അൻവർ റഷീദ്

19 Mar, 1976 |

Producer/Director

ജീവചരിത്രം

മലയാളചലച്ചിത്ര രംഗത്തെ ഒരു സംവിധായകനും നിർമ്മാതാവുമാണ് അൻവർ റഷീദ്. മമ്മൂട്ടി നായകനായ 'രാജമാണിക്യം' എന്ന സുപ്പർ ഹിറ്റ് ചിത്രം സം‌വിധാനം ചെയ്തുകൊണ്ടാണ് അൻവർ റഷീദ് ചലച്ചിത്ര രംഗത്തേയ്ക്ക് കടന്നു വരുന്നത്. പിന്നീട് 2007-ൽ മോഹൻലാൽ നായകനായ 'ഛോട്ടാ മുംബൈ' എന്ന ചിത്രം സം‌വിധാനം ചെയ്തു. അദ്ദേഹത്തിന്റെ മൂന്നാം ചിത്രമായ അണ്ണൻ തമ്പിയും (2008) സാമ്പത്തികമായി ലാഭമുണ്ടാക്കി. രഞ്ജിത്തിന്റെ കീഴിൽ പത്ത് സം‌വിധായകർ അണിനിരന്ന് പത്ത് കഥകൾ ഉള്ള കേരള കഫേ (2009) എന്ന ചിത്രത്തിൽ ബ്രിഡ്ജ് എന്നൊരു ചിത്രവും അദ്ദേഹം സം‌വിധാനം ചെയ്തു. ദുൽക്കർ സൽമാൻ നായകനായി 2012-ൽ പുറത്തിറങ്ങിയ ഉസ്താദ് ഹോട്ടൽ ആണ് അദ്ദേഹം ഒടുവിൽ സംവിധാനം ചെയ്ത ചിത്രം. ബാംഗ്ലൂര്‍ ഡെയ്‌സ്, പ്രേമം എന്നീ ഹിറ്റ്‌ സിനിമകൾ അദ്ദേഹം നിർമ്മിച്ചതാണ്.