'ഭർത്താവിനോടൊപ്പമല്ല', 'കർവ ചൗഥ്' ഇത്തവണ കുടുംബത്തോടൊപ്പം ആ​ഘോഷിച്ച് ശിൽപ ഷെട്ടി

2021 ജൂലൈ 19ന് ശിൽപ ഷെട്ടി കുന്ദ്രയുടെ കുടുംബം അവരുടെ ജീവിതത്തിലെ ഏറ്റവും വലിയ വിഷമഘട്ടത്തെയാണ് നേരിട്ടത്. താരത്തിന്റെ ഭർത്താവ് രാജ് കുന്ദ്രയെ അശ്ലീല വീഡിയോ നിര്‍മാണക്കേസിലാണ് അറസ്റ്റ് ചെയ്തത്. ഏറെനാൾ ജയിലിൽ കിടന്നശേഷമാണ് സെപ്റ്റംബറിൽ രാജ് കുന്ദ്രയ്ക്ക് ജാമ്യം ലഭിച്ചത്. 50000 രൂപ കെട്ടിവെക്കണമെന്ന ഉപാധിയോടെയാണ് ജാമ്യം അനുവദിച്ചത്. കേസില്‍ കൂട്ടുപ്രതിയും രാജ് കുന്ദ്രയുടെ സഹായിയുമായ റയാന്‍ തോര്‍പ്പയ്ക്കും മുംബൈ കോടതി ജാമ്യം നല്‍കിയിരുന്നു. ശില്‍പ്പ ഷെട്ടി അടക്കം 43 പേരുടെ മൊഴി പൊലീസ് കേസുമായി ബന്ധപ്പെട്ട് രേഖപ്പെടുത്തിയിരുന്നു. കേസിലെ പ്രധാന പ്രതി രാജ് കുന്ദ്രയാണെന്നാണ് പൊലീസ് കുറ്റപത്രത്തില്‍ പറയുന്നത്.

ജാമ്യം ലഭിച്ച് വന്ന രാജ് കുന്ദ്രയെ സ്വീകരിക്കാൻ ശിൽപ്പ തയ്യാറായിട്ടില്ല. ഇരുവരും ഇപ്പോൾ അകന്നാണ് കഴിയുന്നത്. ശിൽപ്പയ്ക്കൊപ്പമാണ് രണ്ട് മക്കളും താമസിക്കുന്നത്. മക്കളുടേയും തന്റെ മാതാപിതാക്കളുടേയും സന്തോഷവും സ്നേഹവുമാണ് ഇപ്പോൾ ശിൽപയുടെ ലക്ഷ്യം. ഭർത്താവുമായി അകന്ന് കഴിയുന്നതിനാൽ ശിൽപ ഇത്തവണ കർവ ചൗഥ് ആഘോഷങ്ങളിൽ നിന്നും മാറിനിൽക്കുമെന്ന തരത്തിൽ വാർത്തകൾ വന്നിരുന്നു. എന്നാൽ താരം ഇത്തവണയും മുടങ്ങാതെ കർവ ചൗഥ് ആഘോഷിക്കുന്നുണ്ട്. തന്റെ കുടുംബത്തോടും പ്രിയ സുഹൃത്തുക്കൾക്കുമൊപ്പമാണ് ശിൽപയുടെ ആഘോഷം. ചുവന്ന വസ്ത്രവും കൈനിറയെ വളകളുമണിഞ്ഞ് കർവ ചൗഥ് ആഘോങ്ങൾക്കായി തയ്യാറെടുത്ത് നിൽക്കുന്ന ചിത്രങ്ങളും വീഡിയോകളും ശിൽപ സോഷ്യൽമീഡിയയിൽ പങ്കുവെച്ചിരുന്നു. താരത്തിന്റെ മാതാപിതാക്കൾ ശിൽപ്പയ്ക്കും കുഞ്ഞുങ്ങൾക്കും ആശംസകൾ അറിയിച്ച് മധുരങ്ങൾ നൽകിയതിന്റെ വീഡിയോയും ശിൽപ പങ്കുവെച്ചിരുന്നു.

Recommended Video

Shilpa Shetty planning to separate from Raj Kundra amid his arrest | FilmiBeat Malayalam

2009 നവംബർ 22നായിരുന്നു ശിൽപയും രാജ് കുന്ദ്രയും തമ്മിലുള്ള വിവാഹം നടന്നത്. ശേഷം ഇവർക്ക് വിയാൻ, സമീഷ എന്നിങ്ങനെ രണ്ട് മക്കളും പിറന്നു. പതിനൊന്ന് വർഷം മുടങ്ങാതെ വിവാഹശേഷം കൗർവ ചൗഥ് ഭർത്താവിന്റെ സാന്നിധ്യത്തിലാണ് ശിൽപ ആഘോഷിച്ചിരുന്നത്. കഴിഞ്ഞ ദിവസം മക്കൾക്കൊപ്പം അവധി ആഘോഷിക്കുന്ന ശിൽപയുടെ വീഡിയോകൾ പുറത്തുവന്നിരുന്നു. താരത്തിന്റെ വീഡിയോയും ഫോട്ടോകളും പുറത്തുവന്നതോടെ ശിൽപ ഇത്തവണ കർവ ചൗത്ത് ആഘോഷിക്കുന്നില്ലെന്നാണ് എല്ലാവരും കരുതിയിരുന്നത്. എന്നാൽ ആ ധാരണകളെയെല്ലാം ഉടച്ചിരിക്കുകയാണ് ശിൽപ. ഏത് പ്രതിസന്ധി ഘട്ടത്തിലും മുമ്പോട്ട് പോകാനുള്ള മനോധൈര്യം ഉള്ള നടിമാരിൽ ഒരാൾ കൂടിയാണ് ശിൽപ ഷെട്ടി. ഹം​ഗാമ 2 ആണ് ഇനി റിലീസിനെത്താനുള്ള ശിൽപ ഷെട്ടി സിനിമ.