ബോളിവുഡിലെ ആദ്യ സിനിമയക്ക് ശേഷം 'ഒളിവിൽ' താമസിക്കേണ്ടി വന്നതിനെ കുറിച്ച് റോജ സുന്ദരി

ഓഡീഷനിലൊന്നും പങ്കെടുക്കാതെയാണ് ഫൂൽ ഔർ കാന്റെയിലേക്ക് നായികയായി മാധൂ തെരഞ്ഞെടുക്കപ്പെട്ടത്. സിനിമയിലേക്ക് സെലക്ട് ആയതിനെ കുറിച്ച് മാധൂ പറയുന്നത് ഇങ്ങനെ. 'കുക്കു കൊഹ്ലി ആദ്യം മറ്റൊരു പെൺകുട്ടിയെ സിനിമക്കായി കണ്ടെത്തുകയും കരാർ ഒപ്പിടുകയും ചെയ്തിരുന്നു. നായികയാകണമെന്ന് ആവശ്യപ്പെട്ട് അവർ എന്നെ സമീപിക്കുമ്പോൾ സിനിമയുടെ പകുതി ചിത്രീകരണം പൂർത്തിയായിരുന്നു. ഞാൻ വീട്ടിൽ ചേട്ടന്റെ കൂടെ കാരംസ് കളിച്ച് കൊണ്ടിരിക്കുമ്പോഴാണ് അണിയറപ്രവർത്തകരുടെ ഫോൺ വിളി വന്നത്. ശേഷം ഞാൻ സിനിമയിൽ അഭിനയിക്കാൻ പോയി. യാതൊരു തയ്യാറെടുപ്പും കഥാപാത്രത്തിന് വേണ്ടി നടത്തിയിരുന്നില്ല' മാധൂ പറഞ്ഞു.

'സിനിമ തിയേറ്ററുകളിൽ ചലനം സൃഷ്ടിച്ചു. വലിയൊരു വിജയമോ സെൻസേഷനോ സൃഷ്ടിക്കാൻ ഫൂൽ ഔർ കാന്റെയ്ക്ക് സാധിക്കുമെന്ന് അന്ന് മാധൂ വിശ്വസിച്ചിരുന്നില്ല. സിനിമ കണ്ട ചിലരൊക്കെ മാധൂവിനെ വിളിച്ച് അഭിനന്ദിച്ചു. ഒരു അഭിനേത്രി എന്ന രീതിയിൽ ആൾക്കാരുടെ പ്രിയം ആ സിനിമയിലൂടെ മാധൂവിന് ലഭിച്ചു. ഫൂൽ ഔർ കാന്റെ കണ്ടശേഷം സ്വയം സംതൃപ്തി തോന്നിയിരുന്നില്ലെന്നും മാധൂ കൂട്ടിച്ചേർത്തു. ഫൂൽ ഔർ കാന്റെ കണ്ടതിന് ശേഷം സന്തുഷ്ടയായിരുന്നില്ല. അതിനാൽ മാധ്യമങ്ങളുടെ കണ്ണിൽപ്പെടാതിരിക്കാൻ മറ‍ഞ്ഞ് നടന്നു. സുഹൃത്തിന്റെ വീട്ടിൽ ഒളിച്ച് താമസിച്ചു. ഞാൻ സ്വയം എന്നെ വളരെ വിമർശിക്കുന്ന ആളാണ്. ഫൂൽ ഔർ കാന്റെ കണ്ടിറങ്ങിയപ്പോഴും അത് തന്നെയാണ് സംഭവിച്ചത്. ഒരുപാട് അഭിനയിക്കാനുണ്ടായിരുന്ന സിനിമയായിരുന്നു. എല്ലാം നന്നായിരുന്നോ എന്നതിൽ എനിക്ക് ഉറപ്പുണ്ടായിരുന്നില്ല. അതുകൊണ്ട് വിമർശകരെ ഞാൻ ഭയന്നു. സിനിമ റിലീസ് ആയ ശേഷം പത്ര വായിക്കുകയോ പുറത്തുള്ള ആളുകളുമായി സംസാരിക്കാനോ ഞാൻ കൂട്ടാക്കിയിരുന്നില്ല' മാധൂ പറയുന്നു.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

എന്നാൽ മൂന്ന് ദിവസം കഴിഞ്ഞ് കഥ മാറിയെന്നും റോഡിൽ വെച്ച് പോലും ആളുകൾ തിരിച്ചറിയാനും അഭിനന്ദിക്കാനും തുടങ്ങിയെന്നും അപ്പോഴാണ് സിനിമ വിജയിച്ചുവെന്ന സത്യം താൻ മനസിലാക്കിയതെന്നും മാധൂ പറയുന്നു. ഫൂൽ ഔർ കാന്റെ ഹിറ്റായത് കഥ കൊണ്ട് മാത്രമല്ല സംഗീതം കൊണ്ട് കൂടിയാണെന്നും ഇന്നും എവിടെ പോയാലും ചിത്രത്തിലെ ​ഗാനങ്ങൾ പലരും പാടി തരികയും തന്നോട് പാടാൻ ആവശ്യപ്പെടുകയും ചെയ്യാറുണ്ടെന്നും മാധൂ പറയുന്നു. ആരാധകർക്ക് പാടികൊടുക്കാനായി കുറച്ച് വരികൾ പഠിച്ചുവെച്ചിട്ടുണ്ടെന്നും മാധൂ പറയുന്നു. തനിക്ക് സിനിമാ മേഖലയിൽ നിന്നും ലഭിച്ച കാര്യങ്ങളിൽ സന്തുഷ്ടയാണെന്നും അഭിനയിക്കാതിരിക്കുമ്പോഴും തന്നെ സ്നേഹിക്കുന്നവരോട് കടപ്പാടുണ്ടെന്നും സിനിമയെ സ്നേഹിക്കുന്നവർ നൽകിയ പിന്തുണ വലുതാണെന്നും മാധൂ പറയുന്നു.