവിടെ കഥ എത്തിനിൽക്കുന്നത്.

ഏറെനാളായി ഋഷി സൂര്യയോട് പ്രണയം പറയുന്നത് കാണാൻ കാത്തിരുന്നവരാണ് ആരാധകർ. ഇപ്പോൾ ഇരുവരും സ്നേഹം തുറന്നുപറഞ്ഞ് പരസ്പരം സ്നേഹിക്കാൻ തുടങ്ങിയതോടെ സീരിയലിനോടുള്ള ആരാധകരുടെ ഇഷ്ടവും വർധിച്ചിട്ടുണ്ട്. തിങ്കളാഴ്ച സംപ്രേഷണം ചെയ്യാൻ പോകുന്ന ഭാ​ഗത്തിന്റെ പ്രമോ ചാനൽ പുറത്തുവിട്ടിട്ടുണ്ട്. കൂടാതെ ഒരു പുതിയ കഥാപാത്രം കൂടി കൂടെവിടെയിലേക്ക് വരികയാണ്. നാലഞ്ചേരി തറവാട്ടിൽ കഴിയുന്ന സൂര്യയോടും ഋഷിയോടും അവിടെയുള്ള ഒരു ഭാ​ഗത്ത് ചില അപകടങ്ങൾ ഒളിഞ്ഞിരിപ്പുണ്ടെന്നും അതിനാൽ സൂക്ഷിക്കണമെന്നും തറവാടിന്റെ നടത്തിപ്പുകാരൻ അറിയിച്ചിരുന്നു. തറവാട്ടിൽ താമസം ആരംഭിച്ച ശേഷം ചില അമാനുഷിക ശക്തികളുടെ സാന്നിധ്യം സൂര്യയ്ക്ക് അനുഭവപ്പെടുന്നതായാണ് പുതിയ പ്രമോയിൽ കാണിക്കുന്നത്. ഇനി പ്രേതമാമോ ബാധയാണോ എന്നത് വ്യക്തമല്ല. ഇനിയിപ്പോൾ ഇവരുടെ ജീവിതത്തിൽ ഈ തറവാട്ടിൽ താമസിക്കുന്നതിലൂടെ വരാൻ പോകുന്ന അപകടങ്ങളെ കുറിച്ചാണ് പുതിയ പ്രമോ വന്ന ശേഷം ആരാധകർ ചർച്ച ചെയ്യുന്നത്.

Recommended Video

തിയറ്റർ തുറക്കുമ്പോൾ ആദ്യ പടം കുഞ്ഞിക്കയുടെ കുറുപ്പ്..വിവരങ്ങൾ

ഒപ്പം ജ​ഗന്നാഥൻ എന്നൊരു പുതിയ കഥാപാത്രം കൂടി വരുന്നുണ്ട്. ജീപ്പിൽ സ്റ്റൈലായി ഒരു വില്ലൻ പരിവേഷത്തിലാണ് ജ​ഗന്നാഥൻ എന്ന കഥാപാത്രം ഋഷിക്ക് മുമ്പിലേക്ക് എത്തുന്നത് എന്നാണ് പ്രമോ സൂചിപ്പിക്കുന്നത്. ഋഷിയുടെ നന്മയ്ക്കാണോ ദോഷത്തിനാണോ എന്നത് വ്യക്തമല്ല. കൂടാതെ വിവാഹത്തെ കുറിച്ചും റാണിയമ്മയ്ക്കുള്ള വൈരാ​ഗ്യത്തെ കുറിച്ചുമുള്ള ആശങ്കകളും സൂര്യയോട് ഋഷി പങ്കുവെക്കുന്നതും പുതിയ പ്രമോയിൽ ഉൾപ്പെടുത്തിയിട്ടുണ്ട്. ഇനിയങ്ങോട്ട് കൂടെവിടെ ആരാധകരിൽ ആകാംഷ നിറയ്ക്കുന്ന എപ്പിസോഡുകളാണ് വരാനിരിക്കുന്നത് എന്നാണ് പുതിയ പ്രമോ സൂചിപ്പിക്കുന്നത്. അടുത്ത ഒരാഴ്ച ഋഷി-സൂര്യ ജോഡിക്ക് നിർണായകമായിരിക്കും.