ഞാന്‍ മരിച്ചാല്‍ ഷാരൂഖ് ഖാന്റെ പാട്ട് ടിവിയില്‍ കാണിക്കണം; മനസ് തുറന്ന് സോനു നിഗം

തന്റെ പതിനെട്ടാം വയസിലാണ് സിനിമ ഗായകന്‍ ആവുക എന്ന ലക്ഷ്യത്തോടെ സോനു മുംബൈയിലെത്തുന്നത്. ആദ്യകാലത്ത് റിക്ഷ സ്‌കൂട്ടര്‍ ഓടിക്കേണ്ടി വന്നിരുന്നു സോനുവിന്. തന്നേക്കാള്‍ ഇരട്ടിപ്രായമുണ്ടായിരുന്ന കുമാര്‍ സാനുവും ഉദിത് നാരായണനും അഭിജീത്തുമൊക്കെയായിരുന്നു ആദ്യ കാലങ്ങളില്‍ സോനുവിന്റെ എതിരാളികള്‍. പുതുമുഖങ്ങള്‍ക്ക് അവസരം നല്‍കാന്‍ പലരും മടിച്ചിരുന്നു. ഒരു അവസരത്തിനായി മണിക്കൂറുകളോളം കാത്തു നില്‍ക്കുമായിരുന്നു സോനു.

1990 ല്‍ ജനം എന്ന സിനിമയില്‍ പാടുന്നതോടെയാണ് സോനുവിന്റെ ജീവിതം മാറുന്നത്. സിനിമ റിലീസ് ആയില്ലെങ്കിലും ടി സീരീസ് ഉടമയായ ഗുല്‍ഷന്‍ കുമാര്‍ സോനുവിന് അടുത്ത സിനിമയില്‍ പാടാന്‍ അവസരം നല്‍കി. അച്ചാ സില ദിയ തൂനെ എന്ന ഗാനത്തിലൂടെയാണ് സോനു ശ്രദ്ധിക്കപ്പെടുന്നത്. പിന്നീട് പുത്തന്‍ താരോദയമായി മാറുകയായിരുന്നു. ഇതിനിടെ അഭിനയത്തിലും ഒരു കൈ നോക്കിയെങ്കിലും അഭിനയത്തില്‍ പരാജയമായിരുന്നു സോനുവിന് നേരിടേണ്ടി വന്നത്.

1995 ഡിസംബര്‍ 24 നാണ് സോനു തന്റെ ജീവിതത്തിലെ പ്രണയമായ മധുരിമയെ കണ്ടുമുട്ടുന്നത്. പിന്നാലെ ഇരുവരും പ്രണയത്തിലാവുകയായിരുന്നു. നീണ്ട പ്രണയത്തിന് ഒടുവില്‍ 2002 ഫെബ്രുവരി 14 ന് ഇരുവരും വിവാഹിതരായി. 2007 ലാണ് സോനുവിനും മധുരിമയ്ക്കും മകന്‍ ജനിക്കുന്നത്. നേവാന്‍ എന്നാണ് ദമ്പതികളുടെ മകന്റെ പേര്. എന്നാല്‍ ഇതിനിടെ സോനുവിന്റേയും മധുരിമയുടേയും ജീവിതം വലിയ പ്രതിസന്ധികളിലൂടെ കടന്നു പോയിരുന്നു. സോനുവിന് മറ്റ് രണ്ട് സ്ത്രീകളുമായി പ്രണയ ബന്ധമുണ്ടെന്നായിരുന്നു റിപ്പോര്‍ട്ടുകള്‍. ഗായിക സുനിധി ചൗഹാനും സ്മിത താക്കറെയുമായി സോനു പ്രണയത്തിലാണെന്നായിരുന്നു റിപ്പോര്‍ട്ടുകള്‍. ഇതോടെ ഇരുവരും പിരിയുകയാണെന്നും റിപ്പോര്‍ട്ടുകളുണ്ടായിരുന്നു. എങ്കിലും എല്ലാം പിന്നീട് കെട്ടങ്ങി.

Also Read: ദീപികയുടെ ലുക്കിനെക്കുറിച്ച് ചോദ്യം; നെറ്റ് വര്‍ക്കില്ലെന്ന് പറഞ്ഞ് അവഗണിച്ച അനുഷ്‌ക ശര്‍മ, വായിക്കാം

Recommended Video

Sharukh khan's daughters Suhana requested him to behave properly | FIlmiBeat Malayalam

കടുത്ത ഷാരൂഖ് ഖാന്‍ ആരാധകനാണ് സോനു നിഗം. താന്‍ മരിക്കുമ്പോള്‍ ന്യൂസ് ചാനലുകള്‍ കല്‍ ഹോ ന ഹോയില്‍ താന്‍ പാടിയ ഹര്‍ ഗഡി ബദല്‍ രഹീ സിന്ദഗി എന്ന ഷാരൂഖ് അഭിനയിച്ച പാട്ടാകണം സംപ്രേക്ഷണം ചെയ്യേണ്ടതെന്ന് ഒരിക്കല്‍ സോനു പറഞ്ഞിരുന്നു.